Read ადიშის ოთხთავი 897 წ. – ძველი მონუსკრიპტები 1 ტიმოთეს მიმართ 2 Bible Online

1 ტიმოთეს მიმართ 2 - ადიშის ოთხთავი 897 წ. – ძველი მონუსკრიპტები bible

1 ტიმოთეს მიმართ 2

¹გლოცავ უკუე ყოვლისა წინა, რაჲთა ჰყოფდე ვედრებასა, ლოცვასა და თაყუანის-ცემასა დამადლობასა ყოველთა კაცთათჳს

²და მეფეთათჳს და ყოველთა მთავართა, რაჲთა მშჳდობით და ყუდროებითვცხოვნდებოდით ყოვლითა ღმრთის მსახურებითა და სიწმიდითა,

³რამეთუ ესე არს კეთილ და სათნო წინაშე მაცხოვრისა ჩუენისა ღმრთისა,

⁴რომელსა ყოველთა კაცთაჲ ჰნებავს ცხოვრებაჲ და მეცნიერებასა ჭეშმარიტებისა მოსლვაჲ.

⁵რამეთუ ერთ არს ღმერთ და ერთ შუვა-მდგომელ ღმრთისა და კაცთა, კაცი იესუ ქრისტჱ,

⁶რომელმან მისცა თავი თჳსი საჴსრად ყოველთათჳს საწამებელად ჟამთა მათ თჳსთა,

⁷რომლისათჳს დადგინებულ ვარ მე ქადაგად და მოციქულად, - ჭეშმარიტსა ვიტყჳ და არავტყუი, - მოძღუარი წარმართთაჲ სარწმუნოებითა და ჭეშმარიტებითა.

⁸მნებავს ლოცვაჲ მამათაჲ ყოველსა ადგილსა, აღპყრობაჲ წმიდად ჴელთაჲ თჳნიერრისხვისა და გულის სიტყჳსა;

⁹ეგრევე დედათაჲ წესიერებისა სამკაულითა მორცხუედ და ღირსებით შემკობადთავთა თჳსთა, ნუ განთხზვითა, ოქროჲთა ანუ მარგალიტითა ანუ სამოსლითა პატივოსნითა,

¹⁰არამედ რომელი-იგი შეჰგავს დედათა, რომელთა აღეთქუას ღმრთის მსახურებაჲ საქმითაკეთილითა.

¹¹დედაკაცი მდუმრიად ისწავებდინ ყოვლითა დამორჩილებითა.

¹²მოძღურებად დედათა არა უბრძანებ, არცა მთავრობად ქმართა, არამედ რაჲთა იყვნენიგინი ყუდროებით.

¹³რამეთუ ადამ პირველად დაებადა, მერმე - ევა.

¹⁴და ადამ არა სცთა, ხოლო დედაკაცი იგი სცთა და შჯულსა გარდაჰჴდა.

¹⁵არამედ ცხოვნდების შვილთ სხმისაგან, უკუეთუ ეგნენ სარწმუნოებით და სიყუარულითდა სიწმიდით ღირსებასა თანა.