Read ქართული ბიბლია, სრული ვერსია Joshua 15 Bible Online

Joshua 15 - ქართული ბიბლია, სრული ვერსია bible

Joshua 15

¹იუდას ტომს — მთელ მათ საგვარეულოებს — წილისყრით ერგოთ სამკვიდრო, რომელიც უკიდურეს სამხრეთში ესაზღვრება ედომის მიწებსა და ცინის უდაბნოს.

²სამხრეთის საზღვარი ამ მიწა-წყლისა იწყებოდა მარილოვანი ზღვის კიდიდან (ზღვის სამხრეთი ყურიდან),

³სამხრეთით ის გადიოდა ყაკრაბიმის ზეგანისკენ, ცინს გასცდებოდა და ზევით მიიწევდა, კადეშ-ბარნეაყის სამხრეთით. შემდეგ საზღვარი გაივლიდა ხეცრონს, ადიოდა ადარასკენ, უხვევდა კარკაყასკენ,

⁴გაივლიდა ყაცმონს, გადიოდა ეგვიპტის ნაღვარევისკენ და ზღვამდე აღწევდა. ეს არის თქვენი სამხრეთის საზღვრაი.

⁵ხოლო აღმოსავლეთის საზღვარი იყო მკვდარი ზღვა, იორდანეს შესართავამდე. ჩრდილოეთის საზღვარი იწყებოდა მკვდარი ზღვის ყურედან (იორდანეს შესართავიდან),

⁶ადიოდა საზღვარი ბეთ-ხოგლამდე, გადადიოდა ბეთ-ყარაბას ჩრდილოეთით, ზემოთ ადიოდა ბოჰანის ტინამდე, რეუბენის ძისა,

⁷და აღწევდა საზღვარი დებირამდე ყაქორის ველიდან, და უხვევდა ჩრდილოეთით გილგალისკენ, რომელიც ადუმიმის მაღლობის ახლოს იყო, სამხრეთისკენ რომ გადიოდა ხეობიდან; და იქიდან გადადოდა ყენ-შემეშის წყლებისკენ და ყენ-როგელამდე აღწევდა.

⁸და ადიოდა საზღვარი ბენ-ჰინომის ველისკენ, იებუსის, ანუ იერუსალიმის სამხრეთით, და მიიწევდა საზღვარი იმ მთის თხემისაკენ, ჰინომის ველის დასავლეთით რომ არის, და რეფაიმთა ველის ჩრდილოეთით.

⁹და უხვევდა საზღვარი მთის თხემიდან ნეფთოახის წყაროს წყლებისკენ და გადიოდა ყეფრონის მთის ქალაქებისკენ, და უხვევდა საზღვარი ბაყალასაკენ ანუ კირიათ-იეყარიმისკენ.

¹⁰და უხვევდა საზღვარი ბაყალადან დასავლეთით, სეყირის მთისკენ, და გაივლიდა იეყარიმის ანუ ქესალონის მთის ჩრდილო კალთებს, და ეშვებოდა ბეთ-შემეშისაკენ, ჩაუვლი თიმნას,

¹¹და გადიოდა საზღვარი ყეკრონის ჩრდილო მხარეს, და უხვევდა შიქერონისაკენ, გადადიოდა ბაყალას მთაზე, და აღწევდა იაბნეელამდე და საზღვარი ზღვამდე აღწევდა.

¹²დასავლეთის საზღვარი იყო დიდი ზღვა. და ეს არის იუდას ძეთა საზღვარი ირგვლივ, მათი საგვარეულოების მიხედვით.

¹³და ქალებს, იეფუნეს ძეს, მისცა წილი იუდას ძეთა შორის, როგორც ნაბრძანები ჰქონდა უფალს იესოსთვის; და მისცა მას იესომ კირიათ-არბაყი, ყანაკელთა მამის, ანუ ხებრონი.

¹⁴და განდევნა იქიდან ქალებმა სამი ძე ყენაკისა: შეშაი, ახიმანი და თალმაი — ყანაკის ნაშობნი.

¹⁵და წავიდა იქიდან ქალები დებირის მკვიდრთა წინააღმდეგ. (უწინ დებირს კირიათ-სეფერი ერქვა.)

¹⁶და თქვა ქალებმა: „ვინც მოსრავს კირიათ-სეფერს და აიღებს, მას ცოლად მივცემ ყაქსას, ჩემს ასულს.“

¹⁷და აიღო ქალაქი ღოთნიელმა, კენაზის ძემ, ქალების ძმამ, და მისცა მას ქალებმა ცოლად ყაქსა, თავისი ასული.

¹⁸მივიდა ახსა და ღოთნიელი დაიყოლია, რომ მისი მამისგან[3] მიწის ნაკვეთი გამოეთხოვა. „რა გინდა?“ — ჰკითხა ქალებმა ახსას, როცა ის სახედრიდან ჩამოხდა.

