Read ადიშის ოთხთავი 897 წ. – ძველი მონუსკრიპტები 1 პეტრეს წერილი 1 Bible Online

1 პეტრეს წერილი 1 - ადიშის ოთხთავი 897 წ. – ძველი მონუსკრიპტები bible

1 პეტრეს წერილი 1

¹პეტრე, მოციქული იესუ ქრისტჱსი, რჩეულთა მწირთა, განთესულთა პონტოჲსადა გალატიაჲსათა, კაბადუკიაჲსათა და ბჳთინიაჲსათა,

²წინაჲსწარ ცნობითა ღმრთისა მამისაჲთა, სიწმიდითა სულისაჲთადასამორჩილებელად და საბკურებელად სისხლისა იესუ ქრისტჱსისა. მადლი თქუენ თანა დამშჳდობაჲ განმრავლდინ!

³კურთხეულ არს ღმერთი და მამაჲ უფლისა ჩუენისა იესუ ქრისტჱსი, რომელმან-იგი მრავლითა მით წყალობითა თჳსითა კუალად გუშვნა ჩუენ სასოებად ცხოველად აღდგომითა იესუქრისტჱსითა მკუდრეთით,

⁴სამკჳდრებელად უხრწნელად და შეუგინებელად და დაუჭნობელად დამარხულიცათა შინა თქუენდა მიმართ,

⁵რომელნი-ეგე ძალითა ღმრთისაჲთა მოცვულ ხართ სარწმუნოებითა ცხორებასამას გამზადებულსა გამოჩინებად ჟამსა მას მარჯუესა.

⁶რომლითა გიხარის მცირედ აწ, უკუეთუ ჯერ-არს, რომელნი-ეგე შეწუხებულიყვენით მრავალფერთა ზედა განსაცდელთა,

⁷რაჲთა გამოცდილებაჲ ეგე სარწმუნოებისა თქუენისაჲ უპატიოსნეს ოქროჲსა მისწარწყმედადისა და ცეცხლისაგან გამოცდილისა იპოოს საქებელად, დიდებად და პატივადგამოჩინებასა იესუ ქრისტჱსსა,

⁸რომელი-იგი არა იცოდეთ და გიყუარს, რომელსა-იგი აწ არა ხედავთ და გრწამს.იხარებდით სიხარულითა გამოუთქუმელითა დიდებულითა.

⁹და მოიღოთ აღსასრულსა მას სარწმუნოებისა თქუენისასა ცხორებაჲ სულთაჲ,

¹⁰რომლისა ცხორებისათჳს გამოიძიეს და გამოიკულიეს წინაწარმეტყუელთა,რომელნი თქუენდა მადლსა მას წინაწარმეტყუელებდეს,

¹¹გამოეძიებდეს, ოდეს ანუ რომელსა ჟამსა ეუწყებოდა მათ შორის სული ქრისტჱსი, წინაჲსწარ წამებდა ქრისტჱსთა მათ ვნებათა და მისა შემდგომად დიდებათა.

¹²რომელთა-იგი გამოეცხადა, რამეთუ არა თავთა თჳსთა, არამედ თქუენგმსახურებდეს მას, რომელ-ესე აწ მიგეთხრა თქუენ მახარებელთა მათ თქუენთა მიერ სულითა წმიდითამოვლინებული ზეცით, რომლისათჳს გული უთქუამს ანგელოზთა ხილვად.

¹³ამისთჳს მოირტყენით წელნი გონებათა თქუენთანი, ფრთხილ იყვენით დასრულიად ესევდით მოწევნულსა მას მათსა მადლსა გამოცხადებასა იესუ ქრისტჱსსა.

¹⁴ვითარცა შვილნი მორჩილებისანი და ნუ თანა-ხატ-ექმნებით პირველთავე მათუმეცრებისა თქუენისა გულის თქუმასა,

¹⁵არამედ მწოდებელისაებრ თქუენისა წმიდისა და თქუენცა წმიდა იყვენითყოველსავე შინა სლვასა თქუენსა.

¹⁶რამეთუ წერილ არს: წმიდა იყვენით, რამეთუ მე წმიდა ვარ.

¹⁷და უკუეთუ მამით ხადით მას, რომელ-იგი თუალ-უხუავად მსაჯული არსთითოეულისა საქმესა, შიშით მწირობისა მაგის თქუენისა ჟამნი აღასრულენით.

¹⁸უწყოდეთ, რამეთუ არა განხრწნადითა ვეცხლითა გინა ოქროჲთა იჴსნენითთქუენ ამაოჲსა მისგან მამათა მოცემულისა სლვისა,

¹⁹არამედ პატიოსნითა სისხლითა, ვითარცა ტარიგისა უმანკოჲსა და უბიწოჲსაქრისტჱსითა,

²⁰რომელი წინაჲსწარ უწყებულ იყო უწინარჱს სოფლის დაბადებისა და გამოჩნდაუკუანაჲსკნელთა ჟამთა თქუენთჳს;

²¹რომელ-ეგე მის მიერ მორწმუნენი ხართ ღმრთისანი, რომელმან-იგი აღადგინამკუდრეთით და მისცა მას დიდებაჲ, რაჲთა თქუენი იგი სარწმუნოებაჲ და სასოებაჲ იყოს ღმრთისამიმართ.

²²სულნი თქუენნი განიწმიდენით მორჩილებითა ჭეშმარიტებისაჲთა, ძმათმოყუარებისათჳს შეუორგულებელ იყვენით გულითად, ურთიერთას იყუარობდით განმარტებულად.

²³რამეთუ მეორედ შობილ ხართ არა თესლისაგან განხრწნადისა, არამედუხრწნელისა სიტყჳთა ღმრთისაჲთა და საუკუნოჲთა.

²⁴რამეთუ ყოველი ჴორციელი თივაჲ არს და ყოველი დიდებაჲ მისი, ვითარცაყუავილი თივისაჲ: განჴმა თივაჲ და ყუავილი მისი დასცჳვა.

²⁵ხოლო სიტყუაჲ უფლისაჲ ჰგიეს უკუნისამდე. ესე იგი არს სიტყუაჲ, რომელიგეხარა თქუენ.