Read ადიშის ოთხთავი 897 წ. – ძველი მონუსკრიპტები ებრაელთა მიმართ 8 Bible Online

ებრაელთა მიმართ 8 - ადიშის ოთხთავი 897 წ. – ძველი მონუსკრიპტები bible

ებრაელთა მიმართ 8

¹ხოლო თავად თქუმულთა ამათ ზედა ესე არს: ეგევითარი გჳვის ჩუენ მღდელთმოძღუარი,რომელი დაჯდა საყდართა დიდებისათა მარჯუენით ცათა შინა,

²წმიდათა მსახური და კარვისა მის ჭეშმარიტისაჲ, რომელი აღაშჱნა უფალმან და არაკაცმან.

³ყოველივე მღდელთმოძღუარი შეწირვად მსხუერპლისა და შესაწირავისა დადგინებულარს, რომლისაგან უღირს მასცა, რაჲ-იგი შეწიროს თავისა თჳსისა.

⁴უკუეთუმცა იყო ქუეყანასა ზედა, არამცა იყო მღდელი ყოფითა მით შემწირველთაჲთა,მსგავსად შჯულისა რომელ შეიწირვოდეს მსხუერპლნი,

⁵რომელნი-იგი სახედ და აჩრდილად ჰმსახურებდეს ზეცისაჲსა მის, ვითარცა-იგი ბრძანებაჲმოიღო მოსე საქმესა მას კარვისასა და ჰრქუა: იხილე და ქმენ ყოველივე მსგავსად სახისა მის, რომელიგეჩუენა მთასა ზედა.

⁶ხოლო აწ უკეთჱსსა მიიწია ესე მსახურებასა, ვითარცა-იგი არს უმჯობჱსისა აღთქუმისაშუვა-მდგომელ, რომელ-იგი უმჯობჱსსა მას აღთქუმასა ზედა შჯულ-დებულ არს.

⁷უკუეთუმცა პირველი იგი იყო უბიწო, არამცა მეორისაჲ მის საძიებელ იყო ადგილი,

⁸რამეთუ აბრალებს მათ და ეტყჳს: აჰა ესერა დღენი მოვლენან, იტყჳს უფალი, დააღვასრულო სახლსა მას ზედა ისრაჱლისასა და სახლსა მას ზედა იუდაჲსსა აღთქუმაჲ ახალი

⁹არა აღთქუმისა მისებრ, რომელ-იგი აღუთქუ მამათა მათთა დღესა მას, რომელსა უპყარჴელი მათი გამოყვანებად მათა ქუეყანით ეგჳპტით, რამეთუ იგინი არა დაადგრეს შჯულსა ჩემსა, და მეშეურაცხ-ვყვენ იგინი, თქუა უფალმან.

¹⁰რამეთუ ესე არს აღთქუმაჲ, რომელი აღუთქუა სახლსა ისრაჱლისასა შემდგომად დღეთაამათ, იტყჳს უფალი: მივსცნე შჯულნი ჩემნი გონებათა მათთა, და გულთა მათთა გამოვწერნე იგინი; დავიყო მე მათა ღმერთ, და იგინი იყვნენ ჩემდა ერად.

¹¹და არღარა ასწავებდეს კაცად-კაცადი მოქალაქესა თჳსსა და კაცად-კაცადი ძმასა თჳსსა და ჰრქუას: "იცანთ ღმერთი", არამედ ყოველთა მიცოდიან მე მცირითგან ვიდრე დიდადმდემათა.

¹²რამეთუ ულხინო სიცრუეთა მათთა და უშჯულოებანი მათნი და ცოდვანი მათნი არღარამოვიჴსენნე მერმე,

¹³რაჟამს-იგი თქუას "ახალი", დააძუელა პირველი იგი; ხოლო დაძუელებადი იგი დადაბერებადი მახლობელ არს განრყუნისა.