Read ქართული ბიბლია, სრული ვერსია 1 Esdras (Greek) 5 Bible Online

1 Esdras (Greek) 5 - ქართული ბიბლია, სრული ვერსია bible

1 Esdras (Greek) 5

¹შემდგომ ამისა წასასვლელად აირჩიეს მამა-პაპეულ სახლთა წინამძღოლნი თავიანთი ტომების მიხედვით, მათი ცოლები, მათი ძენი და ასულნი, მათი მონები და მხევლები და მათი საქონელი.

²დარიოსმა ათასი ცხენოსანი აახლა მათ, რათა მშვიდობიანად მიეცილებინათ იერუსალიმამდე, მუსიკით, დაფდაფებით და ბუკ-ნაღარით.

³ილხენდა მათი ყოველი მოძმე, და დარიოსმა ნება დართო მათ ერთად წასულიყვნენ.

⁴აი, იმათი სახელები, თავ-თავიანთი ტომების მიხედვით რომ წავიდნენ, უხუცესობის წესით:

⁵მღვდლები, აარონის ძის — ფინხასის ძენი; იესო, სერაიას ძის — იოცადაკის ძე; იოაკიმი, შეალთიელის ძის — ზერუბაბელის ძე, დავითის სახლიდან, ფერესის საგვარეულოდან, იუდას ტომიდან,

⁶ბრძნული სიტყვა რომ წარმოსთქვა სპარსთა მეფის, დარიოსის, წინაშე მისი მეფობის მეორე წელს, ნისანის თვის პირველში.

⁷ესენი არიან გადასახლების ტყვეობიდან გამოსული იუდაელნი, რომელნიც ბაბილონის მეფემ, ნაბუქოდონოსორმა, გადაასახლა ბაბილონში,

⁸და იერუსალიმსა და სხვა ადგილებში დაბრუნდნენ, თვითეული თავის ქალაქში, თავიანთ წინამძღოლებთან — ზერუბაბელსა და იესოსთან, ნეემიასა და სერაიასთან, რესაიასთან და ენენიოსთან, მარდოქაისა და ბეელსაროსთან, ასფარასოსსა და რეელიასთან, რეხუმსა და ბაანასთან ერთად მოსულნი.

⁹ხალხისა და მისი წინამძღოლების რიცხვი: ფარყოშის ძენი — 2172.

¹⁰შაფათის ძენი — 471; არახის ძენი — 756.

¹¹ფახათ-მოაბის ძენი, იესოსა და იოაბის ძეებთან ერთად, — 2812.

¹²ელამის ძენი — 1254; ზათუს ძენი — 945; ხორბეს ძენი — 705; ბანის ძენი — 648.

¹³ბებაის ძენი — 623; ყაზგადის ძენი — 1322.

¹⁴ადონიკამის ძენი — 667; ბიგვაის ძენი — 2066; ყადინის ძენი — 454.

¹⁵ხიზკიას ძის, ატერის ძენი — 92; კილანისა და აზეტას ძენი — 67; აზურუს ძენი — 432.

¹⁶ანნიას ძენი — 101; არომის ძენი, ბეცაის ძენი — 323; არიფოსის ძენი — 112.

¹⁷ბაიტერუსის ძენი — 3005; ბეთლომონის ძენი — 123.

¹⁸ნეტოფასაგან — 55; ყანათოთისაგან — 158; ბეთასმოთისგან — 42.

¹⁹კირიათარიმისგან — 25; ქეფირასა და ბეეროთისგან — 743.

²⁰ქადიასაისნი და ამიდიოისნი — 422; კირამასა და გებაისგან — 621.

²¹მაკალონისაგან — 122; ბეთოლიოსაგან — 52; ნიფიშის ძენი — 156.

²²კალამოლალოსი და ონოს ძენი — 725; იერეხოს ძენი — 345.

²³სენაას ძენი — 3330.

²⁴მღვდლები: იესოს ძის იედაყიას ძენი ანასიბის ძეებთან ერთად — 972; იმერის ძენი — 1052.

²⁵ფაშხურის ძენი — 1247; ხარმის ძენი — 1017.

²⁶ლევიანები: იესოს, კადმიელის, ბანას და სუდიას ძენი — 74.

²⁷მგალობელნი: ასაფის ძენი — 128.

²⁸მეკარენი: შალუმის ძენი, ატერის ძენი, თოლმონის ძენი, აკუბის ძენი, ხატითას ძენი, შობაის ძენი, სულ — 139.

