Read ბიბლია 1ნეშტ. 6 Bible Online

1ნეშტ. 6 - ბიბლია bible

1ნეშტ. 6

¹ლევის ძენი: გერშომი, კეჰათი და მერარი;

²გერშომის ძეთა სახელები: ლიბნი და შიმყი.

³კეჰათის ძენი: ყამრამი იცჰარი, ხებრონი და ყუზიელი.

⁴მერარის ძენი: მახლი და მუში. აჰა, ლევის საგვარეულონი, თავ-თავიანთი მამისსახლის მიხედვით.

⁵გერშომს ჰყავდა მისი ძე ლიბნი, მისი ძე იახათი, მისი ძე ზიმა,

⁶მისი ძე იოახი, მისი ძე ყიდო, მისი ძე ზერახი, მისი ძე იეათრაი.

⁷კეჰათის ძენი: მისი ძე ყამინადაბი, მისი ძე კორახი, მისი ძე ასირი,

⁸მისი ძე ელკანა, მისი ძე აბიასაფი, მისი ძე ასირი,

⁹მისი ძე თახათი, მისი ძე ურიელი, მისი ძე ყუზია, მისი ძე შაული.

¹⁰ელკანას ძენი: ყამასაი და ახიმოთი.

¹¹მისი ძე ელკანა, მისი ძე ცოფაი, მისი ძე ნახათი,

¹²მისი ძე ელიაბი, მისი ძე იეროხამი, მისი ძე ელკანა.

¹³სამუელის ძენი: იოელი — პირმშო და მომდევნო აბია.

¹⁴მერარის ძენი: მახლი, მისი ძე ლიბნი, მ

¹⁵მისი ძე შიმყა, მისი ძე ხაგია, მისი ძე ყასაია.

¹⁶აჰა, ისინი, მგალობლებად რომ დააყენა დავითმა უფლის სახლში, კიდობნის დადგმის შემდეგ.

¹⁷სადღესასწაულო კარავთან გალობით ასრულებდნენ მსახურებას, სანამ სოლომონი იერუსალიმში უფლის სახლს ააშენებდა. ისინი თავიანთი მსახურების წესისამებრ იდგნენ.

¹⁸აჰა, ისინი, მსახურებას ვინც ეწეოდნენ, და მათი ძენი: კეჰათის ძეთაგან ჰემანი — მგალობელი, იოელის ძე, ძისა სამუელისა,

¹⁹ძისა ელკანასი, ძისა იეროხამისა, ძისა ელიელისა, ძისა თოახისა,

²⁰ძისა ცუფისა, ძისა ელკანასი, ძისა მახათისა, ძისა ყამასაისი,

²¹ძისა ელკანასი, ძისა იოელისა, ძისა ყაზარიასი, ძისა ცეფანიასი,

²²ძისა თახათისა, ძისა ასირისა, ძისა აბიასაფისა, ძისა კორახისა,

²³ძისა იცჰარისა, ძისა კეჰათისა, ძისა ლევისა, ძისა ისრაელისა,

²⁴მისი ძმა ასაფი, მის მარჯვნივ მდგომი, ასაფ ბერექიაჰუს ძე, შიმყას ძისა,

²⁵ძისა მიქაელისა, ძისა ბაყასეიასი, ძისა მალქიასი,

²⁶ძისა ეთნისა, ძისა ზერახისა, ძისა ყადაიასი,

²⁷ძისა ეთანისა, ძისა ზიმასი, ძისა შიმყისა,

²⁸ძისა იახათისა, ძისა გერშომისა, ძისა ლევისა.

²⁹მერარის ძენი, მათი ძმები, მარცხნივ რომ იდგნენ: ეთან კიშის ძე, ძისა ყაბდისა, ძისა მალუქისა,

³⁰ძისა ხაშაბიასი, ძისა ამციასი, ძისა ხილკიასი,

³¹ძისა ამაცისა, ძისა ბანისა, ძისა შამერისა,

³²ძისა მახლისა, ძისა მუშისა, ძისა მერარისა, ძისა ლევისა.

³³მათი ძმები, ლევიანები, ღვთის სახლის სავანის ყველანაირი სამსახურისათვის იყვნენ დაყენებულნი.

³⁴აარონი და მისი ძენი სრულადდასაწველის სამსხვერპლოზე და საკმევლის სამსხვერპლოზე აკმევდნენ, წმიდათა წმიდაში ყველა საქმეს აკეთებდნენ და ყველაფერს ისე ასრულებდნენ ისრაელის განსაწმედად, როგორც ბრძანა მოსემ, ღვთის მსახურმა.

