Read ადიშის ოთხთავი 897 წ. – ძველი მონუსკრიპტები იაკობის წერილი 4 Bible Online

იაკობის წერილი 4 - ადიშის ოთხთავი 897 წ. – ძველი მონუსკრიპტები bible

იაკობის წერილი 4

¹ვინაჲ არიან ბრძოლანი თქუენ შორის, ანუ ლალვანი? ანუ არა მიერვე გულისთქუმათაგან თქუენთა, რომელნი განწყობილ არიან ასოთა შინა თქუენთა.

²გული გითქუამს და არა გაქუს, კაც-ჰკლავთ და ეშურობთ და ვერძალ-გიც მიმთხუევად, ილალავთ და იბრძავთ და არა გაქუს, რამეთუ არა ითხოვთ.

³თქუენ ითხოვთ და ვერ მიიღებთ, რამეთუ ბოროტად ითხოვთ, რაჲთა გულისთქუმითა თქუენითა განილინეთ.

⁴მემრუშენო, ანუ არა უწყით, რამეთუ სიყუარული ამის სოფლისაჲ მტერობა არსღმრთისა? რომელსა უჩნდეს მეგობარ ყოფად ამის სოფლისა, მტერად ღმერთსა, აღუდგების.

⁵ანუ ჰგონებთ, ვითარმედ ცუდად იტყჳს წიგნი: საშურელად სურის სულსა,რომელი დამკჳდრებულ არს ჩუენ თანა?

⁶უფროჲს მოცემად მადლისა; ამისთჳს იტყჳს: ამპარტავანთა შეჰმუსრავს ღმერთიხოლო მდაბალთა მოსცის მადლი.

⁷დაემორჩილენით ღმერთსა და წინა-აღუდეგით ეშმაკსა დაივლტოდის თქუენგან.

⁸მიეახლენით ღმერთსა და მოგეახლოს თქუენ. განიწმიდენით ჴელნი, ცოდვილნო,და განმართენით გულნი ორგულნო.

⁹დამდაბლდით და ტიროდეთ. სიცილი თქუენი გლოვად გარდაიქეცინ დასიხარული თქუენი მწუხარებად.

¹⁰არამედ დამდაბლდით წინაშე უფლისა და მან აგამაღლნეს თქუენ.

¹¹ნუ ძჳრსა იტყჳთ, ძმანო ჩემნო, ურთიერთას. რომელი ძჳრსა იტყოდის ძმისათჳს,გინა განიკითხვიდეს ძმასა თჳსსა, განიკითხავს შჯულსა და დაშჯის შჯულსა; უკუეთუ შჯულსა შჯი,არა ხარ მყოფელი შჯულისაჲ, არამედ განმკითხველი.

¹²ერთი არს შჯულისა მდებელი და გამკითხველი, რომელი შემძლებელ არსცხორებად და წარწყმედად. შენ ვინ ხარ, რომელი განიკითხავ მოყუასსა?

¹³აწ თქუენცა, რომელნი-ეგე იტყჳთ: დღეს გინა ხვალე წარვიდეთ რომელსამექალაქსა და დავყოთ მუნ წელიწადი და ვივაჭროთ და შევიძინოთ.

¹⁴რომელთა არა იცით ხვალისაჲ, რავდენ-მე უკუე არს ცხორებაჲ თქუენი?ვითარცა კუამლნი ხართ, რომელი მცირედ ჟამ ჩან და მერმე განქარდის.

¹⁵ამის წილ რომელი-იგი გიღირს თქუმად: უკუეთუ უფალსა უნდეს დავცხონდეთ და ვყოთ ესე ანუ იგი.

¹⁶ხოლო აწ იქადით სილაღითა თქუენითა, ყოველივე სიქადული ესევითარიბოროტ არს.

¹⁷რომელმან იცოდის კეთილისა საქმედ და არა ქმნეს, ცოდვა არს მისა.