Read ადიშის ოთხთავი 897 წ. – ძველი მონუსკრიპტები 1 იოანე 5 Bible Online

1 იოანე 5 - ადიშის ოთხთავი 897 წ. – ძველი მონუსკრიპტები bible

1 იოანე 5

¹ყოველსა რომელსა ჰრწმენეს, რამეთუ იესუ არს ქრისტე, იგი ღმრთისაგან შობილარს და ყოველსა რომელსა უყუარდეს მშობელი იგი, უყუარდეს შობილი იგიცა მისგან.

²ამით უწყოდით, რამეთუ გჳყუარან შვილნი ღმრთისანი, რაჟამს ღმერთიგჳყუარდეს და მცნებათა მისთა ვყოფდეთ.

³რამეთუ ესე არს სიყუარული ღმრთისაჲ, რაჲთა მცნებათა მისთა ვიმარხვიდეთ დამცნებანი მისნი მძიმე არა არიან.

⁴რამეთუ ყოველი რომელი შობილ იყოს ღმრთისაგან, სძლევს სოფელსა და ესე არსძლევაჲ, რომელი სძლევს სოფელსა სარწმუნოებაჲ ჩუენი.

⁵. . . რამეთუ იესუ არს ძჱ ღმრთისაჲ.

⁶რამეთუ ესე არს, რომელი მოვიდა წყლითა და სისხლითა; და სული არს მოწამე,რამეთუ სული არს ჭეშმარიტებაჲ.

⁸რამეთუ სამნი არიან, რომელნი წამებენ: სული, სისხლი და წყალი, და სამნივე ესეერთისა მიმართ არიან.

⁹უკუეთუ კაცთაჲ წამებაჲ მოვიღით, წამებაჲ ღმრთისაჲ უფროჲს არს,რამეთუ ესე არს წამებაჲ ღმრთისაჲ, რამეთუ წამა ძისა მისისათჳს.

¹⁰რომელსა ჰრწმენეს ძჱ ღმრთისაჲ, აქუნდეს წამებაჲ იგი ღმრთისაჲ თავისა თჳსისათანა; რომელსა არა ჰრწმენეს ძჱ, მტყუვრად გამოაჩინა იგი, რამეთუ არა ჰრწმენა წამებაჲ იგი, რომელწამა ღმერთმან ძისა თჳსისათჳს.

¹¹და ესე არს წამებაჲ, რამეთუ ცხორებაჲ საუკუნოჲ მომცა ჩუენ ღმერთმან და ესეარს ცხორებაჲ ძისა მისისა თანა .

¹²რომელსა აქუნდეს ძჱ, აქუნდეს მას ცხორებაჲცა. რომელსა არა აქუნდეს ძჱღმრთისაჲ, მას ცხორებაჲ არა აქუს.

¹³ესე მივწერე თქუენდა, რაჲთა უწყოდით, რამეთუ გაქუს ცხორებაჲ საუკუნოჲ,რომელთა ჰრწამს სახელი ძისა მისისაჲ.

¹⁴და ესე არს განცხადებულებაჲ, რომელ მაქუს მისა მიმართ, რამეთუ რომელი-იგივითხოოთ ნებისა მისისაებრ, ისმინოს ჩუენი.

¹⁵და უკუეთუ ვიცით, რამეთუ ისმინოს ჩუენი, რომელ-იგი ვითხოოთ, ვიცით, ვითარმედ მაქუს თხოვაჲ იგი, რომელ ვითხოვეთ მისგან.

¹⁶უკუეთუ ვინმე იხილოს ძმაჲ თჳსი, რომელი ცოდვიდეს ცოდვასა არასასიკუდინესა, ითხოოს და მოსცეს მას ცხორებაჲ; რომელნი-იგი ცოდვენ არა სასიკუდინედ, არს ცოდვაჲსასიკუდინოჲ, არა მისთჳს ვიტყჳ, რაჲთა ითხოოს.

¹⁷ყოველივე სიცრუვე ცოდვა არს და არს ცოდვაჲ სასიკუდინჱ.

¹⁸ვიცით, რამეთუ ყოველი რომელი შობილ იყოს ღმრთისაგან, დაიმარხის თავითჳსი და ბოროტი არა შეეხოს მას.

¹⁹ვიცით, რამეთუ ღმრთისაგან ვართ და ყოველი სოფელი ბოროტსა ზედა დგას.

²⁰და ვიცით, რამეთუ ძჱ ღმრთისაჲ მომავალ არს და მომცა ჩუენ გონებაჲ, რაჲთავიცოდით ჩუენ ჭეშმარიტი ღმერთი და ვართ ჩუენ ჭეშმარიტისა თანა ძისა მისისა. ესე არს ჭეშმარიტიღმერთი და ცხორებაჲ საუკუნოჲ.

²¹შვილნო, დაიცვენით თავნი თჳსნი კერპთაგან.