Read ადიშის ოთხთავი 897 წ. – ძველი მონუსკრიპტები 1 იოანე 1 Bible Online

1 იოანე 1 - ადიშის ოთხთავი 897 წ. – ძველი მონუსკრიპტები bible

1 იოანე 1

¹რომელი იყო პირველითგან, რომელი გუესმა და ვიხილეთთუალითა ჩუენითა, რომელი-იგი ვიხილეთ და ჴელნი ჩუენნი მსახურებდეს სიტყუასა მასცხორებისასა.

²და ცხორებაჲ იგი გამოცხადნა და რომელი-იგი ვიხილეთ, ვწამებთ და გითხრობთთქუენ ცხორებასა მას საუკუნესა, რომელი იყო მამისა თანა და გამოგჳჩნდა ჩუენ;

³რომელი ვიხილეთ, ვწამებთ და გითხრობთ თქუენ, რაჲთა თქუენცა ზიარებაჲგაქუნდეს ჩუენ თანა და ზიარებაჲ იგი ჩუენი მამისა თანა და ძისა მისისა თანა იესუ ქრისტჱსა.

⁴და ამას მივწერ თქუენდა რაჲთა სიხარული იგი ჩემი იყოს სავსე.

⁵და ესე არს აღთქუმაჲ, რომელი გუესმა მისგან და გითხრობთ თქუენ, რამეთუღმერთი ნათელ არს, და ბნელი მის თანა არა არს არცა ერთ.

⁶უკუეთუ ვთქუათ, ვითარმედ ზიარებაჲ მაქუს მის თანა და ჩუენბნელსა შინა ვიდოდით, ვტყუვით და არა ვყოფთ ჭეშმარიტებასა.

⁷უკუეთუ ნათელსა შინა ვიდოდით, ვითარცა-იგი ნათელსა შინა არს, ზიარებაჲმაქუს ურთიერთას. და სისხლი იგი იესუჲსი, ძისა მისისაჲ განმწმედს ჩუენ ყოვლისაგან ცოდვისა.

⁸უკუეთუ ვთქუათ, ვითარმედ ცოდვაჲ არა გჳქმნიეს, თავთა თჳსთა ვაცთუნებთ დაჭეშმარიტებაჲ ჩუენ თანა არა არს.

⁹უკუეთუ აღვიარნეთ ცოდვანი ჩუენნი, სარწმუნო არს და მართალ, რაჲთამოგჳტევნეს ჩუენ ცოდვანი ჩუენნი და განმწმიდნეს ჩუენ ყოვლისაგან სიცრუვისა.

¹⁰უკუეთუ ვთქუათ, ვითარმედ არარაჲ ვცოდეთ, უტყუვით მას და სიტყუაჲ მისი არა არს ჩუენ შორის.