Read ადიშის ოთხთავი 897 წ. – ძველი მონუსკრიპტები 2 ტიმოთეს მიმართ 3 Bible Online

2 ტიმოთეს მიმართ 3 - ადიშის ოთხთავი 897 წ. – ძველი მონუსკრიპტები bible

2 ტიმოთეს მიმართ 3

¹ხოლო ესე უწყოდე, რამეთუ უკუანაჲსკნელთა დღეთა მოიწინენ ჟამნი ბოროტნი.

²და იყვნენ კაცნი თავის მოყუარე, ვეცხლის მოყუარე, თავის მოთნე, ამპარტავან, მგმობარ,მამის-დედის ურჩ, უმადლო, უღირს, უყუარულ,

³უწირავ, მასმენელ, უთმინო, უზავ, კეთილის მოძულე,

⁴შინა-განმცემელ, წარმდებ, განლაღებულ, გულის თქუმის მოყუარე უფროჲს, ვიდრეღმრთის მოყუარებასა.

⁵ემოსოს ხატი ღმრთის მსახურებისაჲ და ძალსა მისსა უარ-ჰყოფდენ. და მათ განეშოვრე.

⁶რამეთუ ამათგანნი არიან, რომელნი შევლენან სახლებსა და გამოსტყუენვენ დედათა,შეკრებულთა ცოდვითა, მოიპოვებენ გულის თქუმასა მრავალსა,

⁷მარადის ისწავებედ და არასადა მეცნიერებასა ჭეშმარიტებისასა შემძლებელ არიანმოსლვად.

⁸ვითარცა-იგი იანე და იამბრე აღუდგებოდეს მოსეს, ეგრეცა ესენი უჴდებოდიანჭეშმარიტებასა, კაცნი განრყუნილნი გონებითა, გამოუცდელნი სარწმუნოებითა.

⁹არამედ არა წარემატნენ უფროჲს, რამეთუ გონებაჲ მათი ცხად იყოს ყოველთა, ვითარცა-იგი მათი იყო.

¹⁰ხოლო შენ შემოდგომილ ხარ ჩემსა მოძღურებასა, წესიერებასა, გულს-მოდგინებასა,სარწმუნოებასა, სულგრძელებასა, სიყუარულსა, მოთმინებასა,

¹¹დევნულებათა, ვნებათა, რაოდენი შემემთხჳა მე ანტიოქიას შინა, იკონიას და ლჳსტრას;რაოდენნი დევნანი დავითმინენ, და ყოველთაგან მიჴსნა მე უფალმან.

¹²და ყოველთავე რომელთა უნდეს ცხორებაჲ ღმრთის მსახურებით ქრისტე იესუჲს მიერ,იდევნნენ.

¹³ხოლო უკეთურნი კაცნი და გრძნეულნი წარემატებოდიან უძჳრჱსსა, აცთუნებდენ დასცთებოდიან.

¹⁴ხოლო შენ დაადგერ მას ზედა, რომელიცა გისწავიეს და გრწმენა, უწყი, ვისგან გისწავიეს;

¹⁵და რამეთუ სიყრმითგან საღმრთონი წიგნნი იცნი, რომელნი შემძლებელ არიან შენდაგანბრძნობად ცხორებისათჳს ქრისტე იესუჲს მიერ.

¹⁶ყოველი წიგნი ღმრთის სულ და სარგებელ სამოძღურებელად, სამხილებელად,განსაგებელად, სასწავლელად სიმართლისა,

¹⁷რაჲთა აწვე იყოს ღმრთისაჲ იგი კაცი, ყოვლისა მიმართ საქმისა კეთილისაგანმტკიცებულ.