Read ადიშის ოთხთავი 897 წ. – ძველი მონუსკრიპტები ტიტეს მიმართ 1 Bible Online

ტიტეს მიმართ 1 - ადიშის ოთხთავი 897 წ. – ძველი მონუსკრიპტები bible

ტიტეს მიმართ 1

¹პავლე, მონაჲ ღმრთისაჲ და მოციქული იესუ ქრისტჱსი, სარწმუნოებისაებრ რჩეულთაღმრთისათა და მეცნიერებითა ჭეშმარიტებისაჲთა, რომელ არს ღმრთის მსახურებისაჲ,

²სასოებითა ცხოვრებისა საუკუნოჲსაჲთა, რომელ-იგი აღგჳთქუა უტყუველმან ღმერთმანუწინარჱს ჟამთა მათ საუკუნეთა,

³რომელ-იგი გამოჩნდა ჟამთა თჳსთა სიტყუაჲ იგი მისი ქადაგებითა, რომელი მერწმუნა მებრძანებითა ღმრთისა, მაცხოვარისა ჩუენისაჲთა,

⁴ტიტეს, ერთგულსა შვილსა ზოგადისაებრ სარწმუნოებისა, მადლი და მშჳდობაჲ ღმრთისამიერ მამისა და იესუ ქრისტჱს მიერ, მაცხოვრისა ჩუენისა.

⁵ამისთჳს დაგიტევე შენ კრიტეს შინა, რაჲთა ნაკლული იგი განაგო და დაადგინნე ქალაქად-ქალაქად ხუცესნი, ვითარცა-იგი მე გიბრძანე შენ:

⁶რომელი იყოს უბრალო, ერთის ცოლის ქმარ, შვილნიმცა უსხენ მორწმუნენი და ნუმცაშესმენილ არიან ბილწებისათჳს გინა ურჩებისა.

⁷რამეთუ ჯერ-არს ეპისკოპოსისა უბრალო-ყოფაჲ და უბიწო, ვითარცა ღმრთისა მნჱ, ნუთავჴედ, ნუცა გულ-მწყრალ, ნუ მოღჳნე, ნუ მოლალე, ნუ საძაგელის შემძინელ,

⁸არამედ სტუმრის მოყუარე, კეთილის მოყუარე, წმიდა, მართალ, ღირს, მოთმინე, თავს-მდებელ მსგავსად მოძღურებისა მის

⁹სარწმუნოებისა სიტყჳსა, რაჲთა შემძლებელ იყოს ნუგეშინის-ცემადცა მოძღურებასა შინასიცოცხლისასა და სიტყჳს-მგებელთა მათ მამხილებელ.

¹⁰რამეთუ არიან მრავალნი დაუმორჩილებელ, ამაოჲსა მეტყუელ, გონება-მაცთურ, უფროჲსხოლო წინადაცუეთილებისაგანნი იგი,

¹¹რომელთაჲ ჯერ-არს პირსა დაცემაჲ, რომელნი ყოველსა სახლებსა გარე-მიაქცევენ,ასწავებენ, რომელი არა ჯერ-არს, საძაგელისა შეძინებისათჳს.

¹²თქუა ვინმე მათგანმან, თჳსმანვე მათმან წინაჲსწარმეტყუელმან: კრეტელნი მარადისმტყუარნი, მჴეცნი ბოროტნი, მუცელნი უქმნი.

¹³წამებაჲ ესე არს ჭეშმარიტ. ამისთჳს ამხილე მათ თუალ-უხუავად, რაჲთა ცოცხალ იყვნენსარწმუნოებითა,

¹⁴ნუ ერჩიედ ჰურიაებრთა ზღაპართა და მცნებასა კაცთასა, რომელნი გარე-მიქცეულ იყვნენჭეშმარიტებისაგან.

¹⁵ყოველივე წმიდა არს წმიდათათჳს; ხოლო შეგინებულთათჳს დაურწმუნოთათჳს არარაჲ წმიდა არს, არამედ შეგინებულ არს მათი გულიცა და გონებაჲცა.

¹⁶ღმერთსა აღიარებენ ვითარმედ იციან, და საქმით უარ-ჰყოფენ, საძაგელნი არიან და ურჩნიდა ყოვლისა მიმართ საქმისა კეთილისა გამოუცდელ.