Read ბიბლია ეზრ. 10 Bible Online

ეზრ. 10 - ბიბლია bible

ეზრ. 10

¹და როცა ლოცულობდა ეზრა და აღსარებას ამბობდა მტირალი და ღვთის სახლის წინ განრთხმული, თავი მოიყარა მის გარშემო ისრაელიდან დიდძალმა კრებულმა — კაცებმა, ქალებმა და ბალღებმა — რადგან მწარედ ტიროდა ხალხიც.

²და მიუგო შეხანიამ, იეხიელის ძემ, ყელამის ძეთაგან, და უთხრა ეზრას: „ვუღალატეთ ჩვენს ღმერთს და მოვიყვანეთ უცხოელი ცოლები ამ ქვეყნის ხალხთაგან; და ახლა არის იმედი ისრაელისათვის მიუხედავად ამისა.

³და ახლა აღვუთქვათ ჩვენს ღმერთს, რომ ყველანი გავუშვებთ ცოლებს და მათ მონაგარს ჩემი ბატონისა და ჩვენი ღვთის მცნებათა მოშიში ხალხის რჩევით; რჯულისამებრ იყოს.

⁴ადექი, რადგან შენზეა ეს საქმე და ჩვენც შენთან ვართ. გამხნევდი და იმოქმედე!“

⁵და ადგა ეზრა და დააფიცა მღვდლების, ლევიანებისა და მთელი ისრაელის უფროსები, რომ ასე მოიქცეოდნენ. და მათაც დაიფიცეს.

⁶და ადგა ეზრა ღვთის სახლიდან და წავიდა იოხანანის, ელიაშიბის ძის, ოთახისაკენ. იქ კი მივიდა, მაგრამ პური არ უჭამია და წყალი არ დაულევია, რადგან გადანასახლები ხალხის ურჯულოების გამო გლოვობდა.

⁷და გამოუცხადეს იუდასა და იერუსალიმში მყოფ ყველა გადანასახლებს, რათა იერუსალიმში მოეყარათ თავი.

⁸და ყველას, ვინც სამ დღეში არ მოვიდოდა, მთავართა და უხუცესთა გადაწყვეტილებით ჩამოერთმეოდა მთელი ქონება და მოკვეთილი იქნებოდა გადანასახლებთა კრებულიდან.

⁹და სამ დღეში თავი მოიყარეს იერუსალიმში ბენიამინისა და იუდას ყველა კაცმა; და ეს იყო მეცხრე თვეს, თვის მეოცე დღეს. იჯდა მთელი ხალხი ღვთის სახლის მოედანზე და კანკალებდა ამ ამბისა და თავსხმა წვიმის გამო.

¹⁰და ადგა ეზრა მღვდელი და უთხრა მათ: „თქვენ ღალატი ჩაიდინეთ და უცხო ცოლები მოიყვანეთ, რომ გაამრავლოთ ისრაელის დანაშაული.

¹¹და ახლა აღსარება უთხარით უფალს, თქვენი მამების ღმერთს და აღასრულეთ მისი ნება: განუდექით ამ ქვეყნის ხალხებს და უცხოელ ცოლებს!“

¹²და მიუგო მთელმა კრებულმა და უთხრა დიდი ხმით: „ასე, შენი სიტყვისამებრ მოვიქცევით!

¹³მაგრამ ბევრია ხალხი და წვიმიანობის დროა. არ შეგვიძლია გარეთ დგომა. თანაც ეს ერთი ან ორი დღის ამბავი არ არის, რადგან ჩვენ ბევრი შეგვიცოდავს ამ საქმეში.

¹⁴დადგნენ ჩვენი მთავრები მთელი კრებულის ნაცვლად, ხოლო ყველანი, ვისაც ჩვენ ქალაქში უცხოელი ცოლები ჰყავთ, მოვიდნენ დანიშნულ დროს თავიანთი ქალაქების უხუცესებთან და მსაჯულებთან ერთად, ვიდრე აგვაცილებენ ჩვენი ღვთის რისხვას ამ ამბის გამო.“

¹⁵მხოლოდ იონათანი, ძე ყასაელისა და იახზეია, თიკვას ძე, გამოვიდნენ ამის წინააღმდეგ; მეშულამი და შაბეთაი, ლევიანი, უჭერდნენ მათ მხარს.

