Read ადიშის ოთხთავი 897 წ. – ძველი მონუსკრიპტები ებრაელთა მიმართ 2 Bible Online

ებრაელთა მიმართ 2 - ადიშის ოთხთავი 897 წ. – ძველი მონუსკრიპტები bible

ებრაელთა მიმართ 2

¹ამისთჳს ჯერ-არს უმეტჱსად კრძალვაჲ ჩუენი, რომელთა-ესე გუასმიეს, რაჲთა არამოუძლურდეთ.

²უკუეთუ ანგელოზთა მიერ რომელ-იგი ითქუა სიტყუაჲ, იქმნა მტკიცე, და ყოველმანშჯულისა გარდამავალმან და ურჩმან მოიღო საშჯელისა კუალად-გებაჲ,

³ვითარ-მე ჩუენ განვერნეთ, უკუეთუ ესოდენი უდებ-ვყოთ ცხოვრებაჲ, რომელმან-იგიდასაბამი მოიღო სიტყუად უფლისა მიერ, მსმენელთა მათგან ჩუენდა მომართ განმტკიცნა,

⁴თანა-მოწამებითა ღმრთისაჲთა, სასწაულებითა და ნიშებითა და ფერად-ფერადითაძალითა და სულისა წმიდისა განყოფითა ნებისაებრ მისისა?

⁵რამეთუ არა ანგელოზთა დაამორჩილა მერმჱ იგი სოფელი, რომლისათჳს-ესე ვიტყჳთ;

⁶უწამებიეს სადამე ვისმე და იტყჳს: რაჲ არს კაცი, რამეთუ მოიჴსენე იგი? ანუ ძჱ კაცისაჲ,რამეთუ მოჰხედე მას?

⁷დააკლე იგი მცირედ რაჲმე ანგელოზთა შენთა; დიდებითა და პატივითა გჳრგჳნოსან ჰყავიგი, დაადგინე იგი ქმნულსა ჴელთა შენთასა,

⁸ყოველივე დაამორჩილე ქუეშე ფერჴთა მისთა. დამორჩილებასა მას ყოვლისასა არარაჲდაუშთა მისა დაუმორჩილებელი. და აწ არღა ვხედავთ ყოველსავე დამორჩილებულად.

⁹ხოლო მცირედ რაჲმე ანგელოზთა დაკლებულად ვხედავთ იესუს ვნებითა მითსიკუდილისაჲთა და დიდებითა და პატივითა გჳრგჳნოსანსა, რაჲთა მადლითა ღმრთისაჲთაყოვლისათჳს იხილოს გემოჲ სიკუდილისაჲ.

¹⁰რამეთუ შე-ვე=მისა-ჰგვანდა, რომლისათჳს არს ყოველი და რომლისაგან არსყოველი, რომელმან მრავალნი შვილნი დიდებად მოიყვანნა, და წინამძღუარი იგი ცხოვრებისა მათისაჲვნებითა სრულ ყოფად.

¹¹რამეთუ განმწმედელი იგი და განწმედილნი იგი ერთისაგან არიან ყოველნი, რომლისაგამო არა ჰრცხუენის ძმად წოდებაჲ მათი და იტყჳს:

¹²მიუთხრა სახელი შენი ძმათა ჩემთა და შორის კრებულსა გიგალობდე შენ.

¹³და მერმე იტყჳს: მე ვიყო მოსავ მისა; და კუალად იტყჳს: აჰა ესერა მე და ყრმანი,რომელნი მომცნა მე ღმერთმან.

¹⁴რამეთუ ყრმათაცა ეზიარა ჴორცითა და სისხლითა, და თავადმან მსგავსად მოიღო მათივე,რაჲთა სიკუდილითა მით განაქარვოს, რომელსა-იგი ჴელმწიფებაჲ აქუნდა სიკუდილისაჲ, ესე იგი არსეშმაკი,

¹⁵და განათავისუფლნეს ესენი, რომელნი შიშითა სიკუდილისაჲთა მარადის ცხოვრებადთანა-მდებ იყვნეს კირთებასა.

¹⁶რამეთუ არასადა ანგელოზთაჲთ იწყო, არამედ ნათესავისაგან აბრაჰამისა იწყო.

¹⁷ამისთჳს ჯერ-იყო მისა ყოვლითავე ძმათა მსგავსებაჲ, რაჲთა მოწყალე იქმნეს დასარწმუნო მღდელთმოძღუარ ღმრთისა მიმართ, რაჲთა ულხინებდეს ცოდვათა ერისათა.

¹⁸ვინაჲთგან ივნო თავადმან და გამოიცადა, ძალ-უც, რომელნი-იგი განიცადებოდიან,მათაცა შეწევნაჲ.