Read ქართული ბიბლია, სრული ვერსია Psalms 55 Bible Online

Psalms 55 - ქართული ბიბლია, სრული ვერსია bible

Psalms 55

¹გუნდის ლოტბარს. მტრედზე, რომელიც მდუმარებს შორეთში. დავითის ძეგლისწერა, როცა ფილისტიმელებმა შეიპყრეს იგი გათში.

²შემიწყალე, ღმერთო, რადგან გათელვას მიპირებს კაცი, ყოველდღე მავიწროებს მოშუღარი.

³ჩემი მტრები მთრგუნავენ ყოველდღიურად, მრავალი მეომება ამპარტავნებით.

⁴საშიშროების დღეს შენ მოგენდობი —

⁵ღმერთს, რომლის სიტყვასაც ვადიდებ; ღმერთს ვარ მინდობილი და არ მეშინია, რას მიზამს ხორციელი?

⁶დღენიადაგ ამახინჯებენ ჩემს სიტყვებს; ავია ყოველი მათი ზრახვა ჩემს მიმართ.

⁷გროვდებიან, მისაფრდებიან, ჩემს ნაკვალევს უთვალთვალებენ, თითქოსდა ჩემს სულს ელოდებიან.

⁸ნუთუ ამ სიმრუდეს უნდა გადაურჩნენ? რისხვით დაამხე ხალხები, ღმერთო!

⁹ჩემი ხეტიალი აღრიცხული გაქვს; შენს ჭურჭელში მოათავსე ჩემი ცრემლები, — განა შენს წიგნში არ არიან ისინი?

¹⁰უკუიქცევიან ჩემი მტრები, რა დღესაც მოგიხმობ; ვიცი, რომ ღმერთი ჩემთან არის.

¹¹ღმერთს, რომლის სიტყვასაც ვაქებ, უფალს, რომლის სიტყვასაც ვადიდებ,

¹²ღმერთს მივენდე — არ მეშინია; რას მიზამს კაცი?

¹³ჩემს აღთქმებს შენდამი აღვასრულებ, ო ღმერთო; მადლიერების მსხვერპლს შემოგწირავ.

¹⁴რადგან შენ იხსენი ჩემი სული სიკვდილისაგან, ჩემი ფეხი — წაბორძიკებისაგან, რათა ვიარო ღმერთის წინაშე სიცოცხლის შუქით.