Read ადიშის ოთხთავი 897 წ. – ძველი მონუსკრიპტები 2 პეტრეს წერილი 3 Bible Online

2 პეტრეს წერილი 3 - ადიშის ოთხთავი 897 წ. – ძველი მონუსკრიპტები bible

2 პეტრეს წერილი 3

¹ესე, საყუარელნო, მეორედ მივწერ თქუენდა წიგნსა, რომლითა განგაღჳძებ თქუენმოჴსენებითა ამით უმჯობჱსსა გონებასა,

²რაჲთა მოგეჴსენნენ პირველ თქუმულნი იგი სიტყუანი წმიდათაწინაწარმეტყუელთანი და მოციქულთა მათ თქუენთა მცნებანი უფლისა და მაცხოვრისანი.

³ესემცა პირველად უწყით, რამეთუ მოიწივნენ უკუანაჲსკნელთა დღეთასიკიცხევით მეკიცხეველნი, გულის თქუმისაებრ თჳსისა მავალნი

⁴და იტყოდიან, სადა არს აღთქუმაჲ იგი მოსლვისა მისისაჲ? ვინაჲთგან მამათადაისუენეს, ყოველივე ესრჱთ ჰგიეს დასაბამითგან დაბადებისაჲთ.

⁵რამეთუ დაავიწყდა მათ ესე ნეფსით, ვითარმედ ცანი იყუნეს მაშინ და ქუეყანაჲ წყალთაგან და წყალთა მიერ შეიქმნა სიტყჳთა ღმრთისაჲთა.

⁶რომლისაგან მაშინდელი იგი სოფელი წყლით რღუნითა წარწყმიდა.

⁷ხოლო აწ ცანი და ქუეყანაჲ მითვე სიტყჳთა დაუნჯებულ არიან და დამარხულდღედ საშჯელისა და წარწყმედისა უღმრთოთა კაცთაჲსა.

⁸ერთიმცა ესე ნუ დაგავიწყდების, საყუარელნო, რამეთუ ერთი დღჱ უფლისა მიერვითარცა ათასი წელი და ათასი წელი ვითარცა ერთი დღჱ.

⁹არა ყოვნოს უფალმან აღთქუმაჲ იგი, არამედ სულ-გრძელ არს თქუენდა, არავისიჰნებავს წარწყმედაჲ, არამედ ყოველთა სინანულად მოსლვაჲ.

¹⁰ხოლო მოიწიოს დღჱ იგი უფლისაჲ, ვითარცა მპარავი, რომელსა შინა ცანიმძაფრიად წარჴდენ და წესნი იგი დაიწუნენ და დაზულენ და ქუეყანაჲ და მას შინა საქმენი დაიწუნენ.

¹¹რაჟამს ესრეთ ესე ყოველნი დაზულებოდიან, რაბამ გიღირს თქუენ ყოფაჲწმიდითა სლვითა და კეთილითა მსახურებითა.

¹²მოელოდეთ და ისწრაფდით მოსლვასა მას დღისა ღმრთისასა, რომელსა შინაცანი მჴურვალენი დაირღუნენ და წესნი დაიწუნენ და დადნენ.

¹³ახალთა ცათა და ახალსა ქუეყანასა მსგავსად აღთქუმისა მისისა მოველით,რომელსა შინა სიმართლჱ დამკჳდრებულ არს.

¹⁴ამისთჳს, საყუარელნო, ამას მოელოდეთ, და ისწრაფეთ შეუგინებელად დაუბიწოდ მისა, რაჲთა იპოვნეთ მშჳდობით.

¹⁵და უფლისა იგი სულ-გრძელებაჲ ცხორებად შეჰრაცხეთ, ვითარცა-იგისაყუარელმან ძმამან ჩუენმან პავლე, მსგავსად მოცემულისა მის მისისა სიბრძნისა მიწერათქუენდა.

¹⁶ვითარცა-იგი ყოველთა შინა წიგნთა მისთა იტყჳს ამისთჳს, რომელ-იგი არიანძნიად საცნაურ რაჲმე, რომელსა-იგი უსწავლელნი და დაუმტკიცებელნი გარდააქცევენ, ვითარცასხუათა წიგნთა მსგავსად მათისავე მის წარწყმედისა.

¹⁷ხოლო თქუენ, ძმანო, ესე წინაჲსწარ უწყით, ეკრძალენით, რაჲთა არა უჯეროსამას საცთურსა ერჩდეთ და განსცჳვეთ სიმტკიცისაგან თჳსისა.

¹⁸აღორძნდებოდეთ მადლითა და მეცნიერებითა უფლისა ჩუენისა და მაცხოვრისაიესუ ქრისტჱსითა. მისა დიდებაჲ აწ და მარადის და დღეთა მათ საუკუნეთა. ა~ნ.