Read ქართული ბიბლია, სრული ვერსია Numbers 26 Bible Online

Numbers 26 - ქართული ბიბლია, სრული ვერსია bible

Numbers 26

¹ამ მუსვრის შემდეგ უთხრა უფალმა მოსეს და ელეაზარს, აარონ მღვდლის ძეს:

²„აღრიცხეთ ისრაელიანთა მთელი თემი 20 წლიდან და ზევით, მათი მამისსახლების მიხედვით, ყოველი ისრაელის ლაშქარში გამსვლელი.“

³და უთხრეს მათ მოსემ და ელეაზარ მღვდელმა მოაბის ველებზე, იორდანესთან, იერიხოს პირდაპირ:

⁴„აღრიცხეთ 20 წლიდან და ზევით,“ როგორც უბრძანა უფალმა მოსეს. და ისრაელიანები, რომლებიც გამოვიდნენ ეგვიპტის ქვეყნიდან, იყვნენ:

⁵რეუბენი, პირმშო ისრაელისა. რეუბენიანები: ენოქისაგან ენოქელთა საგვარეულო; ფალუსაგან ფალუელთა საგვარეულო;

⁶ხეცრონისაგან ხეცრონელთა საგვარეულო; ქარმისაგან ქარმელთა საგვარეულო.

⁷ესენია რეუბენიანთა საგვარეულოები; და სულ აღრიცხვით 43730.

⁸და ფალუს ძენი იყვნენ: ელიაბი;

⁹ელიაბის ძენი: ნემუელი, დათანი და აბირამი. ეს ის საზოგადოების რჩეული დათანი და აბირამი იყვნენ, რომლებმაც აუტეხეს ჯანყი მოსეს და აარონს კორახის დასთან ერთად, როცა აუჯანყდნენ უფალს.

¹⁰და გახსნა მიწამ პირი და შთანთქა ისინი. და კორახიც დაიღუპა მათთან ერთად, როდესაც შთანთქა ცეცხლმა 250 კაცი. და მაგალითად იქცნენ ისინი სხვათათვის.

¹¹ხოლო კორახის ძენი არ დახოცილან.

¹²აი სიმეონიანები მათი საგვარეულოების მიხედვით: ნემუელისაგან ნემუელის საგვარეულო; იამინისაგან იამინის საგვარეულო; იაქინისაგან იაქინის საგვარეულო,

¹³ზერახისაგან ზერახის საგვარეულო; შაულისაგან შაულის საგვარეულო.

¹⁴ეს არის სიმეონიანთა საგვარეულოები — 22200.

¹⁵გადიანები მათი საგვარეულოების მიხედვით: ცეფონისაგან ცეფონის საგვარეულო; ხაგისაგან ხაგის საგვარეულო; შუნისაგან შუნის საგვარეულო;

¹⁶ოზნისაგან ოზნის საგვარეულო; ყერისაგან ყერის საგვარეულო;

¹⁷აროდისაგან აროდის საგვარეულო; არელისაგან არელის საგვარეულო.

¹⁸ესენია გადიანთა საგვარეულოები, სულ აღრიცხვით 40500.

¹⁹იუდიანები: ყერი და ონანი. და გარდაიცვალნენ ყერი და ონანი ქანაანის ქვეყანაში.

²⁰და ესენი იყვნენ იუდიანები მათი საგვარეულოების მიხედვით: შელახისაგან შელახელთა საგვარეულო; ფერეცისაგან ფერეცის საგვარეულო; ზერახისაგან ზერახის საგვარეულო.

²¹ხოლო ფერეციანები იყვნენ: ხეცრონისაგან ხეცრონის საგვარეულო; ხამულისაგან ხამულის საგვარეულო.

²²ესენია იუდას საგვარეულოები, სულ აღრიცხვით 76 500.

²³ისაქარიანები მათი საგვარეულოების მიხედვით იყვნენ: თოლაყისაგან თოლაყის საგვარეულო; ფუვასაგან ფუვას საგვარეულო;

²⁴იაშუბისაგან იაშუბის საგვარეულო; შიმრონისაგან შიმრონის საგვარეულო.

²⁵ესენია ისაქარის საგვარეულოები, სულ აღრიცხვით 64 300.

²⁶ზებულუნიანები მათი საგვარეულოების მიხედვით იყვნენ: სერედისაგან სერედის საგვარეულო; ელონისაგან ელონის საგვარეულო; იახლეელისაგან იახლეელის საგვარეულო.

²⁷ესენია ზებულუნელთა საგვარეულოები, აღრიცხვით 60 500.

²⁸იოსების ძენი მათი საგვარეულოების მიხედვით: მანაშე და ეფრემი.

²⁹მანაშეანები: მაქირისაგან მაქირის საგვარეულო; და მაქირმა შვა გალაადი; გალაადისაგან გალაადის საგვარეულო.

³⁰ესენია გალაადელები: იყეზერისაგან იყეზერის საგვარეულო; ხელეკისაგან ხელეკის საგვარეულო;

³¹ასრიელისაგან ასრიელის საგვარეულო; შექემისაგან შექემის საგვარეულო;

³²შემიდაყისაგან შემიდაყის საგვარეულო; ხეფერისაგან ხეფერის საგვარეულო.

³³ცელოფხადს, ხეფერის ძეს, არ ჰყავდა ძენი, მხოლოდ ასულნი ჰყავდა. ცელოფხადის ასულთა სახელები იყო: მახლა, ნოყა, ხოგლა, მილქა და თირცა.

³⁴ესენია მანაშეს საგვარეულოები, აღრიცხვით 52 700.

