Read ადიშის ოთხთავი 897 წ. – ძველი მონუსკრიპტები 2 პეტრეს წერილი 1 Bible Online

2 პეტრეს წერილი 1 - ადიშის ოთხთავი 897 წ. – ძველი მონუსკრიპტები bible

2 პეტრეს წერილი 1

¹სჳმეონ-პეტრე, მონაჲ და მოციქული იესუ ქრისტჱსი, რომელთა-ეგე სწორიპატივი ხუედრებულ არს თქუენდა სარწმუნოებაჲ სიმართლითა ღმრთისაჲთა და მაცხოვრისა იესუქრისტჱსითა.

²მადლი თქუენ თანა და მშჳდობაჲ განმრავლდინ მეცნიერებითა უფლისა ჩუენისაიესუ ქრისტჱსითა.

³რომელმან-იგი ყოველი თჳსითა ღმრთეებისა ძალი საცხორებელად და ღმრთისასამსახურებელად მოგუანიჭა ჩუენ მეცნიერებითა მისითა, რომელმან-იგი მიჩინნა ჩუენ თჳსსა მასდიდებასა და სათნოებასა.

⁴რომლისაგან დიდ-დიდნი და პატიოსანნი აღთქუმანი ჩუენ მოგუანიჭნა, რაჲთაამის გამო იყუნეთ საღმრთოჲსა მის ზიარ ბუნებისა, ევლტოდეთ სოფლისა ამის გულის თქუმისახრწნილებასა.

⁵და თქუენცა ესრევე ყოველი მოსწრაფებაჲ მოიპოვეთ და ყავთ სარწმუნოებასაშინა თქუენსა სათნოებაჲ, სათნოებასა შინა - მეცნიერებაჲ,

⁶მეცნიერებასა შინა - მარხვაჲ, მარხვასა შინა - მოთმინებაჲ, მოთმინებასა შინა -ღმრთის მსახურებაჲ,

⁷ღმრთის მსახურებასა შინა - ძმათ მოყუარებაჲ, ძმათ მოყუარებასა შინა -სიყუარული.

⁸ესე რაჟამს იყოს თქუენ შორის და გარდაგემატოს არა უქმად, არცა უნაყოფოდიპოვნეთ თქუენ უფლისა ჩუენისა იესუ ქრისტჱსსა მას გამოცნობასა.

⁹რომელსა კაცსა თანა ესე არა არს, იგი ბრმა არს, მწერსა აჩრდილად ხედავს,რამეთუ დაავიწყდეს განწმედანი იგი პირველთა მათ ცოდვათა მისთანი.

¹⁰ამისთჳს, ძმანო, უფროჲს-ღა ისწრაფეთ, რაჲთა კეთილთაგან საქმეთა მტკიცეჰყოთ ჩინებაჲ ეგე და რჩეულებაჲ თქუენი; ამას რაჲ იქმოდით, არასადა სცთეთ.

¹¹არამედ ესრეთ მდიდრად წარმოგემართოს თქუენ შესავალი იგი საუკუნესა მასსასუფეველსა ღმრთისა ჩუენისასა და მაცხოვრისა იესუ ქრისტჱსა.

¹²ამის გამო ვიზრუნოთ თქუენდა მოჴსენებად მარადის, დაღათუ იცით და მტკიცეხართ მოწევნულსა მას ზედა ჭეშმარიტებასა.

¹³სამართლად შემირაცხიეს, ვიდრე-ესე ვარ მე ამას სოფელსა, განღჳძებადთქუენდა მოჴსენებითა.

¹⁴უწყი, რამეთუ ადრე ყოფად არს დატევებაჲ საყოფლისა ამის ჩემისაჲ, ვითარცა-იგი უფალმან ჩუენმან იესუ ქრისტემან მაუწყა მე.

¹⁵და ვისწრაფო, რაჲთა კაცად-კაცადსა თქუენსა აქუნდეს შემდგომად განსლვისაჩემისა ამათი მოჴსენებისა ყოფაჲ.

¹⁶რამეთუ არა მეცნიერებისა ზღაპართ შეუდეგით და გაუწყე თქუენუფლისა ჩუენისა იესუ ქრისტჱსი ძალი და მოსლვაჲ, არამედ თჳთ ვხედევდით მისსა მას სიმდიდრესა.

¹⁷რამეთუ მოიღო ღმრთისაგან მამისა პატივი და დიდებაჲ, ჴმაჲ, რომელი მოიწიაამისა ესევითარისაგან დიდად შუენიერისა დიდებისა: ესე არს ძჱ ჩემი საყუარელი, რომელი მე სათნო-ვიყავ.

¹⁸და ესე ჴმაჲ ჩუენ გუესმა ზეცით მოსრული, მის თანა რაჲ ვიყვენით მთასა მასწმიდასა.

¹⁹და მაქუს წუენ უმტკიცჱსი საწინაწარმეტყუელოჲ სიტყუაჲ; რომელ კეთილადჰყოთ, ეკრძალენით თუ ვითარცა სანთელსა აღნთებულსა წყუდიადსა ადგილსა, ვიდრე დღჱგანათლდეს და მთიები გამობრწყინდეს გულთა თქუენთა.

²⁰ესემცა პირველად უწყით, რამეთუ ყოველი წინაწარმეტყუელებაჲ წიგნისაჲთჳსისა თავისა სათარგმანებელ არა არნ.

²¹რამეთუ არა ნებითა კაცისაჲთა მო-სადამე-იწიაწინაწარმეტყუელებაჲ, არამედ სულისა მიერ წმიდისა წუევითა იტყოდეს წმიდანი ღმრთისა კაცნი.