Read ადიშის ოთხთავი 897 წ. – ძველი მონუსკრიპტები 1 ტიმოთეს მიმართ 4 Bible Online

1 ტიმოთეს მიმართ 4 - ადიშის ოთხთავი 897 წ. – ძველი მონუსკრიპტები bible

1 ტიმოთეს მიმართ 4

¹ხოლო სული წმიდაჲ ცხადად იტყჳს, რამეთუ უკუანაჲსკნელთა ჟამთა გან-ვინმე-დგენსარწმუნოებისაგან და ერჩდენ იგინი მაცთურთა მათ სულთა და მოძღურებასა ეშმაკთასა

²ორგულებითა და სიტყჳთა ტყუილისაჲთა, შეცთომილნი თჳსითა გონებითა,

³აყენებდენ ქორწინსა, განაყენებდენ საჭმელთა, რომელნი ღმერთმან დაჰბადნასაზრდელად მადლობით მორწმუნეთათჳს და რომელთა იციან ჭეშმარიტებაჲ.

⁴რამეთუ ყოველი დაბადებული ღმრთისაჲ კეთილ არს, და არარაჲ განსაგდებელ, რომელნიმადლობით მიიღებენ,

⁵რამეთუ განწმდების სიტყჳთა ღმრთისაჲთა და ლოცვითა.

⁶ამას ასწავებდ ძმათა და კეთილად იყო მსახურ ქრისტე იესუჲსა და იზარდებოდი სიტყჳთასარწმუნოებისაჲთა და კეთილითა მოძღურებითა, რომელსაცა შეუდგ.

⁷ხოლო შეგინებულთა მათ და ბერებრთა ზღაპართა განეშოვრე. იწუართე თავი შენი ღმრთის მსახურებასა.

⁸რამეთუ ჴორციელი წურთილებაჲ წუთერთ ჟამ სარგებელ არს; ხოლო ღმრთის მსახურებაჲ ყოვლითა სარგებელ არს, აღთქუმაჲ აქუს აწინდელისა ცხოვრებისაჲ და მერმისაჲ.

⁹სარწმუნო არს სიტყუაჲ და ყოვლისა შეწყნარებისა ღირს.

¹⁰რამეთუ ამისთჳს ვშურებით და ვიყუედრებით, ხოლო ვესავთ ღმერთსა ცხოველსა, რომელარს მაცხოვარი ყოველთა კაცთაჲ, უფროჲსღა მორწმუნეთაჲ.

¹¹ამცნებდ ამას და ასწავებდ.

¹²ნუმცა ვინ სიჭაბუკესა შენსა შეურაცხ-ჰყოფს; არამედ სახე ექმენ მორწმუნეთა მათ სიტყჳთა,სლვითა, სიყუარულთა, სარწმუნოებითა, სიწმიდითა.

¹³ვიდრემდე მოვიდე, ეკრძალე საკითხავსა, ნუგეშინის-ცემასა, მოძღურებასა;

¹⁴ნუ უდებ-ჰყოფ, რომელ-იგი არს შენ თანა მადლი, რომელი მოგეცა შენწინაჲსწარმეტყუელებითა და დასხმითა მით ჴელთა ხუცობისაჲთა.

¹⁵ამას იწურთიდ და ამას შინა იყავ, რაჲთა წარმატებულებაჲ ეგე შენი ცხად იყოს ყოველსაშინა.

¹⁶ეკრძალე თავსა შენსა და მოძღურებითა მით დაადგერ მათ ზედა; ამას რაჲჰყოფდე, თავიცა შენი იცხოვნო და მორჩილნიცა შენნი.