Read ადიშის ოთხთავი 897 წ. – ძველი მონუსკრიპტები ებრაელთა მიმართ 10 Bible Online

ებრაელთა მიმართ 10 - ადიშის ოთხთავი 897 წ. – ძველი მონუსკრიპტები bible

ებრაელთა მიმართ 10

¹რამეთუ აჩრდილი აქუნდა შჯულსა მერმეთა მათ კეთილთაჲ, არა თჳთ იგი ხატი საქმეთაჲმათ წლითი წლად მსხუერპლსა შესწირვენ სამარადისოდ, ვერსადა შემძლებელ იყო იგი შემწირველთამათ განსრულებად.

²უკუეთუ არა, და-ვიდრემემცა-სცხრეს შესაწირავისაგან ამისთჳს, რამეთუ არცა-მცა ერთირაჲ იჭჳ აქუნდა ცოდვათაჲ შემწირველთა მათ, ერთვე-მცა განწმედილ იყვნეს,

³არამედ მას შინა კუალად მოჴსენებაჲ ცოდვათაჲ წლითი წლად,

⁴რამეთუ ვერ შემძლებელ არს სისხლი ვაცთაჲ და კუროთაჲ აჴოცად ცოდვათა.

⁵ამისთჳს შემო-რაჲ-ვალს სოფლად, იტყჳს: შესაწირავი და მსხუერპლი არა გთნდა, ხოლოჴორცნი დამამტკიცენ მე.

⁶საკუერთხი ცოდვათათჳს არა ითხოვე.

⁷მაშინ ვთქუ: ესერა მოვალ, თავსა წიგნთასა წერილ არს ჩემთჳს ყოფად, ღმერთო, ნებისაშენისა.

⁸ზემო კერძო იტყჳს, ვითარმედ: მსხუერპლი შესაწირავი და საკუერთხი ცოდვათათჳს არაინებე, არცა სათნო-იყავ, რომელ-იგი შჯულისა მისებრ შეიწირვოდეს,

⁹მაშინ თქუა: ესერა მოვალ ყოფად ნებისა შენისა, აღიღებს პირველსა მას, რაჲთა მეორჱ იგიდაამტკიცოს.

¹⁰რომლისა ნებითა ჩუენ განწმედილ ვართ შეწირვითა მით ჴორცთაჲთა იესუ ქრისტჱსითაერთ-გზის.

¹¹და ყოველივე იგი მღდელი დგან დღითი დღედ მსახურებასა მას და მასვემსხუერპლსა შესწირავნ მრავალ-გზის, რომელნი არასადა შემძლებელ არიან აღჴოცად ცოდვათა.

¹²ხოლო თავადმან ერთ-გზის შეწირა მსხუერპლი სამარადისოდ და დაჯდა იგი მარჯუენითღმრთისა

¹³და მიერითგან მოელის, ვიდრემდის დაისხნენ მტერნი მისნი ქუეშე ფერჴთა მისთა.

¹⁴რამეთუ ერთი მსხურპლი სრულ იქმნა სამარადისოდ განწმედილთა მათთჳს,

¹⁵ხოლო მეწამების ჩუენ სულიცა წმიდაჲ, რამეთუ შემდგომად სიტყჳსა ამის,

¹⁶ვითარმედ: ესე არს აღთქუმაჲ ჩემი, რომელი აღუთქუა მათ შემდგომად დღეთა ამათ,იტყჳს უფალი: მივსცნე შჯულნი ჩემნი გონებათა მათთა, და გულთა მათთა გამოვწერნე იგინი

¹⁷და უშჯულოებანი და ცოდვანი მათნი არღარა მოვიჴსენნე.

¹⁸სადა უკუე მოტევებაჲ არს ამათი, არღარა ჴამს მსხუერპლი ცოდვათათჳს.