¹⁹ყაქსამ უპასუხა: „მომეცი მე კურთხევა და რაკი მიწის ნაკვეთს ნეგებში მაძლევ, ბარემ წყალსატევებიც მომეცი.“ და ქალებმა მისცა მას ზემო და ქვემო წყალსატევები.

²⁰აი, იუდას ძეთა ტომის სამკვიდრო მათი საგვარეულოების მიხედვით.

²¹და იყო მათი ქალაქები იუდას ტომის სამკვიდროს კიდეზე, ედომის საზღვრისკენ, სამხრეთში: კაბცეელი, ყედერი, იაგური,

²²კინა, დიმონა, ყადყადა,

²³კედეში, ხაცორი, ითნანი,

²⁴ზიფი, ტელემი, ბაყალოთი,

²⁵ხაცორ-ხადათა, კერიოთ-ხეცრონი ანუ ხაცორი,

²⁶ამამი, შემაყი, მოლადა,

²⁷ხაცარ-გადა, ხეშმონი, ბეთ-ფელეტი,

²⁸ხაცარ-შუყალი, ბეერ-შებაყი, ბიზიოთია,

²⁹ბაყალა, ყიიმი, ყეცემი,

³⁰ელთოლადი, ქესილი, ხორმა,

³¹ციკლაგი, მადმანა, სანსანა,

³²ლებაოთი, შილხიმი, ყაინი და რიმონი — სულ 29 ქალაქი თავისი სოფლებით.

³³ბარში: ეშთაოლი, ცორყა, აშნა,

³⁴ზანოახი, ყენ-განიმი, თაფუახი, ყენამი,

³⁵იარმუთი, ყადულამი, სოქო, ყაზეკა,

³⁶შაყარაიმი, ყადითაიმი, გედერა, გედეროთაიმი — სულ 14 ქალაქი თავისი სოფლებით.

³⁷ცენანი, ხადაშა, მიგდალ-გადი,

³⁸დილყანი, მიცფე, იოკთეელი,

³⁹ლაქიში, ბოცკათი, ყეგლონი,

⁴⁰ქაბონი, ლახმასი, ქითლიში,

⁴¹გედეროთი, ბეთ-დაგონი, ნაყამა და მაკედა — 16 ქალაქი თავისი სოფლებით.

⁴²ლიბნა, ყეთერი, ყაშანი,

⁴³იფთახი, აშნა, ნეციბი,

⁴⁴კეყილა, აქზიბი, მარეშა — ცხრა ქალაქი თავისი სოფლებით.

⁴⁵ყეკრონი თავისი ქალაქებითა და თავისი სოფლებით.

⁴⁶ყეკრონიდან ზღვისკენ ყველაფერი, რაც აშდოდის მახლობლად იყო, მისი სოფლებით.

⁴⁷აშდოდი, თავისი ქალაქებითა და სოფლებით; ღაზა, თავისი ქალაქებითა და სოფლებით ეგვიპტის ხევამდე; დიდი ზღვა თავისი სანაპიროთი.

⁴⁸ხოლო მთაში: შამირი, იათირი, სოქო,

⁴⁹დანა, კირიათ-სანა, ანუ დებირი,

⁵⁰ყანაბი, ეშთემო, ყანიმი,

⁵¹გოშენი, ხოლონი და გილო — 11 ქალაქი თავისი სოფლებით.

⁵²არაბი, დუმა,[4] ეშყანი,

⁵³იანუმი, ბეთ-თაფუახი, და აფეკა,

⁵⁴ხუმტა, კირიათ-არბაყი ანუ ხებრონი და ციყორი — ცხრა ქალაქი თავისი სოფლებით.

⁵⁵მაყონი, ქარმელი, ზიფი, იუტა,

⁵⁶იზრეყელი, იოკდეყამი, ზანოახი,

⁵⁷კაენი, გიბეყა და თიმნა — ათი ქალაქი თავისი სოფლებით.

⁵⁸ხალხული, ბეთ-ცური, გედორი,

⁵⁹მაყარათი, ბეთ-ყანოთი და ელთეკონი — ექვსი ქალაქი თავისი სოფლებით.

⁶⁰კირიათ-ბაყალი ანუ კირიათ-იეყარიმი და რაბა — ორი ქალაქი თავისი სოფლებით,

⁶¹უდაბნოში: ბეთ-ყარაბა, მიდინი, სექაქა,

⁶²ნიბშანი, მარილის ქალაქი და ყენ-გედი — ექვსი ქალაქი თავისი სოფლებით.

⁶³იუდას ძეთ ვერ წაართვეს იებუსელთ იერუსალიმი. და დღევანდლამდე ცხოვრობენ იებუსელნი იუდაელებთან ერთად იერუსალიმში.