Read ადიშის ოთხთავი 897 წ. – ძველი მონუსკრიპტები 2 თესალონიკელთა მიმართ 2 Bible Online

2 თესალონიკელთა მიმართ 2 - ადიშის ოთხთავი 897 წ. – ძველი მონუსკრიპტები bible

2 თესალონიკელთა მიმართ 2

¹ამას გეტყჳ თქუენ, ძმანო, მოსლვისა მისთჳს უფლისა ჩუენისა იესუ ქრისტჱსისა დაჩუენისა შეკრებისათჳს მისა მიმართ,

²რაჲთა არა ადრე აღიძრნეთ თქუენ გონებითა თქუენითა და ნუცა აღშფოთნებითნუცა სულითა, ნუცა სიტყჳთა, ნუცა წიგნითა, ვითარცა ჩუენ მიერ, ვითარმცა მოწევნულ იყო დღჱ იგიუფლისაჲ.

³ნუვინ გაცთუნებნ თქუენ რომლითავე სახითა, ვიდრემდე მოიწიოს განდგომილებაჲპირველად, და გამოჩნდეს კაცი იგი უშჯულოებისაჲ, შვილი იგი წარსაწყმედელისაჲ,

⁴მჴდომი იგი და განლაღებული ყოველთა ზედა, რომელნი სახელ-დებულ არიან ღმრთადგინა სამსახურებელად, ვითარმედ და-ცა-ჯდეს იგი ტაძარსა მას ღმრთისასა და გამოიჩინებდეს თავსათჳსსა, ვითარცა ღმერთი.

⁵არა გაჴსოვსა, ვიდრე-იგი ვიყავ თქუენ თანა, ამას გეტყოდე თქუენ?

⁶და აწ, რომელ-იგი დაგისწავიეს, იცით გამოჩინებადი იგი თჳსსა მას ჟამსა.

⁷რამეთუ საიდუმლოჲ იგი აწვე იქმნების უშჯულოებისაჲ, გარნა, რომელსა-ესე უპყრიეს აწ,ვიდრემდე შორს განვიდეს,

⁸და მაშინ გამოჩნდეს უშჯულოებაჲ იგი, რომელ-იგი აღჴოცოს უფალმან სულითა პირისამისისაჲთა და განაქარვოს გამოჩინებითა მით მოსლვისა მისისაჲთა,

⁹რომლისაჲ-იგი მოსლვაჲ არს შეწევნითა ეშმაკისაჲთა, ყოვლითა ძალითა და ნიშებითატყუილისაჲთა

¹⁰და ყოვლითავე საცთურითა სიცრუჲსაჲთა წარწყმედულთა მათ შორის, რამეთუსიყუარული იგი ჭეშმარიტებისაჲ არა შეიწყნარეს, რაჲთამცა ცხოვნდეს იგინი,

¹¹და ამისთჳს მოუვლინოს მათ ღმერთმან საცთურებისა, რაჲთა ჰრწმენეს მათ ტყუილი იგი,

¹²რაჲთა ისაჯნენ ყოველნი, რომელთა არა ჰრწმენა ჭეშმარიტებისაჲ მის, არამედ სათნო-იყვნეს სიცრუესა შინა.

¹³ხოლო ჩუენ თანა-გუაც მადლობაჲ მარადის თქუენთჳს, ძმანო საყუარელნო, უფლისამიერ, რამეთუ გამოგირჩინა თქუენ ღმერთმან პირველ ნაყოფად ცხოვრებისა განწმედითა სულისაჲთადა სარწმუნოებითა ჭეშმარიტებისაჲთა,

¹⁴რომელსაცა გიჩინნა თქუენ სახარებითა მით ჩუენითა შესაწევნელად დიდებისა უფლისაჩუენისა იესუ ქრისტესა.

¹⁵ამიერითგან, ძმანო, მტკიცედ დეგით და შეიკრძალეთ მოძღურებაჲ ესე, რომელცა-ეგეგისწავიეს გინა სიტყჳთა, გინა წიგნითა ამით ჩუენითა.

¹⁶ხოლო თავადმან უფალმან ჩუენმან იესუ ქრისტემან და ღმერთმან და მამამან ჩუენმან,რომელმან შემიყუარნა ჩუენ და მოგუცა ნუგეშინის-ცემაჲ საუკუნოჲ და სასოებაჲ კეთილი მადლითამით

¹⁷ნუგეშინის-ცემად გულთა თქუენთა და განმტკიცებად ყოვლითა საქმითა კეთილითა დასიტყჳთა.