Read ადიშის ოთხთავი 897 წ. – ძველი მონუსკრიპტები 2 ტიმოთეს მიმართ 2 Bible Online

2 ტიმოთეს მიმართ 2 - ადიშის ოთხთავი 897 წ. – ძველი მონუსკრიპტები bible

2 ტიმოთეს მიმართ 2

¹ხოლო შენ, შვილო ჩემო, განძლიერდი მადლითა იესუ ქრისტჱსითა,

²და რაჲ-იგი გესმა ჩემგან მრავლითა მოწამებითა, ესე შეჰვედრე მორწმუნეთა კაცთა,რომელნი შემძლებელ იყვნენ სხუათაცა სწავლად.

³ჭირი დაითმინე, ვითარცა კეთილმან მოღუაწემან ქრისტე იესუჲსმან.

⁴არავინ მოღუაწჱ შეყოფილ არნ სოფლისა საქმესა, რაჲთა ერისთავსა მას სათნო-ეყოს.

⁵უკუეთუ ვინმე მოღუაწე იყოს, არა გჳრგჳნოსან იქმნეს, უკუეთუ არა შჯულიერადიღუწიდეს.

⁶მშურომელისა მის ქუეყანის მოქმედისა ჯერ-არს პირველად ნაყოფისა მოღებაჲ.

⁷ჰცნობდ, რომელსა-ესე გეტყჳ შენ. რამეთუ მოგცეს შენ უფალმან გულისხმის-ყოფაჲყოველსა შინა.

⁸მოიჴსენე იესუ ქრისტჱ, აღდგომილი მკუდრეთით, ნათესავისაგან დავითისა, მსგავსადსახარებისა მის ჩემისა,

⁹რომელსა შინა ძჳრსა ვიხილავ ვიდრე კრულებადმდე, ვითარცა ძჳრის მოქმედი; არამედსიტყუაჲ იგი ღმრთისაჲ არა შეკრულ არს.

¹⁰ამისთჳს ყოველსა დავითმენ რჩეულთა მათთჳს, რაჲთა მათცა ცხოვრებაჲ პოვონ ქრისტეიესუჲს მიერ დიდებასა თანა საუკუნესა.

¹¹სარწმუნო არს სიტყუაჲ, უკუეთუ მის თანა მოვწყდეთ, მის თანაცა ვცხოვნდეთ.

¹²უკუეთუ დავითმინოთ, მის თანა ვსუფევდეთ; უკუეთუ უარ-ვყოთ, მანცა უარ-მყვნესჩუენ.

¹³უკუეთუ არა მრწმენეს, იგი სარწმუნოჲ ჰგიეს; უარის-ყოფად თავისა თჳსისა ვერ ჴელ-ეწიფების.

¹⁴ამას მოაჴსენებდ წინაშე ღმრთისა და უწამებდ ნუ სიტყჳთა ლალვისაჲთა არარადსაჴმარად, განსადრეკელად მსმენელთა მათ.

¹⁵იწრაფე თავისა შენისა რჩეულად წარდგინებად წინაშე ღმრთისა, მუშაკად ურცხჳნელად,წარმატებულად სიტყუასა მას ჭეშმარიტებისასა.

¹⁶ხოლო ბილწთა მათ ცუდთა ჴმათა განეშოვრე, რამეთუ უმეტჱს წარემატნიანუღმრთოებასა,

¹⁷და სიტყუამან მათმან, ვითარცა სრსჳლმან, საძოვარი პოვის. რომელნი-იგიარიან ჳმენოს და ფილეტოს,

¹⁸რომელნი-იგი ჭეშმარიტებასა შეეცოდნეს, იტყჳან, ვითარმედ: აღდგომაჲ აწვე იყოო, დაგარდააქცევენ რომელთამე სარწმუნოებისაგან.

¹⁹ხოლო მტკიცჱ იგი საფუძველი ღმრთისაჲ ჰგიეს და აქუს ბეჭედი ესე: "იცნის უფალმან,რომელნი-იგი არიან მისნი". და: "განეშოვრენ სიცრუისაგან ყოველი, რომელი სახელ-სდებს სახელსაუფლისასა".

²⁰სახლსა შინა დიდსა არა არს ჭურჭელი ოქროჲსაჲ ხოლო და ვეცხლისაჲ, არამედძელისაჲცა და კეცისაჲცა, რომელიმე პატივოსნად და რომელიმე უპატივოდ.

²¹უკუეთუ ვინმე განიწმიდოს თავი თჳსი ამის ყოვლისაგან, იქმნეს იგი ჭურ პატივოსან,წმიდა და საჴმარ უფლისა, ყოვლისა საქმისა კეთილისა განმზადებულ.

²²ხოლო სიჭაპუკისა გულის თქუმათა ევლტოდე და შეუდეგ სიმართლესა, სარწმუნოებასა,სიყუარულსა, მშჳდობასა მათ თანა, რომელნი ჰხადიან სახელსა უფლისასა გულითა წმიდითა.

²³ხოლო სიცოფისათა მათ და უსწავლელთა გამოძიებათა განეშოვრე, უწყი, რამეთუ შვნიანლალვანი.

²⁴ხოლო მონისა უფლისა არა ჯერ-არს ლალვაჲ, არამედ რაჲთა სახიერ იყოს ყოველთამიმართ, მასწავლელ, უწყინო,

²⁵მშჳდობით მასწავლელ წინააღმდგომთა მათ, მო-ხოლო თუ-სცეს მათ ღმერთმანსინანული მეცნიერებად ჭეშმარიტებისა.

²⁶და განიფრთხონ საფრჴისაგან ეშმაკისა, რომელნი-იგი მონადირებულ არიან მის მიერნებისაებრ მისისა.