Read ადიშის ოთხთავი 897 წ. – ძველი მონუსკრიპტები იუდა 1 Bible Online

იუდა 1 - ადიშის ოთხთავი 897 წ. – ძველი მონუსკრიპტები bible

იუდა 1

¹იუდა, იესუ ქრისტჱსი მონაჲ, ძმაჲ იაკობისი, თქუენ, ღმრთისა მიერ მამისაშეყუარებულთა და ქრისტე იესუს მიერ დამარხულთა,

²წყალობაჲ თქუენ თანა და მშჳდობაჲ და სიყუარული განმრავლდინ!

³საყუარელნო, ყოველივე სწრაფაჲ ვყავ მიწერად თქუენდა ზოგადისა მისცხორებისა ჩუენისათჳს. ჯერ-მიჩნდა მიწერად თქუენდა. გლოცავ, იღუწიდით მას ზედა, რომელი-იგიერთვე მიეცა წმიდათა სარწმუნოებაჲ.

⁴რამეთუ შემო-ვინმე-ვიდის კაცნი, რომელნი მაშინვე პირველ წერილ იყუნეს ამასსაშჯელსა, უღმრთონი, რომელნი მადლსა ღმრთისა ჩუენისასა გარდააქცევენ არაწმიდებად და მხოლოსამფლობელსა და უფალსა ჩუენსა იესუ ქრისტესა უვარ-ჰყოფენ.

⁵მოჴსენებაჲ თქუენი მნებავს, დაღათუ იცით ყოველი, რამეთუ ღმერთმან ერთგზის ეგჳპტით ერი იგი იჴსნა, ხოლო მეორედ ურჩნი იგი წარწყმიდნა.

⁶ანგელოზნი რომელთა არა დაიმარხეს თჳსი იგი სამთავროჲ, არამედ დაუტევესსამკჳდრებელი მათი, საშჯელად დიდისა დღისა საკრველებითა მით სამარადისოჲთა წყუდიადსაქუეშე დაჰმარხნა,

⁷ვითარცა სოდომაჲ და გომორაჲ და გარემოჲს მათსა ქალაქები იგი; ეგრევე სახედმათსა ისიძვიდეს და მიდევნებულ იყუნეს შედგომად ჴორცსა უცხოსა, წინა სხენან სახედ ცეცხლისასაუკუნისა, საშჯელი მიუღებიეს.

⁸ეგრევე მსგავსად ესენი საჩუენებელსა იხილვენ, ჴორცთა შეაბილწებენ, უფლებასაშეურაცხ-ჰყოფენ და დიდებასა ჰგმობენ.

⁹ოდეს-იგი მიქაელ მთავარანგელოზი ეშმაკსა მას ეშჯოდა, ეტყოდა მოსესჴორცთათჳს, ვერ იკადრა საშჯელი გმობისაჲ მოწევნად მის ზედა, არამედ ჰრქუა: შეგრისხენ შენუფალმან.

¹⁰ხოლო ესენი, რომელ-იგი არა იციან გონებით, ვითარცა პირუტყუთასაცხოვართა, მათ შინა განიხრწნებიან.

¹¹ვაჲ მათა, რამეთუ გზასა მას კაენისსა ვლენან და საცთურსა მას ბალაამისსასყიდელსა აერივნეს და ცილობითა მით კორჱსითა წარწყმდეს.

¹²ესენი არიან, რომელნი სიყუარულთა მათ თქუენთა შებილწებულნი თანა-შეგცხრებიან და უშიშად თავთა თჳსთა მწყსიან. ღრუბელნი ურწყულნი ქარისაგან მიმოტაცებულნი,ხენი ზამთრისანი უნაყოფონი ორ გზის მომწყდარნი ძირით მოფხურილნი,

¹³ღელვანი განძჳნებულისა ზღჳსანი, რომელნი პერადაღმოაფქურევენ თავისა თჳსისა სირცხჳლსა, ვარსკულავნი ცთომილნი, რომელთათჳს წყუდიადი იგიბნელი საუკუნოდ დამარხულ არს.

¹⁴წინაწარმეტყუელა მათთჳს მეშჳდემან ადამისითგან ენუქ და თქუა: აჰა ესერა,მოვიდა უფალი ბევრეულითა წმიდითა ანგელოზითა მისითა

¹⁵ყოფად საშჯელისა ყოველთათჳს და მხილებად ყოველთა უღმრთოთაყოველთათჳს საქმეთა უღმრთოებისა მათისათა, რომლითა შესცოდეს, ყოველთათჳს ფიცხელთასიტყუათა, რომელთა იტყოდეს მისთჳს ცოდვილნი უღმრთონი.

¹⁶ესენი არიან მდრტჳნველნი, მაბრალობელნი, გულის თქუმასა თავისა მათისამავალნი და პირი მათი იტყჳს გარდარეულსა და თუალნი აღებენ წინაშე პირთა სარგებელისამიზეზითა.

¹⁷ხოლო თქუენ, საყუარელნო, მოიჴსენენით სიტყუანი იგიწინაჲსწარ თქუმულნი მოციქულთა მიერ უფლისა ჩუენისა იესუ ქრისტჱსთაჲ.

¹⁸რამეთუ გეტყოდეს თქუენ, ვითარმედ უკუანაჲსკნელთა ჟამთა მო-ვინმე-ვიდენმეკიცხეველნი მსგავსად გულის თქუმისა თჳსისა მავალნი უღმრთოებისასა

¹⁹ესენი არიან, რომელნი გამოიშორიბენ თავთა თჳსთა, მშუმინვიერნი, რომელთასულ არა აქუს.

²⁰ხოლო თქუენ, საყუარელნო, აღაშჱნებდით თავთა თქუენთა წმიდითა მაგითსარწმუნოებითა თქუენითა და სულითა წმიდითა ილოცივდით.

²¹თავნი თჳსნი სიყუარულითა ღმრთისაჲთა დაიმარხენით და მოელოდეთწყალობასა უფლისა ჩუენისა იესუ ქრისტჱსსა ცხორებად საუკუნოდ.

²²და რომელთამე სწყალობდით შეორგულებულთა.

²³რომელთამე იჴსნიდით და ვითარცა ცეცხლისაგან გამოიტაცებდით, რომელნიმეგეწყალოდენ შიშით. გძულდინ ჴორცთაგან შეგინებულიცა იგი სამოსელი.

²⁴ხოლო რომელი-იგი შემძლებელ არს დამარხვად თქუენდა შეუცოდებელად დადადგინებად წინაშე დიდებისა მისისა უბიწონი სიხარულით.

²⁵მხოლოსა ღმერთსა მაცხოვარსა ჩუენსა ქრისტე იესუჲს მიერ უფლისა ჩუენისა,დიდებაჲ და სიმდიდრჱ, სიმტკიცჱ და ჴელმწიფებაჲ უწინარეს ყოველთა საუკუნეთა და აწ დაყოველთა მიმართ ჟამთა უკუნითი უკუნისამდე. ა~ნ.