Read ადიშის ოთხთავი 897 წ. – ძველი მონუსკრიპტები 2 თესალონიკელთა მიმართ 1 Bible Online

2 თესალონიკელთა მიმართ 1 - ადიშის ოთხთავი 897 წ. – ძველი მონუსკრიპტები bible

2 თესალონიკელთა მიმართ 1

¹პავლე და სილოვანე და ტიმოთე ეკლესიათა თესალონიკელთასა ღმრთისა მიერ მამისაჩუენისა და უფლისა იესუ ქრისტჱსა:

²მადლი თქუენდა და მშჳდობაჲ ღმრთისა მიერ მამისა და უფლისა ჩუენისა იესუ ქრისტჱსა.

³მადლობაჲ გჳღირს ღმრთისა მარადის თქუენთჳს, ძმანო, ვითარცა-იგი ღირს-არს,რამეთუ უმეტჱსად აღორძნდების სარწმუნოებაჲ ეგე თქუენი და აღემატების სიყუარული ეგე კაცად-კაცადისა თქუენისაჲ ურთიერთას,

⁴ვითარმედ ჩუენცა თქუენ შორის ვიქადით ეკლესიათა შინა ღმრთისათა მოთმინებისა მაგისთქუენისათჳს და სარწმუნოებისა ყოველთა მათ დევნათა შინა თქუენთა და ჭირთა, რომელთა თავს-იდებთ

⁵სახედ სიმართლისა საშჯელისა ღმრთისაჲსა, რაჲთა ღირს იქმნეთ თქუენ სასუფეველსაღმრთისასა, რომლისათჳსცა გევნების.

⁶უკუეთუ სამართალ არს ღმრთისა მიერ მაჭირებელთა თქუენთა ჭირი,

⁷და თქუენ, ჭირვეულთა, ლხინი ჩუენ თანა დღესა მას უფლისა ჩუენისა იესუ ქრისტჱსსაგამოჩინებასა ზეცით ანგელოზთა თანა ძლიერებისა მისისათა,

⁸ცეცხლითა ალისაჲთა მიგებად შურისა, რომელთა-იგი არა იციან ღმერთი და რომელნი არადაემორჩილნეს სახარებასა მას უფლისა ჩუენისა იესუ ქრისტჱსსა,

⁹რომელთა საშჯელი მოეჴადოს, ტანჯვაჲ იგი საუკუნჱ, პირისაგან უფლისა დადიდებისაგან ძლიერებისა მისისა,

¹⁰რაჟამს მოვიდეს დიდებად წმიდათა მისთა თანა და საკჳრველებად შორის ყოველთამორწმუნეთა, რამეთუ სარწმუნო იქმნა წამებაჲ ჩუენი თქუენდა მიმართ მას დღესა შინა,

¹¹რომელსა ვილოცავთ თქუენთჳს, რაჲთა ღირს გყვნეს თქუენ ღმერთმან ჩინებისა მის დააღგავსნეს თქუენ ყოვლითა სათნოებითა სახიერებისაჲთა და საქმითა სარწმუნოებისაჲთა და ძალითა,

¹²რაჲთა იდიდოს სახელი უფლისა ჩუენისა იესუ ქრისტჱსი თქუენ შორის, და თქუენ მისმიერ, მადლითა მით ღმრთისა ჩუენისაჲთა და უფლისა ჩუენისა იესუ ქრისტჱსითა.