Read ადიშის ოთხთავი 897 წ. – ძველი მონუსკრიპტები ტიტეს მიმართ 2 Bible Online

ტიტეს მიმართ 2 - ადიშის ოთხთავი 897 წ. – ძველი მონუსკრიპტები bible

ტიტეს მიმართ 2

¹ხოლო შენ იტყოდე, რომელი შეჰგავს სიცოცხლისა მის მოძღურებასა:

²ხუცესნი ფრთხილ იყვნედ, ღირს, წმიდა, ცოცხალ სარწმუნოებითა, სიყუარულითა,მოთმინებითა;

³მოხუცებულნი დედანი ეგრევე დაწყნარებითა შუენიერ, ნუ მასმენელ, ნუ ღჳნოსა ფრიადსამორჩილ, არამედ კეთილის მოძღუარ,

⁴რაჲთა განაბრძნობდენ ჭაპუკთა ქმართ მოყუარებად, შვილთ მოყუარებად,

⁵წმიდა, უბიწო, სახლის მპყრობელ, სახიერ, დამორჩილებულ თჳსთა ქმართა, რაჲთა არასიტყუაჲ იგი ღმრთისაჲ იგმებოდის.

⁶ჭაპუკთა მამათა ეგრევე ჰლოცევდ, რაჲთა წმიდა იყვნენ.

⁷ყოვლის წინა თავი შენი სახედ მიეც კეთილითა საქმითა, მოძღურებასა შინა უხრწნელებაჲ,ღირსებაჲ,

⁸სიტყუაჲ ცოცხალი, უგმობელი, რაჲთა წინააღმდგომსა მას ჰრცხუენოდის და არააქუნდეს ჩუენდა მომართ სიტყუად ბოროტისა.

⁹მონანი თჳსთა უფალთა დაემორჩილნედ, ყოველსა შინა სათნო იყვნედ, ნუ სიტყჳს-მგებელ.

¹⁰ნუ მომხუეჭელ, არამედ ყოველსავე სარწმუნოებასა აჩუენებდედ კეთილსა, რაჲთამოძღურებაჲ იგი მაცხოვრისა ჩუენისა ღმრთისაჲ შეამკონ ყოვლითა.

¹¹რამეთუ გამოჩნდა მადლი იგი ღმრთისაჲ მაცხოვრად ყოველთა კაცთა

¹²სამოძღურებელად ჩუენდა, რაჲთა უარ-ვყოთ უღმრთოებაჲ და გულის თქუმაჲსოფლისაჲ, სიწმიდით და სიმართლით და ღმრთის მსახურებით ვცხოვნდებოდით ამას სოფელსა

¹³და მოველოდით ნეტარსა მას სასოებასა და გამოჩინებასა დიდებასა დიდისა ღმრთისასადა მაცხოვრისა ჩუენისა იესუ ქრისტჱსსა,

¹⁴რომელმან-იგი მისცა თავი თჳსი ჩუენთჳს, რაჲთა მიჴსნნეს ჩუენ ყოვლისაგანუშჯულოებისა და განწმიდნეს თავისა თჳსისა ერად მოგებულად, მობაძავად კეთილთა საქმეთა.

¹⁵ამას ეტყოდე და ნუგეშინის-სცემდ და ამხილებდ ყოვლითა ბრძანებითა, ნუმცა ვინშეურაცხ-გყოფს შენ.