Read ადიშის ოთხთავი 897 წ. – ძველი მონუსკრიპტები ებრაელთა მიმართ 5 Bible Online

ებრაელთა მიმართ 5 - ადიშის ოთხთავი 897 წ. – ძველი მონუსკრიპტები bible

ებრაელთა მიმართ 5

¹რამეთუ ყოველივე მღდელთმოძღუარი, კაცთაგან მოყვანებული, კაცთათჳსდაიდგინის ღმრთისა მიმართ, რაჲთა შესწირვიდეს შესაწირავსა და მსხუერპლსა ცოდვათათჳსშენდობით

²და სწორად წყალობად შემძლებელ არნ უმეცართა მათ და შეცთომილთა, რამეთუ მასზედა-აც უძლურებაჲ;

³და ამისთჳს თანა-აც ვითარცა ერისათჳს, ეგრეცა თავისა თჳსისათჳს შეწირვად მსხუერპლიცოდვათათჳს.

⁴და არავინ თავით თჳსით მოიღის პატივი, არამედ რომელიცა წოდებულ არნ ღმრთისამიერ, ვითარცა-იგი აჰრონ.

⁵ეგრეცა ქრისტე არა თავი თჳსი ადიდა ყოფად იგი მღდელთმოძღურად, არამედ რომელ-იგიეტყოდა მას: ძჱ ჩემი ხარი შენ, მე დღეს მიშობიე შენ.

⁶ვითარცა-იგი სხუასა ადგილსა იტყჳს: შენ ხარ მღდელ უკუნისამდე წესსა მას ზედამელქისედეკისსა.

⁷ვითარცა-იგი დღეთა მათ ჴორცთა მისთასა ვედრებასა და ლოცვასა შემძლებელისა მიმართჴსნად მისა სიკუდილისაგან ჴმითა მაღლითა და ცრემლითა შეწირა, და შეისმინა მისიმოშიშებისა მისგან.

⁸და რამეთუ ძჱღა იყო, ისწავა, ვინაჲთგან ივნო, მან მორჩილებით;

⁹და სრულ იქმნა იგი და ეყო ყოველთა მათ მორჩილთა მისთა მიზეზ ცხოვრებისასაუკუნოჲსა;

¹⁰და სახელ-ედვა ღმრთისა მიერ მღდელთმოძღუარ წესსა მას ზედა მელქისედეკისსა.

¹¹რომლისათჳს მრავალ არს ჩუენდა სიტყუად და ძნიად სათარგმანებელ თქუმად, რამეთუუძლურ იქმნენით სასმენელითა.

¹²და რამეთუ ღირდა თქუენდა, რაჲთამცა იყვენით მოძღუარ ჟამისა მისგან; მერმე კუალადგიჴმს-ვე-ღა მოძღურებაჲ თქუენ წესი რაჲმე დასაბამისა მის სიტყუათა ღმრთისათაჲ; და იქმნენითთქუენ, ვითარცა გიჴმდა, სძჱ და არა მტკიცჱ იგი საზრდელი.

¹³რამეთუ ყოველი, რომელი მიიღებნ სძესა, უმეცარ არნ სიტყუასა მას სიმართლისასა,რამეთუ ჩჩჳლ არნ.

¹⁴ხოლო სრულთაჲ არს მტკიცჱ იგი საზრდელი, რომელთა სახითა მით გონებანიწურთილნი ჰქონედ ცნობად კეთილისა და ბოროტისა.