Read ქართული ბიბლია, სრული ვერსია Isaiah 20 Bible Online

Isaiah 20 - ქართული ბიბლია, სრული ვერსია bible

Isaiah 20

¹იმ წელს, როდესაც აშდოდს მოადგა თართანი, აშურის მეფის, სარგონის, მიერ გამოგზავნილი, და შეებრძოლა აშდოდს და დაიპყრო იგი,

²სწორედ მაშინ უთხრა უფალმა ესაიას, ამოცის ძეს: „წადი, ჯვალო მოიხსენი წელიდან და ხამლი გაიხადე ფეხზე.“ სწორედ ასე გააკეთა მან — დადიოდა ტიტველი და ფეხშიშველი.

³და თქვა უფალმა: „როგორც ჩემი მონა ესაია დადიოდა ტიტველი და ფეხშიშველი სამ წელიწადს, ნიშნად და სასწაულად იყოს ეგვიპტისა და ქუშისთვის.

⁴ასე გაირეკავს აშურის მეფე ტყვეებს ეგვიპტიდან და ქუშიდან გადასახლებულთ, ყმაწვილებსა და მოხუცებულთ, ტიტველთ, ფეხშიშველთ და დუნდულგაშიშვლებულთ — ეგვიპტის შესარცხვენად.

⁵მაშინ შეძრწუნდებიან და შერცხვებათ მათი სასოების, ქუშის გამო და მათი საკვეხური ეგვიპტის გამო.

⁶და იტყვიან იმ დღეს ამ ზღვისპირეთის მცხოვრებნი: ‘აი, რა დაემართა ჩვენს იმედს, მათგან, ვისკენაც გავრბოდით შემწეობისათვის აშურის მეფისაგან გადასარჩენად! რა უნდა გვეშველოს ახლა?’“