Read ადიშის ოთხთავი 897 წ. – ძველი მონუსკრიპტები 1 ტიმოთეს მიმართ 5 Bible Online

1 ტიმოთეს მიმართ 5 - ადიშის ოთხთავი 897 წ. – ძველი მონუსკრიპტები bible

1 ტიმოთეს მიმართ 5

¹მოხუცებულსა ნუ ჰრისხავ, არამედ ჰლოცევდ ვითარცა მამასა, ჭაპუკთა - ვითარცა ძმათა,

²მოხუცებულთა დედათა - ვითარცა დედასა, ჭაპუკთა დედათა - ვითარცა დათა, ყოვლითასიწმიდითა.

³ქურივთა პატივ-ეც, ჭეშმარიტად ქურივთა.

⁴უკუეთუ ვისმე ქურივსა შვილ გინა შვილის შვილ ესხნენ, ისწავებდედ პირველად თჳსსასახლსა ღმრთის მსახურებასა და პატივ-სცემდედ მამა-დედათა, რამეთუ ესე არს სათნო წინაშე ღმრთისა.

⁵ხოლო ნანდჳლვე ქურივი იგი არს და მარტო-ქმნული, რომელი ესავს უფალსა დადადგრომილ არს ვედრებასა და ლოცვასა ღამე და დღე.

⁶ხოლო რომელი-იგი იშუებდეს, ცხოველი მკუდარ არს.

⁷და ამას ამცნებდ, რაჲთა უბრალო იყვნენ.

⁸უკუეთუ ვინმე თჳსთა და უფროჲსღა სახლეულთა არა იღუწიდეს, სარწმუნოებაჲ უარ-უყოფიეს და არს იგი ურწმუნოთა უძჳრჱს.

⁹ქურივადმცა იგი შერაცხილ არს ნუ უნაკლულევანჱს სამეოცისა წლისა, რომელი ყოფილარს ერთის ქმრის ცოლ,

¹⁰საქმეთა შინა კეთილთა წამებულ: უკუეთუ შვილნი განზარდნა, უკუეთუ სტუმარნიისტუმრნა, უკუეთუ წმიდათა ფერჴნი დაჰბანნა, უკუეთუ ჭირვეულთა შეეწია, უკუეთუ ყოველსასაქმესა კეთილსა შეუდგა.

¹¹ხოლო ქურივთა ჭაპუკთა განეშოვრე, რამეთუ რაჟამს დაიმღერნიან ქრისტჱსნი იგი,ქორწინების უნებნ.

¹²აქუს მათ საშჯელი, რამეთუ პირველი იგი სარწმუნოებაჲ შეურაცხ-ყვეს

¹³და მას თანა უქმებასა ისწავებედ: მიმოსლვასა სახლად-სახლად, არა ხოლოუქმებასა, არამედ სიჩქურესა და გამოწულილვასა და იტყჳედ უჯეროსა.

¹⁴მნებავს უკუე ჭაპუკთა ქორწინებაჲ, შვილთა სხმაჲ, სახლისა პყრობაჲ, და ნუცაღა ერთსარას მიზეზ-სცემედ მჴდომსა გინებისა ადგილ.

¹⁵რამეთუ აწვე ვინმე გარდაიქცეს შედგომად ეშმაკისა.

¹⁶უკუეთუ ვინმე მორწმუნჱ ქურივთა ესუას, კმა-ეყავნ იგი მათ და ნუ დაუმძიმებედეკლესიასა, რაჲთა სხუათა ქურივთა კმა-ეყოს.

¹⁷რომელნი კეთილად ძღოდიან ხუცესნი, ორისა ნაწილისა პატივისა ღირს იყვნედ, უფროჲსხოლო რომელნი შურებოდიან სიტყჳთა და მოძღურებითა.

¹⁸რამეთუ იტყჳს წიგნი: ჴარსა მეკალოესა არა დაუკრა პირი; და: ღირს არს მუშაკისასყიდლისა თჳსისა.

¹⁹ხუცისათჳს შესმენასა ნუ თავს-იდებ, გარნა ორითა და სამითა მოწამითა.

²⁰რომელნი-იგი ცოდვიდენ, წინაშე ყოველთა ამხილე, რაჲთა სხუათა მათ ეშინოდის.

²¹ვწამებ მე წინაშე ღმრთისა და იესუ ქრისტჱსა და რჩეულთა ანგელოზთა, რაჲთა ესედაიმარხო თჳნიერ ორგულებისა, ნურას ჰყოფ თუალ-ღებით.

²²ჴელთა ადრე-ადრე ნუვის დაასხამ, ნუცა ეზიარები სხჳსა ცოდვათა; თავი თჳსი წმიდადდაიმარხე.

²³ნუ ხოლო წყალსა ჰსუამ, არამედ ღჳნოჲცა მცირედ იმსახურე სტომაქისათჳს და ზედაჲ-ზედა უძლურებისა შენისათჳს.

²⁴რომელთამე კაცთა ცოდვანი წინაწარ ცხად არიან და წინა უძღჳან საშჯელად, რომელთამეუკუანა შეუდგან.

²⁵ეგრევე საქმენი კეთილნი წინაწარ ცხად არიან; და სხუა თუ რაჲმე არიან,დაფარვად ვერ ჴელ-ეწიფების.