Read ადიშის ოთხთავი 897 წ. – ძველი მონუსკრიპტები იაკობის წერილი 2 Bible Online

იაკობის წერილი 2 - ადიშის ოთხთავი 897 წ. – ძველი მონუსკრიპტები bible

იაკობის წერილი 2

¹ძმანო ჩემნო, ნუ თუალ-ღებით გაქუნ სარწმუნოებაჲ იგი უფლისა ჩუენისა იესუქრისტჱსი დიდებისაჲ .

²უკუეთუ შე-ვინმე-ვიდეს შესაკრებელსა თქუენსა კაცი, რომელსა ეცუას ბეჭედიოქროჲსაჲ სამოსლითა ბრწყინვალითა და შევიდეს გლახაკიცა სამოსლითამწინკულევანითა

³და მიხედოთ მას, რომელსა ემოსოს სამოსელი მბრწყინვალჱ და ჰრქუათ: შენდაჯედ აქა კეთილად, და გლახაკსა მას ჰრქუათ: შენ დეგ მანდა, ანუ დაჯედ ქუეშე ფერჴთა ჩემთა,

⁴შეორგულდით გულითა თქუენითა და იქმენით მსაჯულ გულის სიტყუათაბოროტთა.

⁵ისმინეთ, ძმანო ჩემნო საყუარელნო: ანუ არა გლახაკნი სოფლისანი გამოირჩინაღმერთმან, ხოლო მდიდარნი სარწმუნოებითა და მკჳდრნი სასუფეველისანი, რომელ აღუთქუაღმერთმან მოყუარეთა მისთა?

⁶ხოლო თქუენ შეურაცხ-ჰყავთ გლახაკი იგი. ანუ არა მდიდარნი იგი გმძლავრობენთქუენ, და იგინი მიგითრევენ წინაშე მსაჯულისა?

⁷ანუ არა იგინი გმობენ კეთილსა მას სახელსა, რომელ წოდებულ არსთქუენ ზედა?

⁸უკუეთუ შჯულსა აღასრულებთ სამეუფოსა, მსგავსად წერილისა მის, ვითარმედშეიყუარო მოყუასი შენი, ვითარცა თავი თჳსი, კეთილად ჰყოფთ.

⁹უკუეთუ თუალთ-აღებთ, ცოდვასა იქმთ და გემხილების შჩულისაგან, ვითარცაშჩულისა გარდამავალთა.

¹⁰რომელმან ყოველი შჩული აღასრულოს და სცთეს ერთითა, იქმნა იგი ყოვლისათანა-მდებ.

¹¹რომელმან იგი თქუა: ნუ იმრუშებ, მანვე თქუა: ნუ კაც-ჰკლავ; უკუეთუ იმრუშოარა და კაც ჰკლა, იქმენვე გარდამავალ შჯულისა.

¹²ესრეთ იტყოდეთ და ესრჱთ ჰყოფდით, ვითარცა შჯულისა მიერ აზნაურებისაგანშჯად ხართ.

¹³რამეთუ საშჯელი უწყალო არს მისთჳს, რომელმან არა ყოს წყალობაჲ, არამედ იქადოდეთ წყალობასა საშჯელისასა.

¹⁴რაჲ სარგებელ არს, ძმანო ჩემნო, უკუეთუ ვინმე თქუას: სარწმუნოებაჲ მაქუს, დასაქმე თუ არარაჲ აქუნდენ? ვერ შემძლებელ არს სარწმუნოებაჲ ხოლო იგი ცხორებად მისა.

¹⁵უკუეთუ ძმაჲ გინა თუ დაჲ შიშუელ იყუნენ და ნაკლულევან მდღევრისაგანსაზრდელისა

¹⁶და ჰრქუას ვინმე მათ თქუენგანმან: წარვედ მშჳდობით, განძეღით და განტეფით,და არარაჲ სცეთ საჴმარი იგი ჴორცთაჲ, რაჲ-მე სარგებელ არს?

¹⁷ეგრეცა სარწმუნოებაჲ: უკუეთუ საქმენი არა ჰქონან, მკუდარ არს იგი ხოლო.

¹⁸არამედ თქუას თუ ვინმე: შენ სარწმუნოებაჲ გაქუს და მე საქმენი მქონან, მიჩუენემე სარწმუნოებაჲ შენი თჳნიერ საქმეთა შენთა, და მე გიჩუენო შენ საქმეთა ჩემთაგანსარწმუნოებაჲ.

¹⁹შენ გრწამს, რამეთუ ერთ არს ღმერთი, კეთილად ზამ, იგი ეშმაკთაცა ჰრწამს დაძრწიან მისთჳს.

²⁰გნებავს ცნობად, ჵ კაცო ვინმე ცუდო, რამეთუ სარწმუნოებაჲ თჳნიერ საქმეთაცუდ არს?

²¹აბრაჰამ, მამაჲ ჩუენი საქმეთაგან განმართლდა, რამეთუ შეწირა ისაკი, ძჱ თჳსისაკურთხეველსა ზედა.

²²ხედავა, რამეთუ სარწმუნოებაჲ შეეწევის საქმეთა მისთა და საქმეთაგანსარწმუნოებაჲ იგი სრულ იქმნა?

²³და აღესრულა წერილი იგი,რომელი იტყჳს: ჰრწმენა აბრაჰამსა ღმერთი, დაშეერაცხა მას სიმართლედ და მეგობარ ღმრთისა იწოდა.

²⁴აწ ხედავთა, რამეთუ საქმეთაგან განმართლდების კაცი და (არა) ხოლო სარწმუნოებითა?

²⁵ეგრევე რაბ, მეძავი, საქმეთაგან განმართლდა, რამეთუ შეიწყნარნა მსტუარნი იგიდა სხჳთ გზით წარგზავნნა იგინი.

²⁶ვითარცა ჴორცნი თჳნიერ სულისა მკუდარ არიან, ეგრეცა სარწმუნოებაჲ თჳნიერსაქმეთა მკუდარ არს.