Read ბიბლია 1ნეშტ. 26 Bible Online

1ნეშტ. 26 - ბიბლია bible

1ნეშტ. 26

¹კარისმცველთა დასები: კორახელთაგან: მეშელემიაჰუ, კორეს ძე, ასაფის ძეთაგან.

²მეშელემიაჰუს ძენი: ზაქარია — პირმშო, იედიყაელი — მეორე, ზებადიაჰუ — მესამე, იათნიელი — მეოთხე,

³ყელამი — მეხუთე, იეჰოხანანი — მეექვსე, ელიეჰოყენაი — მეშვიდე.

⁴ყობედ-ედომის ძენი; შემაყია — პირმშო, იეჰოზაბადი — მეორე, იოახი — მესამე, საქარი — მეოთხე, ნეთანელი — მეხუთე,

⁵ყამიელი — მეექვსე, ისაქარი — მეშვიდე, ფეყულთაი — მერვე, რადგან ღმერთმა აკურთხა იგი.

⁶მის ძეს, შემაყიას, ვაჟები შეეძინა, რომელნიც მამისსახლს განაგებდნენ, ვინაიდან მაგარი ვაჟკაცები იყვნენ.

⁷შემაყიას ძენი: ყოთნი, რეფაელი, ყობედი, ელზაბადი, მისი ძმანი, მაგარი ხალხი, ელიჰუ და სემაქიაჰუ.

⁸ყველანი ყობედ-ედომის ძენი იყვნენ. ისინი თავიანთი ძეებითა და ძმებით მაგარი ვაჟკაცები იყვნენ და სამსახურის გაწევის უნარი ჰქონდათ. ყობედ-ედომს ასეთები სულ სამოცდაორი ჰყავდა.

⁹მეშელემიაჰუს თვრამეტი ვაჟი და ძმა ჰყავდა, მაგარი ვაჟკაცები.

¹⁰ხოსას, მერარის ერთ-ერთი ძეთაგანის, ვაჟები: უფროსი შიმრი იყო — თუმცა პირმშო არ ყოფილა — მამამისმა არგუნა მას უფროსობა;

¹¹ხილკიაჰუ მომდევნო იყო, ტებალიაჰუ — მესამე, ზაქარია — მეოთხე. ხოსას სულ ცამეტი ვაჟი და ძმა ჰყავდა.

¹²კარისმცველთა დასს, მოყმეთა თავკაცებს, ჩაბარდათ დაცვა, თავიანთ ძმებთან ერთად, უფლის სახლში სამსახურის გასაწევად.

¹³ყველა კარიბჭეზე წილი ყარეს, როგორც დიდებმა, ისე პატარებმა, თავ-თავიანთი მამისსახლების მიხედვით.

¹⁴აღმოსავლეთის მხარე შელემიაჰუს ერგო წილად. მის ვაჟს ზაქარიას, გონიერ მრჩეველს, უყარეს წილი და მას წილად ჩრდილოეთის მხარე შეხვდა.

¹⁵ყობედ-ედომს სამხრეთის მხარე ერგო წილად, მის ძეებს — საკუჭნაოებთან.

¹⁶შუფიმსა და ხოსას დასავლეთის მხარე შეხვდათ, შალექეთის ჭიშკართან, საიდანაც გზა ადის და დაცვა დაცვის პირისპირ დგას.

¹⁷აღმოსავლეთით ექვსი ლევიანი იდგა, ჩრდილოეთით — დღეში ოთხი, სამხრეთით — დღეში ოთხი, საკუჭნაოებთან — ორ-ორი.

¹⁸ფარბარის დასავლეთით, გზაზე, ოთხნი იდგნენ, თავად ფარბართან — ორნი.

¹⁹აჰა. კორესა და მერარის ძეების კარისმცველთა დასები.

²⁰ლევიანთაგან: ახია ღვთის სახლის საგანძურსა და შენაწირი ნივთების საგანძურს დარაჯობდა.

²¹ლაყდანის ძენი, გერშონელთა ძენი — ლაყდანისგან. მამისსახლის თავკაცები ლაყდან გერშონელისგან: იეხიელი.

²²იეხიელის ძენი: ზეთამი და მისი ძმა იოელი უფლის სახლის საგანძურს დარაჯობდნენ,

²³ყამრამელებთან, იცჰარელებთან, ხებრონელებთან და ყუზიელებთან ერთად.

²⁴შებუელი ძე გერშომისა, მოსეს ძისა, საგანძურის მთავარი ზედამხედველი იყო.

²⁵მისი ძმები ელიეზერისგან; მისი ძე რეხაბიაჰუ, მისი ძე იეშაყიაჰუ, მისი ძე იორამი, მისი ძე ზიქრი, მისი ძე შელომითი.

²⁶ეს შელომითი თავისი ძმებითურთ დარაჯობდა შემოწირულობათა მთელ საგანძურს, რომელიც მეფე დავითმა, მამისსახლის თავკაცებმა, ათასისთავებმა, ასისთავებმა და სარდლებმა შესწირეს.

²⁷ომიდან და ნაალაფრიდან სწირავდნენ უფლის სახლის შესაკეთებლად.

²⁸ყველაფერი, რაც სამუელ წინასწარმეტყველმა, საულ კიშის ძემ, აბნერ ნერის ძემ, იოაბ ცერუიას ძემ შესწირეს, ყველა ეს შენაწირი შელომითისა და მისი ძმების ხელში იყო.

²⁹იცჰარელთაგან ქენანიაჰუ და მისი ძენი ისრაელში საგარეო სამსახურზე იყვნენ განწესებულნი მზირებად და მსაჯულებად.

³⁰ხებრონელთაგან: ხაშაბიაჰუ და მისი ძმები, მაგარი ვაჟკაცები, ათას შვიდასნი, დანიშნულნი იყვნენ ისრაელზე იორდანეს გაღმიდან დასავლეთამდე, უფლის ყოველგვარი საქმისათვის და მეფის ყოველგვარი სამსახურისათვის.

³¹ხებრონელებს იერია ხებრონელი ჰყავდათ თავკაცად, თავიანთ მოდგმასა და მამისსახლში, დავითის მეფობის მეორმოცე წელს გამოიკითხეს და მათ შორის მაგარი ვაჟკაცები აღმოაჩინეს გილყადის იაყზერში.

³²მათი ძმანი, მაგარი ვაჟკაცები, ორიათას შვიდასნი იყვნენ — მამისსახლის თიავკაცნი. დავით მეფემ ისინი რეუბენიანებში, გადელებში და მენაშეს ნახევარტომში გაამწესა ღვთის ყველა საქმისთვის და სამეფო საქმისთვის.