Read ადიშის ოთხთავი 897 წ. – ძველი მონუსკრიპტები 2 ტიმოთეს მიმართ 4 Bible Online

2 ტიმოთეს მიმართ 4 - ადიშის ოთხთავი 897 წ. – ძველი მონუსკრიპტები bible

2 ტიმოთეს მიმართ 4

¹ვწამებ მე წინაშე ღმრთისა და უფლისა იესუ ქრისტჱსა, რომელმან განსაჯნეს ცხოველნი დამკუდარნი გამოჩინებისაებრ მისისა და სუფევისა მისისა.

²ქადაგე სიტყუაჲ, ზედა-ადეგ ჟამითი-უჟამოდ, ამხილე, შეჰრისხენ და ნუგეშინის-ეცყოვლითა სულგრძელებითა და მოძღურებითა.

³რამეთუ იყოს ჟამი, ოდეს სიცოცხლისა ამის მოძღურებასა არა თავს-იდებდენ, არამედგულის თქუმისაებრ თჳსისა თავისა თჳსისასა შეიკრებდენ მოძღურებასა ქავილითა ყურთაჲთა;

⁴და ჭეშმარიტებისაგან სასმენელნი მათნი გარე-მიიქცინენ და ზღაპრებსა მიექცენ.

⁵ხოლო შენ ფრთხილ იყავ ყოველსა შინა, ძჳრს იხილევდ, საქმჱ ქმენ მახარებელისაჲ,მსახურებაჲ შენი კეთილად აღასრულე.

⁶რამეთუ მე აწ ესერა შევიწირვი, და ჟამი იგი მიქცევისა ჩემისაჲ მოიწია.

⁷ღუაწლი კეთილი მომიღუაწებიეს, სრბაჲ აღმისრულებიეს, სარწმუნოებაჲდამიმარხავს.

⁸ამიერითგან მიმელის მე სიმართლისა იგი გჳრგჳნი, რომელი მომცეს მე უფალმან მას დღესაშინა, მართალმან მან მსაჯულმან; არა ხოლო თუ მე, არამედ ყოველთა, რომელთა შეიყუარესგამოჩინებაჲ მისი.

⁹იწრაფე მოსლვად ჩემდა ადრე,

¹⁰რამეთუ დემა დამიტევა მე და შეიყუარა სოფელი ესე და წარვიდა თესალონიკედ, კრისპე - გალატიად, ტიტე - დალმატიად, ლუკა არს მარტოჲ ჩემ თანა.

¹¹მარკოს აღადგინე და მოიყვანე შენ თანა, რამეთუ საჴმარ არს ჩემდა მსახურებასა.

¹²ტჳქიკე წარვავლინე ეფესოს.

¹³ფილონჱ, რომელ დაუტევე ტროადას კარპოსის თანა, მო-რაჲ-ხჳდოდი, მოიღე, დაწიგნებიცა იგი, უფროჲსღა წიგნის ტყავებისაჲ.

¹⁴ალექსანდრე მჭედელმან მრავალნი ძჳრნი შემაჩუენნა. მიაგოს მას უფალმან საქმეთამისთაებრ.

¹⁵რომელსა შენცა ეკრძალე, რამეთუ ფრიად წინა-აღუდგა სიტყუათა ჩუენთა.

¹⁶პირველსა მას სიტყჳს-გებასა ჩემსა არავინ თანა-დამიდგა მე, არამედ ყოველთა დამიტევეს.ნუ შეერაცხებინ მათ.

¹⁷ხოლო უფალი თანა-დამიდგა და განმაძლიერა მე, რაჲთა ჩემ მიერ ქადაგებაჲ იგი აღესრულოს და ესმეს ყოველთა წარმართთა, და განვერი მე პირისაგან ლომისა.

¹⁸მიჴსნეს მე უფალმან ყოვლისაგან საქმისა ბოროტისა და მაცხოვნოს მე სასუფეველსა მისსაზეცათასა, რომლისაჲ არს დიდებაჲ უკუნითი უკუნისამდე. ამენ.

¹⁹კითხვაჲ არქუ პრისკას და აკჳლას და ონესიფორჱს სახლსა.

²⁰ერასტოს დადგა კორინთეს; ტროფიმე დაუტევე მელეტოსს შინა უძლური.

²¹იწრაფე ზამთრისა წინა მოსლვად. გიკითხვენ შენ ევბულოს და პუდეს და ლინოს დაკლავდია და ყოველნი ძმანი.

²²უფალი იესუ ქრისტჱ სულისა შენისა თანა. მადლი ჩუენ თანა. ამენ.