Read ადიშის ოთხთავი 897 წ. – ძველი მონუსკრიპტები ებრაელთა მიმართ 1 Bible Online

ებრაელთა მიმართ 1 - ადიშის ოთხთავი 897 წ. – ძველი მონუსკრიპტები bible

ებრაელთა მიმართ 1

¹მრავლით კერძო და მრავლით სახით მაშინვე ღმერთი ეტყოდა მამათა ჩუენთაწინაჲსწარმეტყუელთა მიერ, უკუანაჲსკნელთა ამათ დღეთა მეტყოდა ჩუენ ძისა მიერ თჳსისა,

²რომელი-იგი დაადგინა მკჳდრად ყოველთა, რომლისაგანცა შეიქმნნეს საუკუნენი.

³რომელი-იგი იყო მბრწყინვალებაჲ დიდებისაჲ და ხატი ძლიერებისა მისისაჲ, უტჳრთვან ყოველნი სიტყჳთა მით ძლიერებისა მისისაჲთა, განწმედაჲ ცოდვათა ჩუენთაჲყო; და დაჯდა იგი მარჯუენით სიმდიდრესა მაღალთა შინა;

⁴ესოდენ უმჯობჱს იყო იგი ანგელოზთა, რაოდენცა უმჯობჱსი მათსა დაიმკჳდრა სახელი

⁵ოდეს-სადა ვის ჰრქუა ანგელოზთაგანსა: ძჱ ჩემი ხარი შენ, და მე დღეს მიშობიე შენ? დამერმე იტყჳს: მე ვიყო მისა მამა, და იგი იყოს ჩემდა ძჱ.

⁶და ოდეს კუალად შემოჰყავს პირმშოჲ იგი სოფლად, იტყჳს: და თავყუანის-სცემდენ მასყოველნი ანგელოზნი ღმრთისანი.

⁷ხოლო ანგელოზთათჳს იტყჳს: რომელმან შექმნნა ანგელოზნი მისნი სულად და მსახურნიმისნი ალად ცეცხლისა.

⁸ხოლო ძისათჳს იტყჳს: საყდარი შენი, ღმერთო, უკუნითი უკუნისამდე; კუერთხიგანგებისაჲ არს კუერთხი სუფევისა შენისაჲ.

⁹შეიყუარე სიმართლჱ და მოიძულე უშჯულოებაჲ. ამისთჳს გცხოს შენ ღმერთმან, ღმერთმანშენმან საცხებელი სიხარულისაჲ უმეტჱს მოყუასთა შენთა.

¹⁰და: შენ დასაბამითგან უფალო, ქუეყანაჲ დააფუძნე, და ქმნულნი ჴელთა შენთანი ცანიარიან;

¹¹იგინი წარჴდენ, ხოლო შენ ეგო უკუნისამდე; და ყოველნი ვითარცა სამოსელნიდაძუელდენ,

¹²და ვითარცა შესამოსელნი სცვალნე იგინი, და იცვალნენ. ხოლო შენ თავადი იგივე ხარ, და წელიწადთა შენთა არა მოაკლდეს.

¹³ოდეს-სადა ანგელოზთაგანსა ჰრქუა სადამე: დაჯედ მარჯუენით ჩემსა, ვიდრემდედავსხნნე მტერნი შენნი ქუეშე ფერჴთა შენთა?

¹⁴ანუ არა ყოველნივე არიან მოხარკე სულებ, მსახურად მოვლინებულ მათთჳს, რომელთა-იგი დამკჳდრებად არს ცხოვრებაჲ?