Read ადიშის ოთხთავი 897 წ. – ძველი მონუსკრიპტები იაკობის წერილი 3 Bible Online

იაკობის წერილი 3 - ადიშის ოთხთავი 897 წ. – ძველი მონუსკრიპტები bible

იაკობის წერილი 3

¹ნუ მრავალნი ჰმოძღურებთ, ძმანო ჩემნო! უწყოდეთ, ვითარმედ უდიდჱსისაშჯელი მოიღოთ.

²რამეთუ ფრიად ვსცთებით ყოველნი. რომელი სიტყჳთა არა სცთებოდის, იგისრული კაცი არს, შემძლებელ არს იგი აღჳრ-სხმად ყოველსავე გუამსა მისსა.

³უკუეთუ ცხენსა აღჳრნი აღვასხნით დამორჩილებად ჩუენდა, ყოველი გუამი მისიმოვაქციით,

⁴აჰა ესერა ნავნიცა ესოდენნი დიდ-დიდნი და ფიცხელთაგან ქართამიმოდატაცებულთა(?) მოიქცევიან მცირისაგან საჭისა, ვიდრეცა-იგი მისლვადგანმმართებელსა მას უნებნ.

⁵ეგრევე ენაჲ მცირჱ ასოჲ არს და დიდად მაღლოვის. აჰა ესერა კუალად აღაგზნის!

⁶და ენაჲ ეგრევე ცეცხლ არს, სამკაული სიცრუვისაჲ. ენაჲ დადგრომილ არს ასოთაშინა ჩუენთა, რომელი შეაგინებს ყოველსა გუამსა და აღაგზებს ურმის თუალსა მას შესაქმისასა დააღგზებულ არს გეჰენიაჲსაგან.

⁷რამეთუ ყოველი ბუნებაჲ მჴეცთაჲ და მფრინველთაჲ და ქუეწარმავალთაჲ დამცურვალთაჲ დაიმწყსების და დამწყსილ არს ბუნებასა ქუეშე კაცთასა.

⁸ხოლო ენაჲ ვერვის დამწყსად ჴელ-ეწიფების კაცთაჲ, დაუპყრობელიბოროტი, სავსე გესლითა მაკუდინებელითა.

⁹რამეთუ მით ვაკურთხევთ ღმერთსა და მამასა. და მითვე ვსწყევთ კაცთა,რომელნი მსგავსად ღმრთისა შექმნულ არიან.

¹⁰მიერვე პირით გამოვალს კურთხევაჲ და წყევაჲ. არა ჯერ-არს, ძმანო ჩემნო, ესეყოფად.

¹¹ნუუკუე წყაროჲსაგან მისვე თუალისაგან გამოდინ ტკბილი და მწარჱ?

¹²ეგების-მე რაჲა, ძმანო ჩემნო, ვითარმცა ლეღუმან ზეთის ხილი გამოიღო, გინავენაჴმან ლეღჳ? ეგრევე ვერცა მარილოვანი წყალი ტკბილ ყოფად.

¹³ვინ არს ბრძენ და მეცნიერ თქუენ შორის, აჩუენენ კეთილთაგან სლვათა საქმჱთჳსი სიმშჳდითა სიბრძნისაჲთა.

¹⁴უკუეთუ შური მწარჱ გაქუნდეს და ჴდომაჲ გულთა თქუენთა, ნუიქადით და იტყჳთ ჭეშმარიტებისათჳს.

¹⁵არა არს ესე სიბრძნჱ ზეგარდამოსრული, არამედ ქუეყანისაჲ მშუმინვიერისაეშმაკოჲ.

¹⁶სადა შური და ჴდომაჲ, მუნ არს შფოთი და ყოველი ჯერკუალი საქმჱ.

¹⁷ხოლო ზეგარდამოჲ იგი სიბრძნჱ პირველად სიწმიდჱ არს, მერმე მშჳდობაჲ,სახიერებაჲ, მორჩილებაჲ, სავსჱ წყალობითა და ნაყოფითა საქმეთა კეთილთაჲთა, განუკითხველ,შეუორგულებელ

¹⁸ნაყოფი სიმართლისაჲ, მშჳდობისაჲ მშჳდობით დაეთესვის, რომელნი ჰყოფენმშჳდობასა.