Read ქართული ბიბლია, სრული ვერსია Psalms 20 Bible Online

Psalms 20 - ქართული ბიბლია, სრული ვერსია bible

Psalms 20

¹გუნდის ლოტბარს. ფსალმუნი. დავითისა.

²უფალო, შენი ძლიერებით ხარობს მეფე და შენი შველით ილხენს დიდად!

³შენ შეუსრულე მას გულის ნატვრა და მის ბაგეთა თხოვნა არ უკუაგდე.

⁴რადგან შენ შეაგებე მას კეთილი კურთხევა, ბაჯაღლო ოქროს გვირგვინი დაადგი თავზე.

⁵სიცოცხლე გთხოვა და უბოძე მას, დღეგრძელობა უკუნითი უკუნისამდე.

⁶დიდია ღირსება მისი შენი შემწეობით, დიდება და მშვენიერება მიანიჭე მას.

⁷შენ უბოძეb მას კურთხევებს სამარადჟამოდ, ლხენას ანიჭებ მას შენთან ყოფნის სიხარულით.

⁸რადგანაც უფალზე არის მინდობილი მეფე, უზენაესის მოწყალებით არ დაეცემა.

⁹შენი ხელი მისწვდება ყველა შენს მტერს, შენი მარჯვენა გაანადგურებს შენს მოძულეებს.

¹⁰ცეცხლოვან თონეს დაამსგავსებ მათ შენი გამოჩენის ჟამს; უფალი თავისი რისხვით დასწვავს, ცეცხლი შთანთქავს მათ.

¹¹შენ მათ ნაშიერს წარხოცავ ქვეყნიდან და მათ მოდგმას კაცთა ძეთაგან.

¹²თუ სიავეს განიზრახავენ შენს წინააღმდეგ, ბოროტს დაგეგმავენ, ვერაფერს გახდებიან.

¹³ვინაიდან შენ უკუაქცევ მათ, შენს მშვილდს მიმართავ მათი პირისკენ.

¹⁴ამაღლდი შენი ძალით, უფალო! ვუმღერებთ და ვუგალობებთ შენს ძლიერებას.