Read ადიშის ოთხთავი 897 წ. – ძველი მონუსკრიპტები 3 იოანე 1 Bible Online

3 იოანე 1 - ადიშის ოთხთავი 897 წ. – ძველი მონუსკრიპტები bible

3 იოანე 1

¹მოხუცებული გაიოსს საყუარელსა, რომელი მიყუარს ჭეშმარიტებით.

²საყუარელო, ყოვლისათჳს გლოცავ შენ წარმართებად, ვითარცა-ეგეწარმოუმართებია სულსა შენსა.

³რამეთუ განვიხარე ფრიად მომავალთაგან ძმათა, რომელნი წამებდესჭეშმარიტებისა შენისათჳს, ვითარ-იგი შენ ჭეშმარიტებით ხუალ.

⁴სხუა სიხარულ უფროჲს ამისსა არა მაქუს, რაჲთა მესმოდის შვილთა ჩემთაჭეშმარიტებით სლვაჲ.

⁵საყუარელო, სარწმუნოდ ზამ, რომელ-ეგე იქმ ძმათა მიმართ და ესე უცხოთა.

⁶რომელთა წამეს სიყუარულისა შენისათჳს წინაშე ეკლესიაჲსა, რომელთაკეთილსა უყოფ და წარმოჰგზავნი ღირსად ღმრთისა.

⁷რამეთუ ქრისტჱს სახელისათჳს გამოვიდეს და არაჲ გამოიღეს წარმართთაგან.

⁸რამეთუ ჩუენდა ჯერ-არს შეწყნარებაჲ ეგევითართაჲ მათ, რაჲთა შემწე ვეყვნეთჭეშმარიტებასა.

⁹მივწერე ეკლესიაჲსა, მთავრობის მოყუარჱ იგი მათი დიოტრეფე არაშემიწყნარებს ჩუენ.

¹⁰ამისთჳს უკუეთუ მოვიდე, მოვაჴსენნე მას საქმენი მისნი, რომელთა იქმსსიტყჳთა ბოროტითა, გუგმობს ჩუენ და ვერ კმა-ეყოფის ესე, არამედ არცა იგი შეიწყნარებს ძმათა,რომელთა ჰნებავს შეწყნარების, მათ აყენებს და კრებულისაგან განასხამს.

¹¹საყუარელო, ნუ ჰბაძავ ბოროტსა მას, არამედ კეთილსა, რამეთუ კეთილისმოქმედი იგი ღმრთისაგან არს, ხოლო ბოროტის მოქმედსა მას არა უხილავს ღმერთი.

¹²დემეტრი წამებულ არს ყოველთაგან და თჳთ მის ჭეშმარიტებისაგან და ჩუენცავწამებთ და იცით, რამეთუ წამებაჲ ჩუენი ჭეშმარიტი არს.

¹³მრავალი მინდა მიწერად შენდა, არამედ არა მნებავს მელანითა დალერწმითა მიწერად შენდა.

¹⁴ვესავ ადრე ხილვასა შენსა და პირისპირ ვიტყოდით. მშჳდობაჲ შენდა! გიკითხვენ შენ მეგობარნი. კითხვაჲ არქუ მეგობართა ჩუენთასახელით.