¹⁹გუაქუს უკუე, ძმანო, კადნიერებაჲ შესლვად სიწმიდეთა მათ სისხლითა იესუჲსითა,

²⁰რომელ-იგი განგჳახლა ჩუენ გზაჲ ახალი და ცხოველი კრეტსაბმელითა მით, ესე იგი არსჴორცითა მისითა,

²¹და მღდელთმოძღუარი დიდი სახლსა შინა ღმრთისასა,

²²მოუჴდეთ მას ჭეშმარიტითა გულითა და განსრულებულითა სარწმუნოებითა,სხურებულნი გულითა იჭჳსაგან ბოროტისა

²³და განბანილნი გუამითა წყლითა წმიდითა, შევიკრძალოთ აღსაარებაჲ იგი სასოებისაჲმართლ, რამეთუ სარწმუნო არს, რომელმან-იგი აღგჳთქუა.

²⁴და განვიცდიდეთ ურთიერთას აღბაძვებად სიყუარულისა და კეთილთა საქმეთა.

²⁵ნუ დაუტევებთ შესაკრებელსა თჳსსა, ვითარცა-იგი ჩუეულებაჲ არს ვიეთიმე, არამედნუგეშინის-სცემდით და ესოდენ უფროჲს, ვითარცა-იგი ჰხედავთ მოახლებულსა მას დღესა.

²⁶რამეთუ ნებსით შეცოდებათა მათ ჩუენთათჳს, შემდგომად მოღებისა მის ცნობისაჭეშმარიტისა, არღარა ცოდვათათჳს მოაკლდების მსხუერპლი,

²⁷არამედ საშინელი რაჲმე მოლოდებაჲ საშჯელისაჲ და ცეცხლისა შური შეშჭამდეს მტერთამათ.

²⁸და რომელმან შეურაცხ-ყოს შჯული მოსჱსი, თჳნიერ წყალობისა, ორითა ანუ სამითამოწამითა, მოკუდების,

²⁹რაოდენ უძჳრჱსისა ტანჯვისა ღირს-არს, რომელმან ძჱ ღმრთისაჲ შეურაცხ-ყოს და სისხლიიგი აღთქუმისაჲ არა-ღირსად შეჰრაცხოს, რომლითა-იგი განწმედილ იყო, და სული იგი მადლისაჲაგინა?

³⁰რამეთუ ვიცით, რომელმან-იგი თქუა: ჩემი არს შურის-გებაჲ, და მე მივაგო, იტყჳს უფალი.და მერმე იტყჳს, რამეთუ: განიკითხოს უფალმან ერი თჳსი.

³¹საშინელ არს შევრდომაჲ ჴელთა ღმრთისა ცხოველისათა.

³²მოიჴსენებდით პირველთა მათ დღეთა, რომელთა-იგი შინა ნათელ-იღეთ და მრავალიღუაწლი დაითმინეთ ვნებათაჲ,

³³ესე არს, ყუედრებათა და ჭირთა შინა სოფლის სახილველ იქმნენით და ესე არს, რამეთუეზიარენით თქუენ მათ, რომელნი-იგი ამათ შინა იქცეოდეს;

³⁴და რამეთუ პყრობილთაცა მათ სწყალობდით და იავარის-ყოფაჲ იგი ნაყოფთა თქუენთაჲსიხარულად შეჰრაცხეთ; იცით, რამეთუ გაქუს თავისა თქუენისა უმჯობჱსი ნაყოფი და საუკუნჱდამარხული ცათა შინა.

³⁵ნუ განიშოვრებთ განცხადებულებასა მაგას თქუენსა, რომელსა აქუს დიდი სასყიდლისამოგებაჲ.

³⁶რამეთუ მოთმინებაჲ გიჴმს თქუენ, რაჲთა ნებაჲ ღმრთისაჲ ჰყოთ და მოიღოთ თქუენაღნათქუემი იგი.

³⁷მცირედღა, წუთერთ, მომავალი იგი მოვიდეს და არა ყოვნოს.

³⁸ხოლო მართალი იგი სარწმუნოებითა ცხოვნდეს; და უკუეთუ იჯმნეთ მისგან,არა სთნავს სულსა ჩემსა.

³⁹ხოლო ჩუენ არა ვართ ჯმნულებისანი მის წარსაწყმედელად, არამედ სარწმუნოებისანიშესაწევნელად სულისა.