Read ადიშის ოთხთავი 897 წ. – ძველი მონუსკრიპტები 2 იოანე 1 Bible Online

2 იოანე 1 - ადიშის ოთხთავი 897 წ. – ძველი მონუსკრიპტები bible

2 იოანე 1

¹მოხუცებული რჩეულსა დედუფალსა და შვილთა მისთა, რომელნი მე მიყუარანჭეშმარიტებით. არა ხოლო მე, არამედ ყოველთა უცნობიეს ჭეშმარიტებაჲ

²ჭეშმარიტებითა მით, რომელი დამკჳდრებულ არს ჩუენ შორის და ჩუენ თანაიყოს უკუნისამდე.

³იყოს ჩუენ თანა მადლი, მშჳდობაჲ, წყალობაჲ ღმრთისა მიერ მამისა ქრისტეიესუჲს მიერ ძისა მამისაჲსა ჭეშმარიტებითა და სიყუარულით.

⁴განვიხარე ფრიად, რამეთუ ვპოვე შვილთაგან შენთა, რომელნი ვლენანჭეშმარიტებით, ვითარცა-იგი მცნებაჲ მოვიღეთ მამისაგან.

⁵და აწ გიკითხავ შენ, დედუფალო, არა ვითარცა მცნებასა ახალსა მივსწერ შენდა,არამედ რომელი მაქუნდა დასაბამითგან, რაჲთა იყუარობდეთ ურთიერთას.

⁶და ესე არს სიყუარული, რაჲთა ვიდოდით მცნებათაებრ მისთა და ესე არსმცნებაჲ, რაჲთა, ვითარცა-იგი გესმა დასაბამითგან, მას შინა ხუიდოდით.

⁷რამეთუ მრავალნი მაცთურნი შემოვიდეს სოფლად, რომელნი არა აღიარებენიესუ ქრისტესა ჴორცითა მოსრულსა, ესე არს მაცთური და ანტექრისტჱ.

⁸ეკრძალენით თავთა თქუენთა, რაჲთა არა წარიწყმიდოთ, რაჲ-იგი ჰქმენით,არამედ სასყიდელი სავსებით მოიღოთ.

⁹ყოველივე წინამძღუარი, რომელი არა ეგოს მოძღურებასა ზედა ქრისტჱსსა, მისთანა ღმერთი არა არს, ხოლო რომელი ეგოს მოძღურებასა ზედა ქრისტჱსსა, მის თანა ძჱცა და მამაჲცაარს.

¹⁰რომელი მოვიდოდის თქუენდა, ესე მოძღურებაჲ არა მოაქუნდეს, ნუშეიწყნარებთ მას სახიდ და ნუცა მოიკითხავთ მას.

¹¹რომელმან მოიკითხოს, იგი ეზიარა საქმეთა მისთა ბოროტთა.

¹²მრავალი მეგულვა მიწერად თქუენდა, არამედ არა ვინებე ქარტითა და მელნითა,ხოლო ვესავ მოსლვად თქუენდა და პირისპირ სიტყუად, რაჲთა სიხარული იგი ჩუენი იყოს სავსებით.

¹³გიკითხვენ შვილნი დისა შენისა რჩეულისანი.