Read ადიშის ოთხთავი 897 წ. – ძველი მონუსკრიპტები ებრაელთა მიმართ 13 Bible Online

ებრაელთა მიმართ 13 - ადიშის ოთხთავი 897 წ. – ძველი მონუსკრიპტები bible

ებრაელთა მიმართ 13

¹ძმათ მოყუარებაჲ ეგენ.

²სტუმრის მოყუარებასა ნუ დაივიწყებთ, რამეთუ ამისგან ვიეთმე რეცა თუ არა უწყოდეს დაანგელოზნი ისტუმრნეს.

³მოიჴსენენით კრულნი იგი, ვითარცა თქუენ მათ თანავე კრულ ხართ, და ძჳრ-ხილულნიიგი, რამეთუ თქუენცა ჴორცნივე გასხენ.

⁴ვეცხლის უყუარულ იყვენით სახითა, კმა-იყავნ, რომელ-იგი გაქუნდეს; რამეთუ არცადაგაგდო შენ.

⁵ვეცხლის უყუარულ იყვენით სახითა, კმა-იყავნ, რომელ-იგი გაქუნდეს; რამეთუ არცადაგაგდო შენ.

⁶აწ უკუე საკადრებელ არს ესე თქუმად: უფალი არს მწე ჩემდა, არა შემეშინოს; რაჲ მიყოს მეკაცმან?

⁷მოიჴსენენით წინამძღუარნი იგი თქუენნი, რომელნი გეტყოდეს თქუენ სიტყუათა მათღმრთისათა, ჰხედევდით გამოსლვასა მას ცხოვრებისა მათისასა და ჰბაძევდით სარწმუნოებასა.

⁸იესუ ქრისტჱ გუშინ და დღეს და იგი თავადი არს უკუნისამდე.

⁹მოძღურებასა მრავალ სახესა და უცხოსა ნუ შეიწყნარებთ, რამეთუ კეთილად მადლითაგანმტკიცებულ ხართ გულითა და არა საჭმლითა, რომლითა ვერარაჲ ირგეს, რომელნი ვიდოდეს მასშინა.

¹⁰მაქუს ჩუენ საკურთხეველი, რომლისაგან ჭამად ვერ ჴელ-ეწიფების, რომელნი-იგი კარავსა მას ჰმსახურებდეს.

¹¹რომელთაჲ-იგი შეიწირვინ საცხოვართა სისხლი ცოდვათათჳს სიწმიდესა მას შინამღდელთმოძღურისა მიერ, ამათნი იგი ჴორცნი დაიწუვოდეს გარეშე ბანაკსა მას.

¹²ამისთჳსცა იესუ, რაჲთა წმიდა-ყოს თჳსითა სისხლითა ერი, გარეშე ბჭეთა ივნო.

¹³აწ უკუე განვიდეთ მისა გარეშე ბანაკსა მას და ყუედრებაჲ იგი მისი მოვიღოთ.

¹⁴რამეთუ არა მაქუს ჩუენ აქა საყოფლად ქალაქი, არამედ მერმესა მას ვეძიებთ.

¹⁵ამისთჳს შევსწირავთ მსხუერპლსა ქებისასა მარადის ღმრთისა, ესე იგი არს ნაყოფსაბაგეთასა და აღსაარებასა სახელისა მისისასა.

¹⁶ხოლო კეთილისა საქმესა და ზიარებასა ნუ დაივიწყებთ, რამეთუ ესევითარნიმსხუერპლნი სათნო არიან ღმრთისა.

¹⁷დაემორჩილენით წინამძღუართა თქუენთა და ერჩდით მათ, რამეთუ იგინი იღჳძებენსულთა თქუენთათჳს, ვითარცა-იგი სიტყუაჲ მისცენ; რაჲთა სიხარულით ამას ჰყოფდენ დაარა სულთ-ითქუმიდენ, რამეთუ არა ადვილ არს ესე თქუენდა.

¹⁸ილოცევდით ჩუენთჳსცა, გურწამს, რამეთუ კეთილი გონებაჲ გუაქუს ყოველთათჳს დაკეთილად გუნებავს სლვად.

¹⁹უმეტჱსადღა გლოცავ ამას ყოფად, რაჲთა ადრე მოვიდე თქუენდა.

²⁰ხოლო ღმერთმან მშჳდობისამან, რომელმან აღმოიყვანა მკუდრეთით მწყემსი იგიცხოვართაჲ დიდი სისხლითა მით აღთქუმისაჲთა საუკუნოჲთა - უფალი ჩუენი იესუ,

²¹დაგამტკიცენინ თქუენ ყოვლითა კეთილითა ყოფად ნებისა მისისა, რომელმან ყვისსათნოებაჲ მისი ჩუენ შორის წინაშე მისსა ქრისტე იესუჲს მიერ, რომლისა არს დიდებაჲ უკუნითიუკუნისამდე. ამენ.

²²გლოცავ თქუენ, ძმანო, თავს-იდევით სიტყუაჲ ესე ვედრებისაჲ, დაღათუ მცირედ მივწერეთქუენდა.

²³იცით ტიმოთე, ძმაჲ ჩუენი, რომელი მივავლინე, რომლისა თანა, ადრე თუ მოვიდეს, გიხილნე თქუენ

²⁴კითხვაჲ არქუთ ყოველთა წინამძღუართა თქუენთა და ყოველთა წმიდათა. გიკითხვენთქუენ, რომელნი-იგი არიან იტალიაჲთ.

²⁵მადლი უფლისა ჩუენისა იესუ ქრისტჱსი თქუენ ყოველთა თანა. ამენ.