³⁵ესენი არიან ეფრემიანები მათი საგვარეულოების მიხედვით: შუთელახისაგან შუთელახის საგვარეულო; ბექერისაგან ბექერის საგვარეულო; თახანისაგან თახანის საგვარეულო.

³⁶ესენი არიან შუთელახიანები: ყერანისაგან ყერანის საგვარეულო.

³⁷ესენია ეფრემიანთა საგვარეულოები, აღრიცხვით 32 500. ესენი არიან იოსებიანები მათი საგვარეულოების მიხედვით.

³⁸ბენიამინიანები მათი საგვარეულოების მიხედვით: ბელაყისაგან ბელაყის საგვარეულო; აშბელისაგან აშბელის საგვარეულო; ახირამისაგან ახირამის საგვარეულო;

³⁹შეფუფამისაგან შეფუფამის საგვარეულო; ხუფამისაგან ხუფამის საგვარეულო.

⁴⁰ბელაყის ძენი იყვნენ: არდი და ნაყამანი; არდისაგან არდის საგვარეულო; ნაყამანისაგან ნაყამანის საგვარეულო.

⁴¹ესენი არიან ბენიამინიანები მათი საგვარეულოების მიხედვით, აღრიცხვით 45 600.

⁴²დანის ძენი მათი საგვარეულოების მიხედვით: შუხამისაგან შუხამის საგვარეულო. და ესენია დანის საგვარეულოები.

⁴³სულ შუხამის საგვარეულოში აღრიცხვით 64 400.

⁴⁴აშერიანები მათი საგვარეულოების მიხედვით: იმნასაგან იმნას საგვარეულო; იშვისაგან იშვის საგვარეულო; ბერიყასაგან ბერიყას საგვარეულო;

⁴⁵ბერიყიანთაგან: ხებერისაგან ხებერის საგვარეულო; მალქიელისაგან მალქიელის საგვარეულო.

⁴⁶სახელი აშერის ასულისა იყო სერახი.

⁴⁷ესენია აშერიანთა საგვარეულოები, აღრიცხვით 53 400.

⁴⁸ნაფთალიანები მათი საგვარეულოების მიხედვით იყვნენ: იახცეელისაგან იახცეელის საგვარეულო; გუნისაგან გუნის საგვარეულო;

⁴⁹იეცერისაგან იეცერის საგვარეულო; შილემისაგან შილემის საგვარეულო.

⁵⁰ესენია ნაფთალიანთა საგვარეულოები, აღრიცხვით 45 400.

⁵¹ეს არის აღრიცხულ ისრაელიანთა რაოდენობა: 601 730.

⁵²და ელაპარაკა უფალი მოსეს და უთხრა:

⁵³„ამათ დასამკვიდრებლად შენ უნდა დაუნაწილო ეს ქვეყანა მათი სახელების რიცხვის მიხედვით.

⁵⁴გაზარდე მრავალრიცხოვან საგვარეულოთათვის მათი მიწის სამკვიდრებელი, ხოლო მცირერიცხოვანთათვის შეამცირე: თითოეულს მისი აღრიცხული რიცხვის მიხედვით მიეცი მისი სამკვიდრებელი.

⁵⁵ოღონდ წილისყრით უნდა დანაწილდეს მიწა, მათი მამების ტომთა სახელის მიხედვით უნდა მიიღონ სამკვიდრებელი.

⁵⁶წილისყრით დანაწილდება მათი სამკვიდრებელი როგორც მრავალრიცხოვანთა, ისე მცირერიცხოვანთა შორის.“

⁵⁷აღირიცხნენ ლევიანები მათი საგვარეულოების მიხედვით: გერშონისაგან გერშონის საგვარეულო, კოჰათისაგან კოჰათის საგვარეულო; მერარისაგან მერარის საგვარეულო.

⁵⁸ესენია საგვარეულოები ლევისა: საგვარეულო ლიბნისა, საგვარეულო ხებრონისა, საგვარეულო მახლისა, საგვარეულო მუშისა, საგვარეულო კორახისა. კოჰათმა შვა ყამრამი.

⁵⁹ყამრამის ცოლის ერქვა იოქებედი, ასული ლევისა, რომელიც მისმა ცოლმა ეგვიპტეში უშვა. იოქებედი ლევის შეეძინა ეგვიპტეში. იოქებედმა ყამრამს უშვა აარონი და მოსე და მათი დაი მირიამი.

⁶⁰და შვა აარონმა ნადაბი და აბიჰუ, ელეაზარი და ითამარი.

⁶¹და დაიხოცნენ ნადაბი და აბიჰუ, როცა უცხო ცეცხლი მიიტანეს უფლის წინაშე.

⁶²და სულ აღრიცხვით ისინი იყვნენ 23 ათასი, ყოველი მამრი ერთი თვის ასაკიდან და ზევით, მაგრამ ისინი არ აღრიცხულან ისრაელიანებთან ერთად, რადგან არ მიეცათ მათ სამკვიდრებელი, როგორც ისრაელიანებმა მიიღეს.

⁶³ეს იყო მოსესა და ელეაზარ მღვდლის აღრიცხვა, რომლებმაც აღრიცხეს ისრაელიანები მოაბის ველებზე, იორდანეს პირას, იერიხოს მახლობლად.

⁶⁴მათგან არავინ ყოფილა მოსესა და აარონ მღვდლის მიერ აღრიცხულთა შორის, რომლებმაც აღრიცხეს ისრაელიანები სინაის უდაბნოში.

⁶⁵რადგან თქვა უფალმა მათზე: „დაიხოცებიან ისინი უდაბნოში!“ და არ დარჩა მათგან არც ერთი, გარდა ქალებ იეფუნეს ძისა და იესო ნავეს ძისა.