²⁹ტაძრის მსახურნი: ციხას ძენი, ხაშუფას ძენი, ტაბაყოთის ძენი, კეროსის ძენი, სუას ძენი, ფადონის ძენი, ლებანას ძენი, აგაბას ძენი,

³⁰აკუბის ძენი, უთაის ძენი, კეტაბის ძენი, აგაბას ძენი, სუბაის ძენი, ანას ძენი, კათუას ძენი, გადურის ძენი,

³²მეხიდას ძენი, ქუთას ძენი, ხარეას ძენი, ბარკოსის ძენი, სერარის ძენი, თემას ძენი, ნეციახის ძენი, ხატიფას ძენი,

³³სოლომონის მსახურთა ძენი: ასაფიოთის ძენი, ფარიდას ძენი, იეელის ძენი, ლოზონის ძენი, ისდაელის ძენი, შეფატიას ძენი,

³⁴აგიას ძენი, ფოქერეთ-ჰაცებაიმის ძენი, საროთიეს ძენი, მასიას ძენი, გასის ძენი, ადუსის ძენი, სუბასის ძენი, აფერას ძენი, ბაროდისის ძენი, შაფათის ძენი, ამის ძენი.

³⁵სულ ტაძრის მსახურნი და სოლომონის მსახურთა ძენი — 372.

³⁶ესენი არიან თელმელახიდან და თელხარშადან გამოსულნი; მათი წინამძღვარნი — ქერუბი, ადანი და იმერი.

³⁷ზოგმა ვერ შეძლო თავისი მამულის და ტომის ჩვენება და ვერ დაამტკიცა, რომ ისრაელის მოდგმისაა; ესენი არიან: ტობიას ძის — დელაიას ძენი, ნეკოდას ძენი — 652.

³⁸მღვდელთაგანნი, მღვდელმსახურებას რომ ასრულებდნენ, მაგრამ სიაში კი არ აღმოჩნდნენ: ჰობაიას ძენი, აკოსის ძენი, იადუს ძენი, რომელმაც ცოლად შეირთო აგია, ბარზილაის ერთ-ერთი ასული, და მისი სახელით იწოდა.

³⁹რაკი ძიებისას საგვარტომო სიაში არ აღმოჩნდნენ, განშორებულ იქნენ მღვდლობისგან.

⁴⁰უთხრეს მათ ნეემიამ და ათარიამ, არ ზიარებოდნენ სიწმიდეთ, ვიდრე არ აღდგებოდა ურიმ-თუმიმით შემოსილი მღვდელმთავარი.

⁴¹სულ იყვნენ ისრაელის ძენი, თორმეტწლიანებიდან მოყოლებული, მონათა და მხევალთა გარდა, 42360; მონები და მხევლები — 7337; მგალობელნი და მეფსალმუნენი — 245.

⁴²აქლემი — 435, ცხენი — 7036, ჯორი — 245, საუღლე საქონელი — 5525.

⁴³ღვთის ტაძარს რომ მიადგნენ იერუსალიმში, გვარის ზოგიერთმა თავკაცმა აღთქმა დადო, რომ შეძლებისდაგვარად აღადგენდა უფლის სახლს იმავ ადგილას;

⁴⁴ტაძრის საგანძურში მშენებლობისათვის დადებდა ათას ოქროს მნას, 5 ათას მნას ვერცხლისას და სამღვდელო სამოსელს.

⁴⁵მღვდლები, ლევიანები და ხალხის ნაწილი იერუსალიმსა და მის შემოგარენში დასახლდნენ, მგალობლები, მეკარენი და მთელი ისრაელი კი — თავიანთ სოფლებში.

⁴⁶მეშვიდე თვის დამდეგს, როცა ისრაელის ძენი უკვე თავ-თავიანთ სამკვიდრებლებში იყვნენ, ერთად მოიყარეს თავი გაშლილ ადგილას, აღმოსავლეთის პირველ კარიბჭესთან.

⁴⁷ადგა იესო, იოცადაკის ძე, მისი მღვდელმსახური ძმები, ზერუბაბელი, შეალთიელის ძე და მისი ძმები, და განუმზადეს სამსხვერპლო ისრაელის ღმერთს,

⁴⁸რათა მასზე შეეწირათ სრულადდასაწველი, როგორც სწერია მოსეს, ღვთის კაცის წიგნში.

⁴⁹და შეიკრიბნენ მათთან იმ ქვეყნის სხვა ტომთაგანნიც და აღმართეს სამსხვერპლო თავის ადგილას, რადგანაც მტრობდნენ მათ, და მძლავრობდა მათზე იმ ქვეყნის ყველა ტომი; ხოლო მათ თავის დროზე მოჰქონდათ მსხვერპლი და დილა-საღამოს სრულადდასაწველს სწირავდნენ უფალს.

⁵⁰კარვობის დღესასწაულს იხდიდნენ, როგორც აწესებს სჯული, და განაწესისამებრ სწირავდნენ მსხვერპლს,

⁵¹რასაც თან ერთვოდა შაბათთა, ახალმთვარობათა და ყველა წმიდა დღესასწაულის განუწყვეტელი ძღვენი და მსხვერპლი.

