Read ადიშის ოთხთავი 897 წ. – ძველი მონუსკრიპტები იაკობის წერილი 5 Bible Online

იაკობის წერილი 5 - ადიშის ოთხთავი 897 წ. – ძველი მონუსკრიპტები bible

იაკობის წერილი 5

¹აწ თქუენცა მდიდარნი ტიროდეთ და გოდებდეთ უბადრუკებათა მათთჳს თქუენზედა მომავალთა.

²სიმდიდრჱ თქუენი დალპა და სამოსელი თქუენი მღილთა შეჭამეს.

³ოქროჲ თქუენი და ვეცხლი თქუენი დაგესლებულ არს და გესლი იგი მათისაწამებელად თქუენდა იყოს და შეშჭამდეს ჴორცთა თქუენთა ვითარცა ცეცხლი. დაიუნჯეთ დღეთა მათუკუანაჲსკნელთა.

⁴აჰა ესერა სასყიდელი მოქმედთაჲ მათ, რომელთა განლეწეს ყანაჲ თქუენი,დაკლებული იგი თქუენგან ღაღადებს და ღაღადებაჲ იგი მომკალთაჲ ყურთა უფლისა ყოვლისამპყრობელისათა მიიწია.

⁵იშუებდით ქუეყანასა ზედა და იხარებდით. განზარდენით ჴორცნი თქუენნივითარცა დღედ კლვისა.

⁶დასაჯეთ და მოჰკალთ მართალი იგი და არა წინა-აღგიდგა თქუენ.

⁷სულ-გრძელ იქმნენით, ძმანო, ვიდრე მოსლვადმდე უფლისა. აჰა ესერა, მუშაკიმოელის პატიოსანსა ნაყოფსა ქუეყანისასა და სულ-გრძელ არნ მას ზედა, ვიდრემდემოიღოს (წჳმაჲ) მსთუაჲ და მცხუედი.

⁸სულ-გრძელ იქმნენით თქუენცა, განიმტკიცენით გულნი თქუენნი, რამეთუმოსლვაჲ მოახლებულ არს.

⁹ნუ სულთ-ითქუამთ, ძმანო ჩემნო, ურთიერთას, რაჲთა არა განიკითხნეთ. აჰაესერა, განმკითხველი კართა დგას.

¹⁰სახედ ძჳრის ხილვისა და სულ-გრძელებისა გეჴსენედ, ძმანო ჩემნო,წინაწარმეტყუელნი, რომელნი-იგი იტყოდეს სახელითა უფლისაჲთა.

¹¹აჰა ესერა ვჰნატრით მოთმინეთა მათ. მოთმინებაჲ იობისი მასმიეს დააღსასრული უფლისაჲ იხილეთ, რამეთუ ფრიად მოწყალე არს უფალი და ტკბილ.

¹²ყოვლისა წინა, ძმანო ჩემნო, ნუ ჰფუცავთ ნუცა ცასა, ნუცა ქუეყანასა, ნუცა სხუასაფიცსა; იყავნ თქუენი ჰჱ ჰე და არაჲ არა, რაჲთა არა ორგულებასა შესცჳვეთ.

¹³შჭირდეს თუ ვისმე თქუენგანსა, ილოცევდინ; მოლხინე თუ არს, გალობდინ.

¹⁴უძლურ თუ ვინმე არს, მოუწოდენ ხუცესთა ეკლესიაჲსათა და ილოცოს მისთჳსდა სცხოს მას ზეთი სახელითაჲ უფლისაჲთა.

¹⁵და ლოცვამან სარწმუნოებისამან აცხოვნოს სნეული იგი და აღადგინოს იგიუფალმან. დაღათუ ცოდვაჲ რაჲმე ექმნეს, მი-ვე-ეტევნენ მას.

¹⁶აღუვარებდით ურთიერთას ცოდვათა და ულოცევდით ერთი-ერთსა, რაჲთაგანიკურნეთ. ფრიად შემძლებელ არს ვედრებაჲ მართლისაჲ და შემწე.

¹⁷ელია კაცი იყო მსგავსი ჩუენი და ლოცვაჲ ილოცა, რაჲთა არა წჳმოს, და არა წჳმაქუეყანასა ზედა სამ წელ და ექუს თთუე.

¹⁸და მერმე ილოცა და ცამან წჳმაჲ მოსცა და ქუეყანამან აღმოაცჱნა ნაყოფი თჳსი.

¹⁹ძმანო ჩემნო, უკუეთუ ვინმე თქუენ შორის სცთეს გზისაგან ჭეშმარიტისა და თუვინმე მოაქციოს იგი,

²⁰უწყოდენ, რამეთუ რომელმან მოაქციოს ცოდვილი გზისაგან საცთურისა მისისა,იჴსნეს სული სიკუდილისაგან და დაფაროს სიმრავლჱ ცოდვათაჲ.