Read ქართული ბიბლია, სრული ვერსია Psalms 94 Bible Online

Psalms 94 - ქართული ბიბლია, სრული ვერსია bible

Psalms 94

¹მოდით, ვუგალობოთ უფალს, სიხარულით შევღაღადოთ ჩვენი ხსნის ბურჯს!

²სამადლობელით წარვდგეთ მის წინაშე, და სიხარულის ხოტბა შევასხათ მას.

³რადგან უფალი არის დიადი ღმერთი, დიადი მეფე, ყველა ღვთაებაზე აღმატებული;

⁴მის ხელთაა სიღრმენი მიწისა, და მთების მწვერვალებიც მისია.

⁵მისია ზღვა, მან შექმნა იგი; და ხმელეთიც მის ხელთა ქმნილებაა.

⁶მოდით, თაყვანი ვცეთ და შევუვრდეთ, მუხლი მოვიდრიკოთ უფლის, ჩვენი შემოქმედის წინაშე!

⁷რადგან ის არის ჩვენი ღმერთი, ჩვენ კი — მისი სამწყსოს ხალხი ვართ და ცხვარი მისი სამწყემსი. ო, დღეს რომ მოგესმინათ მისი ხმა!

⁸ნუ გაისასტიკებთ გულებს, ვითარცა მერიბაში, როგორც გამოცდის დღეს მასას უდაბნოში

⁹როდესაც გამომცადეს თქვენმა მამებმა, გამომცადეს — თუმცა იხილეს ჩემი საქმენი.

¹⁰ორმოც წელიწადს მომაბეზრა თავი იმ თაობამ, და ვთქვი: მცდარი გულის ხალხია ისინი და არ იციან ჩემი გზები.

¹¹ამიტომ დავიფიცე ჩემი მრისხანების ჟამს, რომ ვერ შევლენ ისინი ჩემს სიმშვიდეში.