Read ადიშის ოთხთავი 897 წ. – ძველი მონუსკრიპტები ებრაელთა მიმართ 4 Bible Online

ებრაელთა მიმართ 4 - ადიშის ოთხთავი 897 წ. – ძველი მონუსკრიპტები bible

ებრაელთა მიმართ 4

¹გუეშინოდენ უკუე, ნუსადა, დატევებასა მას აღთქუმისასა შესლვად განსასუენებელსამისსა, ჰგონებდეს ვინმე დაკლებულს თქუენგანი თავსა თჳსსა.

²რამეთუ ვართ ჩუენ ხარებულ, ვითარცა იგინი; არამედ არაჲ არგო მათ სიტყუამან მანსმენისამან, რამეთუ არა თანა-შეეზავა სარწმუნოებაჲ იგი მსმენელთა მათ.

³ხოლო ჩუენ შევიდეთ განსასუენებელსა მას, მორწმუნენი ესე, ვითარცა-იგი თქუა: ვითარცავფუცე რისხვითა ჩემითა, ვერ შევიდენ იგინი განსასუენებელსა ჩემსა; და რამეთუ საქმენი იგიდასაბამითგან სოფლისაჲთ ქმნულ იყვნეს.

⁴უთქუამს სადამე მეშჳდისა მისთჳს ესრჱთ: და განისუენა ღმერთმან დღესა მას მეშჳდესაყოველთაგან საქმეთა მისთა.

⁵და ამისა შემდგომად კუალად იტყჳს: ვერ შევიდენ იგინი განსასუენებელსა ჩემსა.

⁶რამეთუ და-ვიეთმე-აკლდების შესლვაჲ მას შინა, და რომელნი-იგი წინაჲსწარხარებულ იყვნეს, ვერ შევიდეს ურწმუნოებითა.

⁷მერმე კუალად მასვე გამოაჩინებს დღესა დღეს დავითის მიერ, და იტყჳს, შემდგომადესოდენისა ჟამისა, ვითარცა-იგი წინაჲსწარ თქუმულ არს: დღეს თუ ჴმისა მისისაჲ ისმინოთ, ნუგანიფიცხებთ გულთა თქუენთა.

⁸უკუეთუმცა ისუ, ძემან ნავჱსმან, შეიყვანნა იგინი განსასუენებელსა მას, არამცა სხჳსადღისათჳს ამისა შემდგომად იტყოდა.

⁹და-მე-აკლდებისა შაბათობაჲ იგი ერსა ღმრთისასა?

¹⁰რამეთუ რომელ-იგი შევიდა განსასუენებელსა მისსა, მანცა განისუენა საქმეთა მისთაგან,ვითარცა-იგი თჳსთაგან ღმერთმან.

¹¹ვიწრაფოთ უკუე შესლვად განსასუენებელსა მას, რაჲთა არა მასვე ვინმე სახესა შევარდესურწმუნოებისასა.

¹²რამეთუ ცხოველ არს სიტყუაჲ ღმრთისაჲ და მწე და უმკუეთელჱს უფროჲს ყოვლისამახჳლისა ორპირისა: და მისწუდების იგი ვიდრე განსაყოფელადმდე საშუმინველისა და სულისა,ნაწევართა და ტჳნთა, და განმკითხველ ზრახვათა დაფარულთა და გონებათა გულისათა.

¹³და არარაჲ არს დაბადებული დაფარული წინაშე მისსა, ყოველივე შიშუელ და ქედ-დადრეკილ არს წინაშე თუალთა მისთა, რომლისათჳს არს სიტყუაჲ ესე ჩუენი.

¹⁴მივის ჩუენ მღდელთმოძღუარი დიდი, რომელმან განვლნა ცანი, იესუ, ძჱ ღმრთისაჲ,შევიკრძალოთ აღსაარებაჲ იგი.

¹⁵რამეთუ არა ეგევითარი გჳვის მღდელთმოძღუარი, რაჲთამცა ვერ შემძლებელ იყოშეწყალებად უძლურებათა ჩუენთა, გამოცდილი ყოვლითავე მსგავსებითა, თჳნიერ ცოდვისა.

¹⁶მოუჴდეთ მას განცხადებულად საყდართა მადლისათა, რაჲთა მოვიღოთ წყალობაჲ დავპოვოთ მადლი ჟამსა შეწევნისასა.