Read ბიბლია 1ნეშტ. 7 Bible Online

1ნეშტ. 7 - ბიბლია bible

1ნეშტ. 7

¹ისაქარის ძენი: თოლაყი, ფუა, იაშუბი, შიმრონი — ოთხნი.

²თოლაყის ძენი: ყუზი, რეფაია, იერიელი, იახმაი, იაბსამი, სამუელი — თოლაყის მამისსახლის თავკაცები, თავ-თავიანთი მოდგმის მაგარი ვაჟკაცები. დავითის დროს მათი რიცხვი ოცდაორიათას ექვსასი იყო.

³ყუზის ძე იზრახია. იზრახიას ძენი: მიქაელი, ყობადია, იოელი, იშია — სულ ხუთი თავკაცი.

⁴თავ-თავიანთი მოდგმიდან და მამიისსახლიდან ოცდათექვსმეტიათასიანი საბრძოლო რაზმი გამოჰყავდათ ომში, რადგან ბევრი ცოლ-შვილი ჰყავდათ.

⁵მათი ძმები, ისაქარის ყველა საგვარეულოს მაგარი ვაჟკაცები, ოთხმოცდაშვიდი ათასნი იყვნენ. ყველანი საგვარტომო ნუსხაში იყვნენ ჩაწერილნი.

⁶ბენიამინიანები: ბელაყი, ბექერი და იედიყაელი — სამნი.

⁷ბელაყის ძენი: ეცბონი, ყუზი, ყუზიელი, იერიმოთი, ყირი — ხუთნი, მამისსახლის თავკაცები. საგვარტომო ნუსხაში ოცდაორი ათას ოცდათოთხმეტნი არიან ჩაწერილნი.

⁸ბექერის ძენი: ზემირა, იოყაში, ელიეზერი, ელიოყენაი, ყომრი, ირემოთი, აბია, ყანათოთი და ყალამეთი. ყველა ისინი ბექერის ძენი არიან.

⁹საგვარტომო ნუსხაში ისინი თავ-თავიანთ მამისსახლთა თავკაცების მიხედვით არიან ჩაწერილნი — სულ ოციათას ორასი ძლიერი მებრძოლი.

¹⁰იედიყაელის ძენი: ბილჰანი. ბილჰანის ძენი: იეყუში, ბენიამინი, ეჰუდი, ქენაყანა, ზეთანი, თარშიში და ახიშახარი.

¹¹ყველა ესენი იედიყაელის ძენი არიან, მამისსახლთა თავკაცები. მათგან ჩვიდმეტიათას ორასი მებრძოლი გამოდიოდა საბრძოლველად.

¹²შუფიმი და ხუფიმი ყირის ძენი იყვნენ, ხოლო ხუშიმი ახერის ძე იყო.

¹³ნაფთალის ძენი: იახაციელი, გუნი, იეცერი და შალუმი ბილჰას შვილები იყვნენ.

¹⁴მენაშეს ძენი: ასრიელი, რომელიც მისმა არამელმა ხარჭამ გააჩინა; მასვე ეყოლა მაქირი, გილყადის მამა.

¹⁵მაქირმა ცოლები მოუყვანა ხუფიმს და შუფიმს. მათ დას მაყაქა ერქვა, ვაჟს — ცელაფხადი. ცელაფხადს ასულები ჰყავდა.

¹⁶მაყაქამ, მაქირის ცოლმა, ვაჟი გააჩინა და ფერეში დაარქვა. მის ძმას შარეში ერქვა. მისი ვაჟები იყვნენ: ულამი და რაკემი.

¹⁷ულამის ძე — ბედანი. აჰა, ძენი გილყადისა, მაქირის ძისა, მენაშეს ძისა.

¹⁸მისმა დამ, ჰამოლექეთმა შვა იშჰოდი, აბიყეზერი და მახლა.

¹⁹შემიდაყის ძენი იყვნენ: ახიანი, შექემი, ლიკხი და ანიყამი.

²⁰ეფრემის ძენი: შუთალახი, მისი ძე ბერედი, მისი ძე თახათი, მისი ძე ელყადა, მისი ძე თახათი,

²¹მისი ძე ზაბადი, მისი ძე შუთელახი, ყეზერი და ელყადი. ისინი გათის ხალხმა ამოხოცა ამ ქვეყნის მკვიდრებმა, რადგან ისინი საქონლის წასართმევად დაესხნენ თავს.

²²დიდხანს გლოვობდა ეფრემი, მათი მამა. მის სანუგეშოდ მისი ძმები მოვიდნენ.

²³და მიუდგა იგი თავის ცოლს, დაორსულდა და ბიჭი გაუჩნდა, სახელად ბერიყა დაარქვეს, რადგან მის სახლში უბედურება დატრიალდა.

²⁴შეერა მისი ასული იყო, და მან ააშენა ზემო და ქვემო ბეთ-ხორონი და უზენ-შეერა.

²⁵მისი ძე იყო რეფახი, მისი ძე რეშეფი და თელახი, და მისი ძე თახანი,

²⁶მისი ძე ლაყდანი, მისი ძე ყამიჰუდი, მისი ძე ელიშამაყი,

²⁷მისი ძე ნონი, მისი ძე იესო.

²⁸მათი სამფლობელო და საცხოვრებელი იყო: ბეთ-ელი და მისი დაბა-სოფლები. აღმოსავლეთით ნაყარანი და დასავლეთით გეზერი თავისი დაბა-სოფლებით, შექემი თავისი დაბა-სოფლებით ღაზამდე და მის დაბა-სოფლებამდე.

²⁹მენაშეს ძეთა ხელში იყო: ბეთ-შეანი თავისი დაბა-სოფლებით, თაყნაქი თავისი დაბა-სოფლებით, მეგიდო თავისი დაბა-სოფლებით, დორი თავისი დაბა-სოფლებით. ამ ქალაქებში ცხოვრობდნენ იოსების, ისრაელის ძის, ძენი.

³⁰აშერიანები: იმნა, იშვა, იშვი, ბერიყა და მათი და სერახი.

³¹ბერიყას ძენი: ხებერი და მალქიელი, ბირზაითის მამა.

³²ხებერმა შვა იაფლეტი, შომერი, ხოთამი და მათი და შუაყა.

³³იაფლეტის ძენი: ფასაქი, ბიმჰალი და ყაშვათი. ესენი არიან იაფლეტის ძენი.

³⁴შამერის ძენი: ახი, როჰგა, იეხუბა და არამი.

³⁵მისი ძმის, ჰელემის ძენი: ცოფახი, იმნაყი, შელეში და ყამალი.

³⁶ცოფახის ძენი: სუახი, ხარნეფერი, შუყალი, ბერი და იმრა,

³⁷ბეცერი და ჰოდი, შამა და შილშა, ითრანი და ბეერა.

³⁸იეთერის ძენი: იეფუნე, ფისფა და არა.

³⁹ყულას ძენი: არახი, ხანიელი და რიცია.

⁴⁰ყველა ესენი აშერის ძენი არიან, მამისსახლთა თავკაცები, რჩეული და ძლიერი მებრძოლები, მთავართა თავკაცები. მათ საგვარტომო ნუსხაში რიცხვით ოცდაექვსი ათასი ომში მებრძოლი კაცია ჩაწერილი.