Read ადიშის ოთხთავი 897 წ. – ძველი მონუსკრიპტები ტიტეს მიმართ 3 Bible Online

ტიტეს მიმართ 3 - ადიშის ოთხთავი 897 წ. – ძველი მონუსკრიპტები bible

ტიტეს მიმართ 3

¹მოაჴსენებდ მათ მთავრობათა და ჴელმწიფებათა დამორჩილებად და სარწმუნო-ყოფად დაყოვლისა მიმართ საქმისა კეთილისა ყოფად განმზადებულ,

²ნუმცა ვის ჰგმობედ, ულალველ იყვნედ და სახიერ, ყოველსავე აჩუენებდედ სიმშჳდესაყოველთა მიმართ კაცთა.

³რამეთუ ვიყვენით ოდესმე ჩუენცა უცნობელ და ურჩ და შეცთომილ და ვჰმონებდითგულის თქუმათა და გემოთა მრავალთა, უკეთურებასა და შურსა შინა ვიყვენით, შემაწუხებელ დამოძულე ურთიერთას.

⁴ხოლო რაჟამს სიტკბოებაჲ და კაცთ მოყუარებაჲ გამოჩნდა მაცხოვრისა ჩუენისა ღმრთისაჲ,

⁵არა საქმეთაგან სიმართლისათა, რომელ ვქმნენით ჩუენ, არამედ წყალობითა მისითამიჴსნნა ჩუენ, ბანითა მით მეორედ შობისაჲთა და განახლებითა სულისა წმიდისაჲთა,

⁶რომელ-იგი მოჰფინა ჩუენ ზედა მდიდრად იესუ ქრისტჱს მიერ, მაცხოვრისა ჩუენისა,

⁷რაჲთა განვმართლდეთ მისითა მით მადლითა და მკჳდრ ვიქმნნეთ სასოებისა მისცხოვრებისა საუკუნისა.

⁸სარწმუნო არს სიტყუაჲ; და ამათთჳსცა მნებავს შენი განმტკიცებად, რაჲთაზრუნვიდენ კეთილთა საქმეთა წარდგომად მორწმუნენი ესე ღმრთისანი: ესე არს კეთილ და სარგებელკაცთა.

⁹ხოლო სიცოფისათა მათ ძიებათა და ცუდთა სიტყუათა და ჴდომათა და ლალვათაშჯულისათა განეშოვრე, რამეთუ არიან ურგებ და ამაო.

¹⁰ხოლო ერესიოტსა მას კაცსა ერთითა და ორითა სწავლითა განეშოვრე.

¹¹უწყოდე, რამეთუ გარდაგულარძნილ არს ეგევითარი იგი და ცოდავს და არს იგი თავითთჳსით დაშჯილ.

¹²ოდეს მოვავლინო შენდა არტემა ანუ ტჳქიკოს, იწრაფე მოსლვად ჩემდა ნიკოპოლისა,რამეთუ მუნ მირჩევიეს დაზამთრებად.

¹³ზენან შჯულისა მწერალი და აპოლო ადრე წარმოგზავნენ, რაჲთა ნუმცა რაჲ აკლს.

¹⁴ისწავებდედ ჩუენნიცა იგი კეთილისა საქმესა წარდგინებად უნებლებისა მისთჳსსაჴმრისა, რაჲთა არა უნაყოფო იქმნენ.

¹⁵გიკითხვენ შენ ჩემ თანანი ყოველნი. კითხვაჲ არქუ, რომელნი მყუარობენ ჩუენსარწმუნოებით. მადლი თქუენ ყოველთა თანა. ამენ.