Read ბიბლია ნეემ. 7 Bible Online

ნეემ. 7 - ბიბლია bible

ნეემ. 7

¹კედელი რომ აშენდა, კარებები ჩავაყენე და გავამწესე კარისმცველები, მგალობელნი და ლევიანები,

²და ვუბრძანე ხანანს, ჩემ ძმას, და ხანანიას, იერუსალიმის ციხისთავს, რადგან ის სანდო კაცი იყო და სხვებზე მეტად ღვთისმოშიში,

³და ვუთხარი მათ: „არ გააღონ იერუსალიმის ბჭენი ვიდრე მზე არ დააცხუნებს, და სანამ ისინი დგანან საგუშაგოზე, მანამ დაკეტონ და ურდულით დაგმანონ კარნი. და იერუსალიმის მკვიდრთაგან დააყენეთ, თითოეული თავის საგუშაგოზე და თითოეული თავისი სახლის წინ.“

⁴და ქალაქი ვრცელი და დიდი იყო, ხალხი კი ცოტა იყო მასში, და არც სახლები იყო აშენებული.

⁵ჩემმა ღმერთმა გულში ჩამიდო, რათა შემეკრიბა დიდებულები და მოხელეები და ხალხი აღსანუსხავად. და მივაგენი იერუსალიმში პირველად ამოსულთა საგვარტომო წიგნს, და ვპოვე დაწერილი მასში:

⁶ესენი არიან იმ მხარის შვილები, რომელნიც გადასახლებულთა ტყვეობიდან ამოვიდნენ, რომლებიც გადაასახლა ნაბუქოდონოსორმა, ბაბილონის მეფემ, და დაბრუნდნენ ისინი იერუსალიმში და იუდაში — თითოეული თავის ქალაქში,

⁷რომელნიც მივიდნენ ზერუბაბელთან, იესოსთან, ნეემიასთან, ყაზარიასთან, რაყამიასთან, ნახამანისთან, მორდექაისთან, ბილშანთან, მისფერეთთან, ბიგვაისთან, ნეხუმთან და ბაყანასთან. ეს არის ისრაელი ხალხის მამაკაცთა რიცხვი:

⁸ფარყოშის ძენი — ორი ათას ას სამოცდათორმეტი;

⁹შეფატიას ძენი — სამას სამოცდათორმეტი;

¹⁰არახის ძენი — ექვსას ორმოცდათორმეტი;

¹¹ფახათ-მოაბის ძენი, იესოსა და იოაბის ძეთაგან — ორი ათას რვაას თვრამეტი;

¹²ყელამის ძენი — ათას ორას ორმოცდათოთხმეტი;

¹³ზათუს ძენი — რვაას ორმოცდახუთი;

¹⁴ზაქაის ძენი — შვიდას სამოცი;

¹⁵ბინუის ძენი — ექვსას ორმოცდარვა;

¹⁶ბებაის ძენი — ექვსას ოცდარვა;

¹⁷ყაზგადის ძენი — ორი ათას სამას ოცდაორი;

¹⁸ადონიკამის ძენი — ექვსას სამოცდაშვიდი;

¹⁹ბიგვაის ძენი — ორი ათას სამოცდაშვიდი;

²⁰ყადინის ძენი — ექვსას ორმოცდათხუთმეტი;

²¹ატერის ძენი ხიზკიას სახლიდან — ოთხმოცდათვრამეტი;

²²ხაშუმის ძენი — სამას ოცდარვა;

²³ბეცაის ძენი — სამას ოცდაოთხი;

²⁴ხარიფის ძენი — ას თორმეტი;

²⁵გაბაონის ძენი — ოთხმოცდათხუთმეტი;

²⁶ბეთლემის და ნეტოფას მკვიდრნი — ას ოთხმოცდარვა;

²⁷ყანათოთის მკვიდრნი — ას ოცდარვა;

²⁸ბეთ-ყაზმავეთის მკვიდრნი — ორმოცდაორი;

²⁹კირიათ-იეყარიმის, ქეფირას და ბეეროთის მკვიდრნი — შვიდას ორმოცდასამი;

³⁰რამას და გაბაყის მკვიდრნი — ექვსას ოცდაერთი;

³¹მიქმასის მკვიდრნი — ას ოცდაორი;

³²ბეთელისა და ჰაღაის მკვიდრნი — ასოცდასამი;

³³სხვა ნებოს მკიდრნი — ორმოცდათორმეტი;

³⁴სხვა ყელამის მკვიდრნი — ათას ორას ორმოცდათოთხმეტი;

³⁵ხარიმის ძენი — სამას ოცი;

³⁶იერიხოს ძენი — სამას ორმოცდახუთი;

³⁷ლოდის, ხადიდის და ონოს ძენი — შვიდას ოცდაერთი;

³⁸სენაას ძენი — სამი ათას ცხრაას ოცდაათი.

³⁹მღვდლები: იედაყიას ძენი იესოს სახლიდან — ცხრაას სამოცდაცამეტი;

⁴⁰იმერის ძენი — ათას ორმოცდათორმეტი;

⁴¹ფაშხურის ძენი — ათას ორას ორმოცდაშვიდი;

⁴²ხარიმის ძენი — ათას ჩვიდმეტი.

