Read ადიშის ოთხთავი 897 წ. – ძველი მონუსკრიპტები ებრაელთა მიმართ 3 Bible Online

ებრაელთა მიმართ 3 - ადიშის ოთხთავი 897 წ. – ძველი მონუსკრიპტები bible

ებრაელთა მიმართ 3

¹ამისთჳს, ძმანო წმიდანო, ჩინებისა მის ზეცისა ზიარნო, განიცადეთ მოციქული იგი დამღდელთმოძღუარი აღსაარებისა თქუენისაჲ, იესუ,

²რომელი სარწმუნო არს შემოქმედისა თჳსისა, ვითარცა მოსე ყოველსავე სახლსა მისსა.

³რამეთუ უმრავლჱსსა დიდებასა ესე ღირს იყო უფროჲს მოსჱსსა, ვითარცა-იგი უფროჲსიპატივი აქუნ სახლისაჲ მის მაშჱნებელსა მას მისსა.

⁴რამეთუ ყოველი სახლი აღეშჱნის ვისგანვე; ხოლო ყოველივე ღმრთისაგანაღშჱნებულ არს.

⁵და მოსეცა სარწმუნო იყო ყოველსავე ზედა სახლსა მისსა, ვითარცა მსახური მოწამედთქუმულთა მათ.

⁶ხოლო ქრისტჱ, - ვითარცა ძჱ სახლსა ზედა მისსა; რამეთუ ვითარცა სახლნი ვართ ჩუენ,უკუეთუ კადნიერებაჲ იგი და სიქადული სასოებისაჲ აღსასრულადმდე მტკიცედ შევიკრძალოთ.

⁷ამისთჳს, ვითარცა იტყჳს სული წმიდაჲ, დღეს თუ ჴმისა მისისაჲ ისმინოთ,

⁸ნუ განიფიცხებთ გულთა თქუენთა, ვითარცა-იგი გამოცდასა მას დღისა მისებრ გამოცდისაუდაბნოსა ზედა,

⁹სადა-იგი განმცადეს მე მამათა თქუენთა; განმცადეს მე და იხილნეს საქმენი ჩემნი ორმეოცწელ.

¹⁰ამისთჳს მოვიწყინე ნათესავი იგი და ვთქუ: მარადის სცთებიან იგინი გულითა მათითა დამათ არა იცნნეს გზანი ჩემნი.

¹¹ვითარცა ვფუცე რისხვითა ჩემითა, ვერ შევიდენ იგინი განსასუენებელსა ჩემსა.

¹²ეკრძალენით, ძმანო, ნუუკუე იყოს ვის თანა-მე თქუენ შორის გული უკეთურიურწმუნოებისაჲ განდგომად ღმრთისაგან ცხოველისა.

¹³არამედ ნუგეშინის-სცემდით დღითი დღედ თავთა თჳსთა, ვიდრე-ესე დღესღა ჰრქუან,რაჲთა არა გან-ვინმე-ფიცხნეს თქუენგანი საცთურითა მით ცოდვისაჲთა.

¹⁴რამეთუ თანა-ზიარ ქრისტესა ვიქმნენით, უკუეთუ დასაბამი იგი ძლიერებისაჲაღსასრულამდე მტკიცედ შევიკრძალოთ.

¹⁵ხოლო რომელ-იგი თქჳს: დღეს თუ ჴმისა მისისაჲ ისმინოთ, ნუ განიფიცხებთ გულთათქუენთა, ვითარცა-იგი განმწარებასა მას.

¹⁶რამეთუ ესმა ვიეთმე და განამწარეს, არამედ არა ყოველთა, რომელნი გამოვიდეს ეგჳპტითმოსჱს მიერ.

¹⁷ვიეთნი იგი მოიწყინნა ორმეოც წელ? ნუ არა რომელთა-იგი შესცოდეს, რომელთაჲ-იგიძუალები დაცჳვა უდაბნოსა ზედა?

¹⁸ვიეთ ეფუცა არა-შესლვად განსასუენებელსა მისსა? არა-მე ურჩთა მათა?

¹⁹და ვხედავთ, რამეთუ ვერ შეუძლეს შესლვად ურწმუნოებითა.