Read ადიშის ოთხთავი 897 წ. – ძველი მონუსკრიპტები 1 იოანე 2 Bible Online

1 იოანე 2 - ადიშის ოთხთავი 897 წ. – ძველი მონუსკრიპტები bible

1 იოანე 2

¹შვილნო ჩემნო, ამას მივსწერ თქუენდა, რაჲთა არა სცოდოთ. და უკუეთუ ვინმეცოდოს, ნუგეშინის-მცემელი გჳვის მამისა მიმართ იესუ ქრისტე მართლ.

²და იგი არს მომტევებელ ცოდვათა ჩუენთა, არა ხოლო ცოდვათა ჩუენთა, არამედყოვლისა სოფლისა.

³და ამით ვცნათ, რამეთუ ვიცით იგი, უკუეთუ მცნებათა მისთა ვიმარხვიდეთ.

⁴რომელმან თქუას, ვითარმედ ვიცან იგი და მცნებათა მისთა არა იმარხვიდეს, იგიმტყუარი არს და ჭეშმარიტებაჲ არა არს მის თანა.

⁵ხოლო რომელმან დაიმარხნეს სიტყუანი მისნი, ჭეშმარიტად მის თანასიყუარული ღმრთისაჲ აღსრულებულ არს. ამით უწყოდით, რამეთუ მის თანა ვართ.

⁶რომელმან თქუას მის თანა ყოფაჲ, ჯერ-არს მისა, ვითარცა-იგი თავადი ვიდოდა,ეგრჱცა მისა სლვაჲ.

⁷საყუარელნო, არა მცნებასა ახალსა მივსწერ თქუენდა, არამედმცნებასა პირველსა, რომელ გაქუნდა დასაბამითგან. მცნებაჲ იგი პირველი არს სიტყუაჲ იგი, რომელიგასმიეს.

⁸და კუალად მცნებასა ახალსა მივსწერ თქუენდა, რომელი არს ჭეშმარიტ მისწინაშე და თქუენ შორის, რამეთუ ბნელი წარვალს და ნათელი იგი ჭეშმარიტი აწვე ჩანს.

⁹რომელმან თქუას ნათელსა შინა ყოფაჲ და ძმაჲ თჳსი სძულდეს, ბნელსა შინა არსვიდრე აქამომდე.

¹⁰რომელსა უყუარდეს ძმაჲ თჳსი, ნათელსა შინა არს და საცთური მის თანა არაარს.

¹¹ხოლო რომელსა სძულდეს ძმაჲ თჳსი, ბნელსა შინა არს და ბნელსა ვალს და არაიცის, ვიდრე ვალს, რამეთუ ბნელმან დაუბრმნა მას თუალნი.

¹²მივსწერ თქუენდა, შვილნო, მიგეტევებიან თქუენ ცოდვანი თქუენნი სახელითამისითა.

¹³მივწერ თქუენდა, მამანო, რამეთუ იცანთ პირველი იგი.

¹⁴მივწერ თქუენდა, ჭაბუკნო, რიმეთუ ძლიერ ხართ და სიტყუაჲ ღმრთისაჲ თქუენთანა დადგრომილ არს და გიძლევიეს ბოროტსა.

¹⁵ნუ გიყუარს სოფელი ესე და ნუცა-ღა რაჲ არს სოფლისაჲ მის. უკუეთუ ვისუყუარდეს სოფელი ესე, არა არს სიყუარული ღმრთისაჲ მის თანა.

¹⁶რამეთუ ყოველივე სოფელსა შინა ესე არს გულის თქუმაჲ ჴორცთაჲ და გულისთქუმაჲ თუალთაჲ და სილაღჱ ამის ცხორებისაჲ; არა არს ესე მამისაგან, არამედ სოფლისაგანი არს.

¹⁷და სოფელი ესე წარჴდეს და ყოველი გულის თქუმაჲ მისი, ხოლო რომელმან ყოსნებაჲ ღმრთისაჲ, იგი ეგოს უკუნისამდე.

¹⁸ყრმანო, უკუანაჲსკნელი ჟამი არს და ვითარცა-იგი გასმია, ვითარმედანტექრისტე მომავალ არს და აწცა ანტექრისტენი მრავალნი არიან, რომლითა უწყით, ვითარმედუკუანაჲსკნელი ჟამი არს.

¹⁹ჩუენგან განვიდეს, არამედ არა იყუნეს ჩუენგანნი; უკუეთუმცა იყუნესჩუენგანნი, და-მცა-დგრომილ იყუნეს ჩუენ თანა, არამედ რაჲთა ცხად იყუნენ, რამეთუ არა არიანყოველნი ჩუენგანნი.

²⁰და თქუენ ცნებულებაჲ გაქუს წმიდისაგან და იცით ყოველი.

²¹არა ეგრე მივწერე თქუენდა, ვითარმედ იცით ჭეშმარიტებაჲ, არამედ იცით იგიდა რამეთუ ყოველი ტყუვილი ჭეშმარიტებისაგან არა არს.

²²ვინ-მე არს მტყუარი იგი? ანუ არა იგი, რომელმან უვარ-ყოს, ვითარმედ იესუ არაარს ქრისტე? ესე არს ანტექრისტე; რომელმან უვარ-ყოს მამაჲ, მან ძჱცა უვარ-ყოს.

²³ყოველმან რომელმან უვარ-ყოს ძჱ, მის თანა არცა მამაჲ არს; რომელმან აღიაროსძჱ, მამაჲ არცა მის თანა არს.

²⁴თქუენ რომელ-იგი გესმა პირველითგან, თქუენ თანა ეგენ. უკუეთუ თქუენ თანაეგოს, რომელი-იგი პირველითგან გესმა, თქუენცა მამისა თანა და ძისა თანა ეგნეთ.

²⁵და ესე არს აღთქუმაჲ, რომელ-იგი მან აღმითქუა ჩუენ ცხორებაჲ საუკუნჱ.

²⁶ესე მივწერე თქუენდა მაცთუნებელთა მათ თქუენთათჳს.

²⁷და თქუენ ცხორებაჲ იგი რომელი მიიღეთ მისგან, ჰგიეს თქუენ თანა და არაგიჴმს, ვითარმცა ვინ გასწავა თქუენ, არამედ მანვე ცხორებამან გასწაოს თქუენ ყოვლისათჳს. ჭეშმარიტარს და არა არს ტყუვილ და ვითარცა-იგი გასწავა თქუენ, ეგენით მას ზედა.

²⁸აწ, შვილნო, ეგენით მას ზედა, რაჲთა, რაჟამს გამოჩნდეს, მაქუნდესგანცხადებულებაჲ და არა მრცხუენეს მისგან მოსლვასა მას მისსა.

²⁹უკუეთუ იხილეთ, ვითარმედ მართალ არს, უწყოდეთ, რამეთუ ყოველმანვერომელმან ყოს სიმართლჱ, მისგან შობილ არს.