⁴³ლევიანები: იესოს ძენი კადმიელის სახლიდან, ჰოდევას ძენი — სამოცდათოთხმეტი.

⁴⁴მგალობელნი: ასაფის ძენი — ასორმოცდარვა.

⁴⁵კარის მცველნი: შალუმის ძენი, ატერის ძენი, ტალმონის ძენი, ყაკუბის ძენი, ხატიტას ძენი, შობაის ძენი, — ას ოცდათვრამეტი.

⁴⁶ტაძრის მსახურნი: ციხას ძენი, ხასუფას ძენი, ტაბაყოთის ძენი,

⁴⁷კეროსის ძენი, სიყას ძენი, ფადონის ძენი,

⁴⁸ლებანას ძენი, ხაგაბას ძენი, შალმაის ძენი,

⁴⁹ხანანის ძენი, გიდელის ძენი, გახარის ძენი,

⁵⁰რეაიას ძენი, რეცინის ძენი, ნეკოდას ძენი,

⁵¹გაზამის ძენი, ყუზას ძენი, ფასეახის ძენი,

⁵²ბესაის ძენი, მეყუნიმის ძენი, ნეფიშესიმის ძენი,

⁵³ბაკბუკის ძენი, ხაკუფას ძენი, ხარხურის ძენი,

⁵⁴ბაცლითის ძენი, მეხიდას ძენი, ხარშას ძენი,

⁵⁵ბარკოსის ძენი, სისერას ძენი, თამახის ძენი,

⁵⁶ნეციახის ძენი, ხატიფას ძენი.

⁵⁷სოლომონის მსახურთა ძენი: სოტაის, სოფერეთის, ფერიდას,

⁵⁸იაყალას, დარკონის, გიდელის,

⁵⁹შეფატიას, ხატილის, ფოქერეთ-ცებაიმის და ამონის ძენი.

⁶⁰სოლომონისა და ტაძრის მსახურთა ძენი — სულ სამას ოთხმოცდათორმეტი.

⁶¹და ესენი იყვნენ ამოსულნი თელ-მელახიდან, თელ-ხარშადან, ქერუბიდან, ადონიდან და ამერიდან, მაგრამ ვეღარაფერი თქვეს თავიანთ მამისსახლზე და მოდგმაზე ისრაელიდან თუ იყვნენ ისინი:

⁶²დელაიას ძენი, ტობიას ძენი, ნეკოდას ძენი — ექვსას ორმოცდაორი.

⁶³მღვდელთაგან: ხაბაიას ძენი, ჰაკოცის ძენი, ძენი ბარზილაისა, რომელმაც მოიყვანა ცოლი გილყადელი ბარზილაის ასულთაგან და მათ სახელზე დაეწერა.

⁶⁴ამათ ეძებეს თავიანთი საგვარტომო ნუსხის ჩანაწერი და ვერ იპოვეს, და განიკვეთნენ მღვდლობიდან.

⁶⁵და განმგებელმა გააფრთხილა ისინი, რომ არ ეჭამათ წმიდადან, ვიდრე მღვდელი არ დადგებოდა ურიმითა და თუმიმით.

⁶⁶მთელი კრებული ერთიანად იყო — ორმოცდაორი ათას სამას სამოცი კაცი,

⁶⁷გარდა მონებისა და მხევლებისა, რომლებიც იყვნენ შვიდი ათას სამას ოცდაჩვიდმეტი; მათ ჰყავდათ მგალობელი კაცები და მგალობელი ქალები — ორას ორმოცდახუთი.

⁶⁸მათ ჰყავდათ შვიდას ოცდათექვსმეტი ცხენი, ორას ორმოცდახუთი ჯორი,

⁶⁹ოთხას ოცდათხუთმეტი აქლემი, ექვსი ათას შვიდას ოცი სახედარი.

⁷⁰და მამისსახლთა თავკაცთაგან ზოგიერთმა სამუშაოსთვის წილი გაიღო. განმგებელმა შესწირა საგანძურს ათასი დრაქმა ოქრო, ორმოცდაათი თასი და ხუთას ოცდაათი სამღვდელო კვართი.

⁷¹მამისსახლის თავკაცთაგან საგანძურს შესწირეს სამუშაოსათვის ოცი ათასი დრაქმა ოქრო და ორი ათას ორასი მანა ვერცხლი.

⁷²და რაც დანარჩენმა ხალხმა შესწირა იყო: ოცი ათასი დრაქმა ოქრო და ორი ათასი მანა ვერცხლი და სამოცდაშვიდი სამღვდელო კვართი.

⁷³და დასახლდნენ მღვდლები, ლევიანები, კარის მცველნი, მგალობელნი, ნაწილი ხალხისა, ტაძრის მსახურნი და მთელი ისრაელი თავ-თავიანთ ქალაქებში. და დადგა მეშვიდე თვე და ისრაელის ძენი თავიანთ ქალაქებში იყვნენ.