³⁵აჰა, აარონის ძენი: მისი ძე ელეაზარი, მისი ძე ფინხასი, მისი ძე აბიშუაყი,

³⁶მისი ძე ბუკი, მისი ძე ყუზი, მისი ძე ზერახია,

³⁷მისი ძე მერაიოთი, მისი ძე ამარია, მისი ძე ახიტუბი,

³⁸მისი ძე ცადოკი, მისი ძე ახიმაყაცი.

³⁹ეს მათი საცხოვრებელი, მათი დაბებისა და საზღვრის მიხედვით ერგოთ აარონის ძეთ, კეჰათელთა საგვარეულოდან წილისყრით მათ ეკუთვნოდათ.

⁴⁰და მისცეს მათ ხებრონი, იუდას ქვეყანაში, თავისი სანახებითა და შემოგარენითურთ.

⁴¹ამ ქალაქის მინდორ-ველი და სოფლები ქალებს მისცეს, იეფუნეს ძეს.

⁴²აარონის ძეთ მისცეს თავშესაფარი ქალაქები: ხებრონი, ლიბნა თავისი სანახებით, იათირი და ეშთემოაყი თავისი სანახებით,

⁴³ხილენი თავისი სანახებით, დებირი თავისი სანახებით,

⁴⁴ყაშანი თავისი სანახებით, ბეთ-შემეში თავისი სანახებით.

⁴⁵ბენიამინის ტომიდან: გებაყი თავისი სანახებით, ყალემეთი თავისი სანახებით, ყანათოთი თავისი სანახებით. მათ საგვარეულოებში სულ ცამეტი ქალაქი იყო.

⁴⁶ხოლო დანარჩენი კეჰათიანებს, ამ ტომის საგვარეულოდან, მენაშეს ნახევარტომის ნახევრიდან ათი ქალაქი ერგოთ წილისყრით.

⁴⁷გერშომიანებს, თავ-თავიანთი საგვარეულოებისდა მიხედვით, ისაქარის, აშერის, ნაფთალისა და მენაშეს ტომებიდან ცამეტი ქალაქი ერგოთ ბაშანში.

⁴⁸მერარიანებს, თავ-თავიანთი საგვარეულოებისდა მიხედვით, რეუბენის, გადისა და ზებულუნის ტომებიდან თორმეტი ქალაქი შეხვდათ წილისყრით.

⁴⁹ეს ქალაქები მისცეს თავისი სანახებით ისრაელის ძეებმა ლევიანებს.

⁵⁰წილისყრით მისცეს იუდას, სიმონისა და ბენიამინის ძეთა ტომებიდან ის ქალაქები, რომელთაც სახელები ერქვათ.

⁵¹კეჰათიანთა საგვარეულოებმა თავიანთი სასაზღვრო ქალქები ეფრემის ტომისაგან მიიღეს.

⁵²მათვე მისცეს თავშესაფარი ქალაქები: შექემი, ეფრემის მთაზე, თავისი სანახებით, გეზერი თავისი სანახებით,

⁵³იაკმეყამი თავისი სანახებით, ბეთ-ხორონი თავისი სანახებით,

⁵⁴აიალონი თავისი სანახებით და გათ-რიმონი თავისი სანახებით.

⁵⁵მენაშეს ნახევარტომიდან — ყანერი თავისი სანახებით და ბილყამი თავისი სანახებით მისცეს კეჰათიანთა დანარჩენ საგვარეულოს.

⁵⁶გერშომიანებს, მენაშეს ნახევარტომის საგვარეულოდან, ბაშანში მისცეს: გოლანი თავისი სანახებით და ყაშთაროთი თავისი სანახებით.

⁵⁷ისაქარის ტომიდან მისცეს კედეში თავისი სანახებით, დაბრათი თავისი სანახებით,

⁵⁸რამოთი თავისი სანახებით, ყანემი თავისი სანახებით.

⁵⁹აშერის ტომიდან მისცეს: მაშალი თავისი სანახებით, ყაბდონი თავისი სანახებით.

⁶⁰ხუკოკი თავისი სანახებით, რეხობი თავისი სანახებით.

⁶¹ნაფთალის ტომიდან მისცეს კედეში გალილეაში თავისი სანახებით, ხამონი თავისი სანახებით და კირიათაიმი თავისი სანახებით.

⁶²დანარჩენ მერარიანებს კი ზებულუნის ტომიდან მისცეს რიმონო თავისი სანახებით და თაბორი თავისი სანახებით.

⁶³იორდანეს გადაღმა, იერიხოსთან, იორდანეს აღმოსავლეთით რეუბენის ტომიდან მისცეს: ბეცერი უდაბნოში თავისი სანახებით, და იაჰცა თავისი სანახებით.

⁶⁴კედმოთი თავისი სანახებით და მეფაყათი თავისი სანახებით.

⁶⁵გადის ტომიდან მისცეს რამოთი გილყადში თავისი სანახებით,

⁶⁶და ხეშბონი თავისი სანახებით და იაყზერი თავისი სანახებით.