Read ადიშის ოთხთავი 897 წ. – ძველი მონუსკრიპტები 1 თესალონიკელთა მიმართ 5 Bible Online

1 თესალონიკელთა მიმართ 5 - ადიშის ოთხთავი 897 წ. – ძველი მონუსკრიპტები bible

1 თესალონიკელთა მიმართ 5

¹ხოლო ჟამთა მათთჳს და წელთა, ძმანო, არაჲ გჳჴმს მიწერად თქუენდა,

²რამეთუ თქუენ თჳთ გულითად იცით, ვითარმედ დღჱ იგი უფლისაჲ, ვითარცა მპარავიღამესა, ეგრე მოიწიოს.

³რაჟამს თქუან: "მშჳდობაჲ და კრძალულებაჲ", მაშინ მეყსეულად მოიწიოს მათ ზედამომსრველი, ვითარცა სალმობაჲ შობადისაჲ, და ვერ განერნენ.

⁴ხოლო თქუენ, ძმანო, არა ხართ ბნელსა შინა, რაჲთამცა დღჱ იგი ვითარცა მპარავი გეწიათქუენ.

⁵რამეთუ თქუენ ყოველნი ნაშობნი ნათლისანი ხართ და ნაშობნი დღისანი, არა ვართღამისანი, არცა ბნელისანი.

⁶აწ ნუმცა გუძინავს, ვითარცა-იგი სხუათა, არამედ განვიფრთხოთ და მღჳძარე ვიყვნეთ.

⁷რამეთუ რომელთა-იგი სძინავნ, ღამე სძინავნ, და რომელნი-იგი დაითრვნიან, ღამე დაითრვნიან.

⁸ხოლო ჩუენ, რამეთუ დღისანი ვართ, განვიფრთხოთ, შევიმოსოთ ჯაჭჳ იგისარწმუნოებისაჲ და სიყუარულისაჲ და ჩაფხუტი იგი სასოებისაჲ და ცხოვრებისაჲ.

⁹რამეთუ არა შემქმნნა ჩუენ ღმერთმან რისხვისათჳს, არამედ შესაწევნელად ცხოვრებისაუფლისა ჩუენისა მიერ იესუ ქრისტესა,

¹⁰რომელი მოკუდა ჩუენთჳს, რაჲთა გინა თუ გუეღჳძოს, გინა თუ გუეძინოს, ერთბამად მისთანა ვცხოვნდეთ.

¹¹ამისთჳს ნუგეშინის-სცემდით ურთიერთას და აღაშჱნებდით ურთიერთსა, ვითარცა-ეგეჰყოფთ.

¹²გლოცავ თქუენ, ძმანო, იცნითმცა, რომელნი-იგი შურებიან თქუენ შორის დაწინამძღუარნი იგი თქუენნი უფლისა მიერ და მასწავლელნი იგი თქუენნი,

¹³უმეტჱსად შეჰრაცხენით იგინი სიყუარულით საქმისა მათისათჳს; და მშჳდობასაჰყოფდით მათ თანა.

¹⁴გლოცავ თქუენ, ძმანო, სწავლიდით უწესოთა მათ, ნუგეშინის-სცემდით სულმოკლეთა,თავს-იდებდით უძლურთა მათ, სულგრძელ იყვენით ყოველთა მიმართ.

¹⁵ეკრძალენით, ნუუკუე ბოროტისა წილ ვისმე ბოროტი მიაგოთ; არამედ მარადის კეთილსაშეუდეგით ურთიერთას და ყოველთა მიმართ.

¹⁶მარადის გიხაროდენ.

¹⁷მოუკლებელად ილოცევდით.

¹⁸ყოველსა შინა ჰმადლობდით, რამეთუ ესე არს ნებაჲ ღმრთისაჲ ქრისტე იესუჲს მიერთქუენდა მიმართ.

¹⁹სულსა ნუ შეაწუხებთ.

²⁰წინაჲსწარმეტყუელებასა ნუ შეურაცხ-ჰყოფთ.

²¹ყოველივე გამოიცადეთ და უკეთჱსი იგი შეიკრძალეთ.

²²ყოვლისაგან საქმისა ბოროტისა განეშოვრენით.

²³ხოლო თავადმან ღმერთმან მშჳდობისამან წმიდა გყვენინ თქუენ ყოვლითა სრულებითადა ყოვლითა სიცოცხლითა, სული თქუენი, გული და გუამი უბიწოდ მოსლვასა მას უფლისა ჩუენისაიესუ ქრისტჱსსა დაგმარხენინ.

²⁴სარწმუნო არს, რომელმან-იგი გიჩინნა თქუენ, და ყოსცა.

²⁵ძმანო, ილოცევდით ჩუენთჳსცა.

²⁶კითხვაჲ არქუთ ძმათა ყოველთა ამბორის-ყოფითა წმიდითა.

²⁷გაფუცებ თქუენ უფალსა, უკითხეთ წიგნი ესე ძმათა ყოველთა.

²⁸მადლი უფლისა ჩუენისა იესუ ქრისტსი თქუენ თანა. ამენ