Read ადიშის ოთხთავი 897 წ. – ძველი მონუსკრიპტები 2 თესალონიკელთა მიმართ 3 Bible Online

2 თესალონიკელთა მიმართ 3 - ადიშის ოთხთავი 897 წ. – ძველი მონუსკრიპტები bible

2 თესალონიკელთა მიმართ 3

¹ამიერითგან, ძმანო, ილოცევდით ჩუენთჳს, რაჲთა სიტყუაჲ იგი ღმრთისაჲ ვიდოდის დაიდიდებოდის, ვითარცა-იგი თქუენდა მიმართ,

²და რაჲთა განვერნეთ უჯეროთაგან და უკეთურთა კაცთა, რამეთუ არა ყოველთაჲ არსსარწმუნოებაჲ.

³ხოლო სარწმუნო არს უფალი, რომელმან მტკიცე გყვნეს თქუენ და დაგიცვნესთქუენ ბოროტისაგან.

⁴ვესავ უფალსა თქუენთჳს, რამეთუ რომელ-იგი გამცენით, ჰყოფთ და ჰყოთცა.

⁵ხოლო უფალმან წარუმართენ გულთა თქუენთა სიყუარულსა ღმრთისასა და მოთმინებასაქრისტჱსსა.

⁶გამცნებ თქუენ, ძმანო, სახელითა უფლისა იესუ ქრისტჱსითა, განეშოვრენით თქუენყოვლისავე მისგან ძმისა, რომელი უწესოდ ვიდოდის, და არა მოძღურებისა მისებრ, რომელ-იგი ისწავაჩუენგან.

⁷თქუენ იცით, ვითარ-იგი ღირს ბაძვაჲ ჩუენდა; რამეთუ არარაჲ უჯეროჲ ვყავთ თქუენშორის;

⁸არცაღა პური ვისგანმე ცუდად ვჭამეთ, არამედ შურომით და რუდუნებით ღამე და დღევიქმთ, რაჲთა არავის თქუენგანსა დავამძიმოთ,

⁹არათუ არა მაქუს ჴელმწიფებაჲ, არამედ რაჲთა თავნი თჳსნი სახედ მიგცნეთ თქუენ, რაჲთამბაძვიდეთ ჩუენ.

¹⁰და რაჟამს-იგი ვიყავ თქუენ თანა, ამასვე გამცნებდით თქუენ: უკუეთუ ვისმეარა უნდეს საქმის, ნუცაღა ჭამნ.

¹¹რამეთუ მესმის ვიეთთჳსმე, რომელნი იქცევიან თქუენ შორის უწესოდ, არარას იქმან,არამედ მიმოიწულილვენ.

¹²ესევითართა მათ ვამცნებთ და ვჰლოცავთ უფლისა მიერ იესუ ქრისტჱსა, რაჲთაყუდროებით იქმოდიან და თჳსსა პურსა ჭამდენ.

¹³ხოლო თქუენ, ძმანო, ნუ გეწყინებინ კეთილის ყოფაჲ.

¹⁴უკუეთუ ვინმე არა გუერჩდეს სიტყუასა ჩუენსა წიგნითა ამით, იგი შეისწავეთ და ნუთანა-აღერევით მას, რაჲთა შეიკდიმოს.

¹⁵და ნუ ვითარცა მტერი შეგირაცხიენ იგი, არამედ ასწავებდით ვითარცა ძმასა.

¹⁶ხოლო თავადმან ღმერთმან მშჳდობისამან მოგეცინ თქუენ მშჳდობაჲ მარადის ყოვლისავესახითა; უფალი თქუენ ყოველთა თანა!

¹⁷კითხვაჲ ჴელითა ჩემითა, რომელ არს სასწაული ყოველსა წიგნსა; ესრჱთ მივწერე:

¹⁸მადლი უფლისა ჩუენისა იესუ ქრისტჱსი თქუენ ყოველთა თანა. ამენ.