Read ქართული ბიბლია, სრული ვერსია 2 Samuel 9 Bible Online

2 Samuel 9 - ქართული ბიბლია, სრული ვერსია bible

2 Samuel 9

¹და ფიქრობდა დავითი: „ნუთუ აღარავინ დარჩა საულის სახლიდან, რომ წყალობა მივაგო იონათანის გამო?“

²და ჰყავდა საულის სახლს მსახური, სახელად ციბა; და მოიხმეს იგი დავითთან და უთხრა მეფემ: „შენა ხარ ციბა?“ და მან თქვა: „გახლავარ, შენი მსახური!“

³ჰკითხა მეფემ: „აღარავინ დარჩა საულის სახლიდან, რომ ღვთის წყალობა მივაგო?“ და მიუგო ციბამ მეფეს: „კიდევ ჰყავს ერთი კოჭლი ძე იონათანს.“

⁴და ჰკითხა მას მეფემ: „სად არის?“ და მიუგო ციბამ: „მაქირის, ყამიელის ძის სახლშია, ლო-დებარში.“

⁵და გაგზავნა დავით მეფემ და მოაყვანინა იგი მაქირის, ყამიელის ძის სახლიდან, ლო-დებარიდან.

⁶და მოვიდა მეფიბოშეთი, ძე იონათანისა, საულის ძისა, დავითთან, და პირქვე დაემხო მის წინაშე, და თაყვანი სცა. უთხრა დავითმა: „მეფიბოშეთ!“ მიუგო მან: „გახლავარ, შენი მსახური!“

⁷და უთხრა დავითმა: „ნუ გეშინია, წყალობას მოგაგებ მამაშენის, იონათანის გამო; დაგიბრუნებ პაპაშენის, საულის, მთელ მიწებს და მუდამ ჩემს სუფრაზე შეჭამ პურს.“

⁸და თაყვანი სცა და უთხრა: „ვინა ვარ მე, შენი მსახური, რომ ყურადღების ღირსი გახადე ერთი ჩემნაირი მკვდარი ძაღლი?“

⁹მოუხმო მეფემ ციბას, საულის მსახურს, და უთხრა: „საულისა და მთელი მისი სახლის სარჩო-საბადებელი შენი ბატონისთვის მიმიცია.

¹⁰მაშ, დაუმუშავეთ მას თავისი მიწები შენ, შენმა შვილებმა და შენმა მსახურებმა, და მიართვით მისი ნაყოფი, რომ ჰქონდეს შენი ბატონის ძეს თავისი ლუკმა. თუმცაღა, ამისდა მიუხედავად, მეფიბოშეთი, შენი ბატონის ძე, მუდამ ჩემი პურისმტე იქნება ჩემს სუფრაზე.“ 15 ძე და 20 მსახური ჰყავდა ციბას.

¹¹და უთხრა ციბამ მეფეს: „ყველაფერს, რასაც ჩემი მეფე-ბატონი უბრძანებს თავის მსახურს, შეასრულებს შენი მსახური!“ და ჭამდა მეფიბოშეთი პურს დავითის სუფრაზე, როგორც ერთი უფლისწულთაგანი.

¹²პატარა ბავშვი ჰყავდა მეფიბოშეთს, სახელად მიქა. ყველა, ვინც კი ციბას სახლში ცხოვრობდა, მეფიბოშეთს ემსახურებოდა.

¹³და ცხოვრობდა მეფიბოშეთი იერუსალიმში, რათა მუდამ სამეფო სუფრაზე ეჭამა პური. ორივე ფეხით კოჭლი იყო იგი.