¹⁶მაგრამ გადანასახლები ხალხი ასე მოიქცა. და ეზრა მღვდელმა გამოარჩია კაცები, თავ-თავიანთი მამისსახლების მიხედვით, ყველანი სახელდებით იყვნენ ხმობილნი. და დასხდნენ ისინი მეათე თვის პირველ დღეს ამ საქმის გამოსაძიებლად.

¹⁷და მორჩნენ პირველი თვის პირველი დღისათვის ყველა იმ მამაკაცის საქმეს, რომელთაც უცხოელი ცოლები ჰყავდათ.

¹⁸და მღვდლების შთამომავლებში, რომელთაც უცხოელი ცოლები ჰყავდათ მოყვანილი აღმოჩნდნენ: იესო იოცადაკის ძის ვაჟები და მისი ძმები: მაყასეია, ელიეზერი, იარიბი და გედალია.

¹⁹და მათ ხელი მისცეს, რომ გაუშვებდნენ თავიანთ ცოლებს, და დამნაშავეებმა შესწირეს ვერძი ფარიდან თავიანთი დანაშაულის გამო.

²⁰და იმერის ძეთაგან: ხანანი და ზებადია;

²¹და ხარიმის ძეთაგან: მაყასეია, ელია, შემაყია, იეხიელი, ყუზია;

²²და ფაშხურის ძეთაგან: ელიოყენაი, მაყასეია, ისმაელი, ნეთანელი, იოზაბადი და ელყასა;

²³და ლევიანთაგან: იოზაბადი, შიმყი, კელაია, იგივე კელიტა, ფეთახია, იუდა და ელიეზერი.

²⁴და მგალობელთაგან: ელიაშიბი. და კარის მცველთაგან: შალუმი, ტელემი და ური.

²⁵და ისრაელიდან: ფარყოშის ძეთაგან: რამია, იეზია, მალქია, მიამინი, ელეაზარი, მალქია, ბენაია;

²⁶ყელამის ძეთაგან: მათანია, ზაქარია, იეხიელი, ყაბდი, იერემოთი, ელია;

²⁷ზათუს ძეთაგან: ელიოყენაი, ელიაშიბი, მათანია, იერემოთი, ზაბადი, ყაზიზა;

²⁸ბებაის ძეთაგან: იეჰოხანანი, ხანანია, ზაბაი, ყათლაი;

²⁹ბანის ძეთაგან: მეშულამი, მალუქი, ყადაია, იაშუბი, შეალი, იერამოთი;

³⁰და ფახათ-მოაბის ძეთაგან: ყადნა, ქელალი, ბენაია, მაყასეია, მათანია, ბეცალელი, ბინუი და მენაშე;

³¹ხარიმის ძეთაგან: ელიეზერი, იშია, მალქია, შემაყია, შიმყონი;

³²ბენიამინი, მალუქი, შემარია;

³³ხაშუმის ძეთაგან: მათენაი, მათათა, ზაბადი, ელიფელეტი, იერემაი, მენაშე, შიმყი;

³⁴ბანის ძეთაგან: მაყადაი, ყამრამი, უელი,

³⁵ბენაია, ბედეია, ქელუჰუ,

³⁶ვანია, მერემოთი, ელიაშიბი,

³⁷მათანია, მათენაი და იაყასაი;

³⁸ბანი, ბინუი შიმყი,

³⁹შელემია, ნათანი, ყადაია,

⁴⁰მაქნადბაი, შაშაი, შარაი,

⁴¹ყაზარელი, შელემიაჰუ, შემარია,

⁴²შალუმი, ამარია, იოსები,

⁴³ნებოს ძეთაგან: იეყიელი, მათითია, ზაბადი, ზებინა, იადაი, იოელი და ბენაია.

⁴⁴ყველას უცხოელი ცოლები ჰყავდათ მოყვანილი; ზოგიერთებს მათგან ვაჟებიც შესძენოდათ.