⁵²და ყველას, ვინც მეშვიდე თვის ახალმთვარობისას აღთქმა დაუდო ღმერთს, მოჰქონდა მსხვერპლი ღვთისათვის, თუმცა ტაძარი ჯერ კიდევ არ აგებულიყო.

⁵³ვერცხლსა და სასმელ-საჭმელს აძლევდნენ ქვისმთლელებსა და ხუროებს, ურმებს — ტვიროსელებსა და სიდონელებს, რათა კედარის ხე-ტყე გამოეზიდათ ლიბანიდან და ტივებით შემოეტანათ იაფოს ნავსადგურში, როგორც უბრძანა მათ კვიროსმა, სპარსეთის მეფემ.

⁵⁴იერუსალიმში ღვთის ტაძართან მოსვლიდან მეორე წელს და მეორე თვეს ზერუბაბელმა, შეალთიელის ძემ, იესომ, იოცადაკის ძემ და მათმა ძმებმა, მღვდლებმა, ლევიანებმა, და ტყვეობიდან ყველა გამოსულმა

⁵⁵საძირკველი ჩაუყარეს ღვთის ტაძარს იუდასა და იერუსალიმში მოსვლის მეორე წელს და მეორე თვეს, ახალმთვარობისას.

⁵⁶და მიუყენეს ლევიანები, ოცწლიანებიდან მოყოლებული უფლის საქმეს; დადგა იესო თავის ვაჟებსა და ძმებთან ერთად, ძმა კადმიელი, და ძენი იესო ჰემადაბუნის და ილიადუნის ძის — იოდას ძენი, ვაჟიშვილებით და ძმებითურთ, ყველა ლევიანი, ერთსულოვნად აღძრული უფლის სახლის ასაშენებლად.

⁵⁷და ააშენეს მშენებლებმა უფლის ტაძარი; დადგნენ შემოსილი მღვდლები საკრავებით და საყვირებით, ხოლო ასაფის ძენი — დაფდაფებით, უგალობდნენ და ისრაელის მეფის — დავითის წესისამებრ ადიდებდნენ ღმერთს.

⁵⁸მადიდებელნი საგალობელთა გუგუნით უხმობდნენ უფალს, რომ მისი მადლი და დიდება უკუნისამდეა მთელ ისრაელზე.

⁵⁹საყვირებს ახმიანებდა მთელი ხალხი და ღაღადისით ადიდებდა უფალს ღვთის სახლის აღდგენისათვის.

⁶⁰ხოლო უხუცესნი და გვართა თავკაცნი ლევიანთაგან თუ მღვდელთაგან, რომელთაც ენახათ უწინდელი სახლი, ხმამაღალი მოთქმა-გოდებით მოვიდნენ მშენებლობის მოსახილავად;

⁶¹მრავალნი კი — საყვირებითა და მხიარული ყიჟინით;

⁶²მაგრამ ხალხს არც კი ესმოდა საყვირთა ხმა ამ გნიასში, თუმცაღა ბევრი ხმამაღლა აგუგუნებდა საყვირებს, ასე რომ, მათი გუგუნი შორს ისმოდა;

⁶³გაიგონეს იუდასა და ბენიამინის ტომების მტრებმა და მოვიდნენ იმის გასაგებად, თუ რას მოასწავებდა საყვირთა ხმა.

⁶⁴შეიტყეს, რომ ტყვეობიდან დაბრუნებულნი ტაძარს უშენებენ ღმერთს, ისრაელის ღმერთს.

⁶⁵ზერუბაბელს, იესოსა და გვართა წინამძღოლებს მიადგნენ და უთხრეს, ჩვენც თქვენთან ერთად ვაშენებთო;

⁶⁶რადგან ჩვენც თქვენსავით ვუსმენთ თქვენს უფალს და მსხვერპლს ვწირავთ მას ასურთა მეფის ესარხადონის დროიდან, რომელმაც აქ გადმოგვასახლაო.

⁶⁷უთხრეს მათ ზერუბაბელმა, იესომ და ისრაელის გვართა წინამძღოლებმა: თქვენთად ერთად ვერ ავუშენებთ ტაძარს ჩვენს ღმერთს და უფალს.

⁶⁸ჩვენ თვითონ უნდა ავუგოთ იგი ისრაელის უფალს, როგორც გვიბრძანა კვიროსმა, სპარსელთა მეფემ.

⁶⁹ხოლო იმ ქვეყნის ხალხები ავიწროებდნენ იუდაში მყოფთ და აბრკოლებდნენ მშენებლობას.

⁷⁰ვერაგობით აშფოთებდნენ ხალხს და ხელს უშლიდნენ მშენებლობის დასრულებას მთელი იმ ხნის განმავლობაში, ვიდრე კვიროსი ცოცხალი იყო.

⁷¹ასე რომ მშენებლობა ორ წელიწადს გაჭიანურდა დარიოსის გამეფებამდე.