Read ადიშის ოთხთავი 897 წ. – ძველი მონუსკრიპტები 1 პეტრეს წერილი 3 Bible Online

1 პეტრეს წერილი 3 - ადიშის ოთხთავი 897 წ. – ძველი მონუსკრიპტები bible

1 პეტრეს წერილი 3

¹ეგრევე ცოლნი დაემორჩილენით თჳსთა ქმართა, დაღათუ ვიეთნიმე ურჩ არიანსიტყჳსა მის, დედათა სლვისაგან თჳნიერად სიტყჳსა შეეძინნენ,

²ხედვიდენ რაჲ იგინი შიშით წმიდასა მას სლვასა თქუენსა,

³რომელ-ესე არს არა გარეშჱთა მით განთხზვითა თმისაჲთა და ოქროჲსა შესხმითა,გინა შემოსითა სამოსლისა შემკობითა,

⁴არამედ დაფარულითა მით გულისა კაცისა უხრწნელითა მით სიმშჳდისაჲთა დაყუდროებისა სულითა, რომელ არს წინაშე ღმრთისა პატიოსან.

⁵ესრევე ოდესმე წმიდანიცა იგი დედანი, რომელნი ესვიდეს ღმერთსა, შეიმკობდესთავსა თჳსსა და დამორჩილებულ იყვნეს თჳსთა ქმართა,

⁶ვითარცა-იგი სარა ერჩდა აბრაჰამსა და უფლით ხადოდა მას, რომლისა-იგიიქმნენით შვილ კეთილის მოქმედ და არა გეშინოდის არცა ერთისა შიშისა.

⁷ქმარნი ეგრევე მსგავსად თანა-ეყვენით შენდობით, ვითარცა უუძლურესსა ჭურსადა დედათასა მისცემდით პატივსა, ვითარცა თანა-მკჳდრთა მადლისა მის ცხორებისათა,რაჲთა არა დააცადოთ ლოცვასა თქუენსა.

⁸ხოლო დასასრულად ყოველნი ერთ-ზრახვა იყვენით, მოწყალე*, ძმათ მოყუარე,მოწყალე, მდაბალ.

⁹ნუვინ ბოროტსა ბოროტისა წილ მიაგებთ, ნუცა გინებასა საგინებელისა წილ;წინააღმდგომსა მას აკურთხევდით, რამეთუ ამისთჳს იჩინენით, რაჲთა კურთხევაჲ დაიმკჳდროთ.

¹⁰რამეთუ რომელსა უნდეს სიყუარული ცხორებისაჲ და ხილვად დღენიცხორებისანი, დააცხრვენ ენაჲ თჳსი ბოროტისაგან და ბაგითა ნუ იტყუიედ ზაკვასა,

¹¹მოაქციენ ბოროტისაგან და ქმენინ კეთილი, მოიძიენ მშჳდობაჲ და მისდევდინმას.

¹²რამეთუ თუალნი უფლისანი მართალთა ზედა და ყურნი ლოცვასა მათსა ზედა, პირი უფლისაჲ მოქმედთა ზედა ბოროტისათა.

¹³და ვინ-მე არს ბოროტის მოფელ თქუენდა, უკუეთუ თქუენ კეთილის მობაძავიქმნნეთ?

¹⁴დაღათუ გევნებოდის სიმართლისათჳს, ნეტარ ხართ, შიშისა მათისაგან ნუგეშინინ, ნუცა შესძრწუნდებით.

¹⁵უფალი იესუ ქრისტჱ წმიდა ყავთ გულთა შინა თქუენთა, განმზადებულიყვენით მარადის სიტყჳს მიგებად ყოვლისა, რომელი ეძიებდეს სიტყუასა თქუენ შორის სასოებისამისთჳს, არამედ სიმშჳდით და შიშით.

¹⁶გონებაჲ გაქუნდინ კეთილი, რაჲთა, რომლითა-იგი ძჳრსა გეტყოდიან,ჰრცხუენოდის მათ, რომელნი-იგი გმძლავრობენ თქუენ კეთილითა მით ქრისტჱს მიერ სლვითა.

¹⁷უმჯობჱს არს, კეთილსა თუ იქმოდით და ეგრე ჯერ-უჩნდეს ნებასა ღმრთისასავნებაჲ თქუენი, ვიდრე-ღა ბოროტსა თუ იქმოდით.

¹⁸ხოლო ქრისტემანცა ერთ გზის ცოდვათა ჩუენთათჳს ივნო, მართალმანცრუთათჳს, რაჲთა ჩუენ წარგჳდგინნეს ღმერთსა, მოკუდა ჴორცითა და ცხონდა სულითა,

¹⁹რომლისაგან საპყრობილესა მას შინა სულთა მივიდა და ქადაგა,

²⁰რომელნი-იგი ურჩ ოდესმე იყუნეს, რაჟამს-იგი თავს-ედვა სულ-გრძელებასა ღმრთისასა დღეთა მათ ნოესთა, შემზადებასა კიდობნისასა, რომელსა შინა იყუნესმცირედნი, ესე იგი არს რვანი სულნი განერნეს წყლისაგან.

²¹რომლისა სახედ აწ თქუენცა გაცხოვნებს ნათლის-ღებაჲ, არა ჴორცთაგანგანშორებაჲ მწინკულისაჲ, არამედ გონებისა სათნო-ყოფაჲ ღმრთისაჲ აღდგომითა იესუ ქრისტჱსითა,

²²რომელი არს მარჯუენით ღმრთისა, რომელი ამაღლდა ზეცად. დაემორჩილნესმას ანგელოზნი და ჴელმწიფებანი და ძალნი.