Read ქართული ბიბლია, სრული ვერსია Isaiah 4 Bible Online

Isaiah 4 - ქართული ბიბლია, სრული ვერსია bible

Isaiah 4

¹და ჩაეჭიდება შვიდი ქალი ერთ კაცს იმ დღეს და ეტყვის: „ჩვენს პურს შევჭამთ და ჩვენს სამოსელს ჩავიცვამთ, ოღონდ შენი სახელით ვიაროთ, სირცხვილი ჩამოგვრეცხე.“

²იმ დღეს უფლის ყლორტი იქნება მშვენებად და პატივად, და მიწის ნაყოფი — ღირსებად ისრაელის გადარჩენილ ძეთათვის.

³მაშინ სიონის ნატამალი და იერუსალიმის გადარჩენილნი წმიდად იქნებიან წოდებულნი; ყველა, ვინც ჩაწერილია სიცოცხლისათვის იერუსალიმში.

⁴როცა ჩამორეცხავს უფალი სიონის ასულებს სისაძაგლეს და იერუსალიმის წიაღს სისხლს მოჰბანს სამსჯავროსა და ცეცხლის სულით,

⁵და შექმნის უფალი სიონის მთის ყველა ადგილზე და მის შესაკრებლებზე ღრუბელს და კვამლს დღისით და კაშკაშა ცეცხლის ნათებას — ღამით, რადგან მთელ დიდებაზე იქნება გავალაკი[1].

⁶და კარავი იქნება მათ საჩრდილობლად დღის ხვატში, და თავშესაფრად და დასაცავად ავდარსა და წვიმაში.