Read ქართული ბიბლია, სრული ვერსია Psalms 110 Bible Online

Psalms 110 - ქართული ბიბლია, სრული ვერსია bible

Psalms 110

¹ალელუია! მადლობას შევწირავ უფალს მთელი გულით მართალთა საკრებულოსა და თემში.

²დიდია საქმენი უფლისა, სასურველია ყველა მათ მოყვარულთათვის.

³დიდებული და ბრწყინვალეა მისი საქმე, სიმართლე მისი მარადიულია.

⁴სამახსოვროდ ქმნა საოცრებანი თვისნი; მოწყალე და შემბრალეა უფალი.

⁵აძლევს საზრდოს თავის მოშიშებს, ახსოვს მარადის თავისი აღთქმა.

⁶აჩვენა თავის ხალხს თავის საქმეთა ძალა, როდესაც მისცა მათ წარმართთა მემკვიდრეობა.

⁷მის ხელთა საქმენი ჭეშმარიტება და სამართალია, სარწმუნოა ყველა მისი მცნება,

⁸მტკიცეა უკუნითი უკუნისამდე, დაფუძნებული ჭეშმარიტებასა და სისწორეზე.

⁹ხსნა მოუვლინა თავის ხალხს, მცნებად დაუდო საუკუნოდ თავისი აღთქმა; წმიდა და საშიშია სახელი მისი!

¹⁰სიბრძნის დასაბამია შიში უფლისა; აზრკეთილია ყველა, ვისაც ის აქვს. დიდება მისი მარადიულია. ალელუია!